SPRILURek Estatuko erakunde publikoekin partekatu du enpresa-guneak kudeatzeko bere eredua
Estatuko erakunde publikoetako 18 ordezkari bildu dira gaur, apirilak 30, Bizkaiko Zientzia eta Teknologi Parkean, “Espazio Produktiboei” buruzko benchmarking jardunaldi batean
Prestakuntza teorikoko moduluak egin dira, eta lau jardunaldi sektorial, zeintzuetan hainbat bisita egin diren kudeaketarekin lotutako hainbat sektoretako enpresa publikoetara
Sprilur-Eusko Jaurlaritzako enpresa-guneen kudeaketa eta sustapenerako sozietate publikoak, Euskadiko Teknologi Parkeen Sareak eta Espainiako Industrialdeen Koordinakundeak (CEPE) benchmarking mintegi batean eta lau jardunaldi sektorialetan parte hartu dute gaur. Elige-Empresas Locales de Interés General sareak eta Zerbitzu Publikoen Eskolak antolatutako ekimen horien helburua izan da hobeto ezagutzea zer berezitasun dituzten enpresa-parke eta eremuetan ematen diren zerbitzuek, nola kudeatzen eta zuzentzen diren, eta zeintzuk diren leku horietan kokatutako enpresen garapena errazten duten funtsezko elementuak.
Sevilla, Madril, Tarragona, Gijon, Jaen, Salamanca, Gijon edo Bartzelona bezalako hirietako erakunde publikoetako 18 bat ordezkari elkartu dira Euskadin kudeaketa publikoari buruzko prestakuntza jasotzeko eta esperientziak trukatzeko jardunaldiotan, non, modulu teorikoez gain, aukera izan baitute lau jardunaldi sektorialetan parte hartzeko eta hainbat jarduera sektoretako (ur zerbitzua, garraioak, garbiketa…) enpresa publikoak bisitatzeko.
Ekimen honen barruan, Bizkaiko Zientzia eta Teknologia Parkeak mintegi bat egin du gaur “Espazio produktiboak eta industrialdeak abian jartzeko eta kudeatzeko” prozesuari buruz, eta bertaratuekin jorratu eta partekatu du Sprilur eta Teknologi Parkeek gauzatzen duten jarduera enpresa-guneen kudeaketa-, garapen- eta sustapen-arloetan, gune horien exekuzio eta mantenimendu ziklo eta fase osoan.
Mintegi horretan parte hartu dute Itziar Epalza, Teknologi Parkeen Sareko zuzendari nagusiak, Txaber Ouro, Sprilur S.A.ko zuzendariak, eta baita ere Eusko Jaurlaritzako Ekonomi Garapen eta Azpiegitura Sailarekin lotutako erakundeek, bertatik bertara ezagutarazteko Euskadin kudeatzen diren teknologi parkeen eta industrialdeen azken 30 urte hauetako esperientzia.
Horrez gain, jardunaldira azaldu dira enpresen garapen sektoreko zenbait aditu ere, hala nola: José Miguel Artaza, SPRILUReko zuzendari ohia; Alex Laustaunau, CEPEko Zuzendaritza Batzordeko kidea; Iker Bergaretxe, SPRILUReko zuzendariordea; Joseba Urbieta, Bizkaiko Zientzia eta Teknologi Parkeko kudeatzailea; Aurkene Niño, Sprilur, S.A.ko Hirigintza eta Eraikuntza Sostengarriko aditua; eta Jesús Unda, Sprilur, S.A.ko Kalitate zuzendaria.
Prestakuntza-jardunaldi horien helburua da hurbil gaitezela industrialde eta teknologi parkeen arlora eta, oro har, “espazio produktibo” desberdinetara, eta ezagutu ditzagula “in situ” beren berezitasunak, potentziala eta premiak, bertako enpresa-sareak lehiakortasunez egin dezan aurrera.
Mintegian, Sprilur S.A.ko zuzendari eta ELIGE sareko Zuzendaritza Batzordeko kide Txaber Ourok diplomak banatu dizkie zerbitzu publikoetako enpresa kudeatzaileentzako prestakuntza-zikloan parte hartu dutenei.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.