Basque Cybersecurity Centrek CERT markako homologazioa eskuratu du
Era horretako ekimenen partaide izateak helburu bikoitza du: euskal ekosistema gehiago babestea eta Euskadin eremu horretan egiten den guztia ezagutzera ematea
Aldi berean, BCSC ENISAren CSIRT mapan sartu da; hots, Europako zibersegurtasunaren agentzian
Zibersegurtasun Euskal Zentroa Carnegie Mellon-ek jada baimendutako zentroa da CERT (Computer Emergency Response Team edo Larrialdi Informatikoen aurreko Erantzun Ekipoa) marka erregistratua erabiltzeko.
Carnegie Mellon-en CERT Coordination Center (CERT/CC) 1988. urtean sortu zen “Morris” harra agertzearen ondorioz; hau da, historiako lehen har informatikoa, Internetera konektatutako 6.000 ordenagailu infektatu zituena, kopuru osoaren %10 inguru. Har horren sortzaileari, Robert Tappan Morrisi, hiru urteko kartzela-zigorra ezarri zioten, komunitateari 400 orduko zerbitzua ematera eta 10.050 dolarretako isuna ordaintzera zigortzearekin batera. Gertaera hura kudeatzeko, nazioarteko erakunde ezberdinek batera egin behar izan zuten lan, era horretako mehatxuei aurre egiteko modu koordinatuan lan egitea agerian geratuz, eraginkorragoak izateko eta indarrak ez bikoizteko helburuarekin.
CERT marka erosteko eta erabiltzeko eskubidea izateko, eskatzen duten enpresa eta erakunde ezberdinek Carnegie Mellon Unibertsitatearen baliozkotzeko prozesu oso bat igaro behar izaten dute. CERT marka erabiltzeko baimendutako erakundeen zerrenda osoa kontsulta daiteke hemen. Horien guztien artean, BCSCrenaz gain, honako hauek bezalako hainbat euskal enpresa nabarmentzen dira: ITS Security, S21Sec / Nextel, Entelgy, eta duela gutxi P3rseus. Guztiak zibersegurtasunaren arloan euskal ekosistemak duen potentzialaren adibide argia dira, San Franciscoko SA Conferencen jada erakutsi zen moduan.
CSIRT.es, FIRST, ENISA eta CERT marka
Iaz, BCSC CSIRT.es barruan sartu zen; hain zuzen ere, irabazi asmorik gabeko ekimena da, segurtasun informatikoko gertaerei erantzuna emateko talde publikoek zein pribatuek osatua, eta horien jarduera-eremua Espainiako estatuan kokatzen da. Tartean, Estatuko Segurtasuneko Indar eta Kidegoetakoak sartzen dira, Ertzaintza bera.
Era berean, 2018ko urrian, zentroaren lana aitortua izan zen FIRSTera atxikitzearekin; hau da, Zibersegurtasuneko Gertaerei Erantzuna emateko Ekipoen Zentroen munduko foro handiena. Gaur egun, 470 erakundetik gora daude, pribatuak edo publikoak, militarrak, hezkuntzakoak edo gobernuarenak, kontinente guztietan banatuta, eta zibermehatxuei buruzko informazioa partekatzen dute, babestuago egotearren.
CERT markaren homologazio-prozesua gainditzeaz gain, Basque Cybersecurity Centre ENISAren CSIRTs mapan (European Union Agency for Network and Information Security, Zibersegurtasunerako Europako Agentzia) sartu dute. ENISA ezagutza espezializatuen zentroa da, EBeri eta osatzen duten herrialdeei zibersegurtasun arloko gorabeherak prebenitzeko, detektatzeko eta horiei erantzuna emateko hobeto prestatuta egoten laguntzen diena. Gaur egun, guztira 387 CSIRT daude mapan sartuta. Mapa horretan, BCSCrekin batera, beste 23 erakunde daude, estatuaren barruan jarduteko, zibersegurtasunaren inguruko mehatxu ezberdinei aurre egite aldera.
Era horretako ekimenen zati izateak helburu bikoitza du: euskal ekosistemaren babesa indartzea eta Euskadin arlo horretan egiten den guztia ezagutzera ematea.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin