BIND 4.0, 25 hub onenen artean Europako startupetarako Financial Times-en arabera
- Financial Times, Statista eta Sifted-ek egindako rankingak 2.000 programa ebaluatu ditu Europako startupetarako.
- 23. postuan dago BIND 4.0, 125 hub onenen artean, eta aipamen berezia jaso du bere mentoring zerbitzuagatik, zazpigarren postuan kokatuta.
Berrikuntza irekiko plataforma, BIND 4.0, Eusko Jaurlaritzaren eta SPRI taldearen ekimena, Europako startupetarako berrikuntzako TOP 25 huben artean aukeratu da, Europe’s Leading Start-up Hubsen sailkapenaren arabera. Sailkapena Financial Timesek egin du, Statista-rekin eta Sifted-ekin (FTren argitalpen elkartuarekin) lankidetzan. Azterlanak Europako 2.000 inkubatzaile eta azeleratzaile ebaluatu ditu startupetarako 125 hub onenen rankinga egiteko.
Zerrenda sortzeko, rankingeko parte-hartzaileek eta aditu independenteek (arrisku-kapitaleko sozietateak, enpresariak eta akademikoak, besteak beste) sei kategoriatan puntuatu eta ebaluatu dituzte hautatuak: mentoringa eta prestakuntza, azpiegitura, laguntza juridikoa, enpresa-garapena, sareen sorrera eta finantzaketa. Puntu gehigarriak ere eman dira, zentro bakoitzean sortutako startup arrakastatsuenen arabera.
Euskadi, berrikuntza irekiaren erreferentea Europan
Ekonomiaren arloko Financial Times argitalpen britainiarraren aintzatespen honekin, Europako startupetarako erreferentziazko huben artean kokatzen da Euskadi. BIND 4.0 berrikuntza irekiko plataformak 23. postua lortu du rankingean eta, bestalde, zazpigarren postua startupi emandako mentoring zerbitzu onenen artean.
Startupak azeleratzeko programa gehien dituzten herrialdeei dagokienez, nabarmentzekoa da Europe’s Leading Start-up Hubsek 21 herrialde sartu dituela sailkapenean. Lehen postuan Erresuma Batua dago, startupen 24 hubekin. Bigarrenean Alemania, 16 hubekin, eta ondoren Espainia, hirugarren postuan eta 15 ekimen liderrekin. Zehazki, 2 Euskadikoak dira, BerriUp azelerazio programa eta BIND 4.0, seigarren postuan.
Berrikuntza irekiko 350 proiektu baino gehiago Startupekin
Eusko Jaurlaritzak azken urteotan abian jarritako ekimenen artean, Euskadin berrikuntza irekiaren aldeko apustu nagusietako bat bi plataformaren eskutik etorri da: BIND 4.0 ꟷSpri taldeko industria adimenduneko plataformaꟷ eta Up!Euskadi. Zortzi edizio arrakastatsu baino gehiagoren ondoren, nazioarteko erreferentziatzat hartzen da BIND 4.0. Izan ere, Startup Ecosystem Stars saria eman diote berriki International Chamber of Commerce (ICC) enpresa-elkarteak eta berrikuntza irekirako “Mind the Bridge” plataforma globalak, Industriarako Aparteko Laguntzagatik “Startup Programs” eta “Laguntza ETEei” kategorietan. 2020an, Europako Batzordeko Barne Merkatu, Industria, Ekintzailetza eta ETEko Zuzendaritza Nagusiak enpresa-ingurunea hobetzeko kategorian saritu zuen, Enpresa Sustapenerako Europako Sarien XIV. edizioan.
Izan ere, BIND 4.0k sektorearen eraldaketa digitala bizkortzeko hiru startup programa ditu: BIND 4.0 Acceleration Program, erreferentziazko enpresekin lankidetzan aritzeko; BIND 4.0 SME Connection, ETEetan berritzeko; eta BIND 4.0 GovTech, Euskadiko sozietate publikoen eraldaketa digitalerako. Guztira, hiru ekimen horiekin, 2016an BIND 4.0 abian jarri zenetik, 330 proiektu garatu dira 220 startup baino gehiagoren eskutik.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.