Enpresa-garapenerako
euskal agentzia
Enpresa-garapenerako
euskal agentzia
Ekonomiaren Garapen eta Azpiegitura Sailaren aurrekontua berriz ere murriztu egin da, oraingoan %2,7ko jaitsierarekin, oso aurreratua dagoen eta azken zatian sartuko den AHTaren obran inbertsioa gutxitzen delako.
Gainontzeko aurrekontua %4,7 handitzen da, kudeaketa-kredituen efekturik gabe.
Lehenengoz jasotzen du aurrekontuak Euskadiko Zentro Teknologikoekin batera landuko den Teknologiaren Partzuergoaren sorrerarako 0.5 M euroko partida.
205 M euro erabiliko dira I+G+b eta digitalizazioan industriaren erronka estrategiko moduan
Enpresa txiki eta ertainei bideratutako bi programa berri jaioko dira: Renove 4.0 programa 5Mrekin eta berrikuntza ez teknologikoari dagokion Haziinova 2,1Mko deialdiarekin
Eusko Jaurlaritzak 480 beka eskainiko ditu atzerrian gazteen prestakuntzarako
Inbertsio ahalegina 130,7Mrekin industria eta teknologia lur sailetan, trenaren azpiegituretan eta portu ezberdinetan egingo diren hobekuntzetan gauzatuko da, Ondarroako lonja barne.
Eusko Jaurlaritzaren Ekonomiaren Garapen eta Azpiegitura Sailaren aurrekontua 762.562.584 eurokoa da eta %4,7 hazi da, kudeaketa-kredituen eragina kontuan hartu gabe.
Kudeaketa-kredituak zenbatuz, aurrekontua 865 milioi eurokoa bada ere, azpimarratu behar da AHTaren obraren inbertsiorako aurrekontua (kudeaketa-kredituak) %36 murriztu dela, obraren exekuzio-maila azken zatian sartuko delako eta zenbait tarte jada amaituta daudelako. Ondorioz, kudeaketa-kredituak zenbatzen baditugu, Ekonomiaren Garapen eta Azpiegitura Sailaren guztizko aurrekontua %2,7 murrizten da.
Ekonomiaren Garapen eta Azpiegitura Sailaren aurrekontuaren zenbateko nagusiak ondoko arlo hauetara bideratu dira: trenbide-garraioaren azpiegituretarako eta kudeaketarako 238,6 milioi euro, I+G+Brako 205,1 milioi euro (Teknologia, nekazaritza eta arrantzako I+G, Agenda Digitala eta Berrikuntza) eta industriarako 108,8 milioi euroko laguntza, euskal enpresa nazioartekotzeko 23,1 milioi euroz gain.
%7,3ko igoera I+G+b eta ekintzailetzarako, enpresa ertain eta txikietan berrikuntza indartzeko programa berri batekin
Eusko Jaurlaritzak 2019an 205 milioi euro inbertituko ditu teknologia, Agenda Digital, berrikuntza ez-teknologiko eta nekazaritza eta arrantza arloetako I+G+B programetan. Gainera, aurrekontu honen bitartez, 100 milioi euro baino gehiagoko hainbat urtetarako konpromisoak hartzen ditu 2022. urtera arte.
Euskadiren posizionamendu teknologikoak duen garrantziaren ondorioz, aurrekontu honek lehenengoz jasotzen du Euskal Teknologia Partzuergoaren eraketarako partida.
2019an programa berri bat gehituko da HAZIINOVA 2,1 M euroko deialdiarekin, ETEetan berrikuntza ez teknologikoa sustatzeko asmoz, komertzializazio, marketin eta enpresen gestioari bideratutako mikro-proiektuentzat.
Zibersegurtasunaren alorrean enpresek dituzten beharrak ere hartu dira kontutan, Euskadiko Zibersegurtasun Zentroari bideratutako 1,3 Mko partidarekin eta ETEak laguntzeko programarako 600.000 euroko deialdiarekin.
5,9 M euroko partida jarri da ekintzailetasuna eta BIND 4.0 azelerazio programarako, lehenengoz deialdia elikaduraren alorrera ere zabalduko delarik.
Industria 4.0 gehiago eta indartu egingo da inbertsioa eremu ahuletan
Industrializazio handiago eta hobeago baten aldeko apustuak isla du 2019ko aurrekontuan. Enpresek 4.0 industriarekin erlazionaturiko aktiboak eskuratzeko programa berri bat aktibatuko da, 5 miloiko deialdiarekin.
Gainera Eremu Ahuletarako Talka Planarekin lerrokatuta, Eusko Jaurlaritzak INDARTU programa sendotuko du 12 miloiko zuzkidurarekin. Ezkerraldean eta Oarsoaldean, edo langabezia tasa altuak dituzten herrietan inbertsio produktiboak egin eta enplegua sortzen duten enpresek itzuli beharrik gabeko diru laguntzak izango dituzte.
Era berean, industria-garapena babesteko esparruan, enpresek aitortutako ibilbidea duten programak mantentzen dira: Gauzatu programa 28 milioi eurorekin, Enpresentzako Kredituak 27 milioi eurorekin, edo krisian dauden enpresentzako Bideratu Berria programa 2 milioi eurorekin.
Efizientzia energetikoa, proiektu estrategikoak eta berriztagarrien aldeko apustua
2018an izandako arrakastaren ondorioz 2019an Industria Poligonoetarako Renove Planari eutsi egingo zaio, ekipamenduen berrikuntzarako 4,6 miloi eurorekin. Horietatik 1,5 milioi euro Energiaren Euskal Erakundearen bitartez bideratuko den energia-eraginkortasuneko proiektutarako izango dira. Gainera, efizientziaren alorraren aldeko apustuaren bidetik Euskal Energiaren Erakundeak aurrezpen eta efizientziarako laguntzak mantenduko ditu 10,6 miloi euroko partidaren bidez.
Lehenengoz jasotzen du aurrekontuak Energy Inteligence Centerrerako zuzkidura, 12 miloirarteko hainbat urterako konpromisoarekin, eta energia berriztagarria sortzeko instalakuntza berrien alorrean azpimarratzekoa da EEEren esku-hartzea ARASURen egingo den energia fotovoltaikoaren proiektu publiko-pribatuan.
Enpresen nazioartekotzerako 23,1 M euro
Ekonomiaren irekiera eta enpresen nazioartekotzea dira EGA sailaren lerro nagusietako bi eta horretara, 23,1 M euro zuzenduko dira SPRIn atxikita den Nazioartekotze Euskal Agentziaren bitartez.
Esportazten hasten ari diren euskal enpresen jarduera bultzatzeko, ZABALDU laguntza programa berria indarrean jarriko da 5,5 M euroko deialdiarekin. Honekin, esportazio maila altua duten enpresentzat dagoeneko indarrean dagoen SAKONDU (800.000) programa osatzen da.
Eusko Jaurlaritzak 2019 urtean 480 beka eskainiko ditu 7 M zuzkidurarekin. Nazioartean maila profesionalean jardun nahi duten 100 BEINT beka eta euren formakuntza atzerrian garatu nahi dutennentzat beste 380 Global Training beka.
44,4 M euro industria eta teknologia lur eremuetarako
2019an mantendu egingo da 2018an eginiko inbertsio ahalegina bai Parke Teknologikoetarako espazio berrien alorrean baita Industria Poligonoen zabalkuntza eta modernizazioaren alorrean, nahiz eta banda zabalaren ezarpena ia erabatekoa den eta kontzeptu hau oso txikia izango den.
Parke Teknologikoan sareak 19.8 M euroko inbertsioa jasoko du, hauek izanik partida azpimarragarrienak:
| Geldo urbanizazioa (Derio) | 3.500.000€ |
| Ezkerraldeko zabalkundea | 11.000.000€ |
| Miramonen A-2.2 eraikinaren eraikuntza, A-2.1 erakina amaitzea eta beste instalazio batzuk | 3.147.000€ |
| PIE 2ren eraikuntzaren amaiera eta partzela eta eraikinetan hobekuntzak Arabako Parke Teknologikoan | 654.548€ |
Sprilurren inbertsioak hiru lurraldeetan zehar zabaltzen dira 24,6 Mko inbertsioarekin industria-poligonotan:
| POLIGONOA | HERRIA | ZENBATEKOA | KONTZEPTUA |
| VIAP | Gasteiz | 1.515.000 | Lursaila erostea (300.000 m2 x 5 €/m2) |
| Subillabide | Iruña Oka | 800.000 | Lursailak erosteko aukera (4€/m2) |
| Sidenor | Azpeitia eta Elgeta | 1.336.000 | Plan Berezia eta Urbanizazio Ekintza Proposamena (Legazpin) eta Eraikuntzaren egokitzea (Elgetan) |
| Eskuzaitzeta | Donostia | 3.500.000 | Urbanizazio kuotak 2018 eta 2. Fasea |
| Arroa Behekoa | Zestoa | 880.600 | Elesako lursailaren bererosketa |
| Beste batzuk | 320.000 | ||
| GUZTIRA | 8.352.247 |
| ELKARTEA | ZENBATEKOA | KONTZEPTUA |
| BIDASOA OARSOKO INDUSTRIALDEA, S.A. | 4.119.448 | Gametxo eraikuntza eta Irunen lursailak erostea |
| GOIERRI BEHEKO INDUSTRIALDEA, S.A. | 2.500.000 | Kanpandegi Urbanizazioa |
| .
BUSTURIALDEKO INDUSTRIALDEA, S.A.
|
682.929 | Muxikan lursaila erostea |
| TOLOSALDEKO APATTAERREKA INDUSTRIA LURRA, S.A. | 506.046 | Apattako bigarren urbanizazio fasea |
| BETERRI KOSTAKO INDUSTRIALDEA, S.A. | 3.000.000 | Errotaberri Urbanizazioa |
| ABANTO ZIERBENAKO INDUSTRIALDEA, S.A. | 928.708 | Pinoa Parzelaren edifikazioa |
| ARRATIAKO INDUSTRIALDEA, S.A. | 2.722.074 | J lursailaren edifikazioa eta lursailen erosketa |
| BIZKAIA SORTALDEKO INDUSTRIALDEA, S.A. | 1.150.000 | Okamika II pabilioiaren edifikazioa |
| DEBA BAILARAKO INDUSTRIALDEA, S.A. | 500.000 | Lursaila erostea |
| ARABAKO INDUSTRIALDEA, S.A. | 148.000 | Planeamendua (Lapuebla) eta bulegoetan lanak Jundiz |
| 16.257.205 | ||
| TOTAL GRUPO SPRILUR | 24.609.452 |
Bertako produktuaren promoziorako partida berriak
Nekazaritza, Arrantza eta Elikagaien Politikako sailburuordetzari dagokion aurrekontuak %0,9 egingo du gora, eta azpimarratzekoak dira landa garapenari dagozkion bi programak Erein (8,9M) eta Leader (5,3 M). Lehiatu programak, bertako produktua promozionatzeko programak igoera nabarmena izango du 12,2 Mko deialdiarekin aterako baita.
Partida berriak jasotzen dira arodaren sustapenerako alderantzizko ekimenetarako (300.000 euro); Garagardogile Artisauen Elkartea (50.000), eta Añanako Gatzaga Fundazioa (20.000) babestuko dira.
Emakume nekazariak eta lan segurtasuna lehen sektorean
Nekazaritza eta Abelzaintza zuzendaritzak 50.000 euroko (100.000raino handitu daitekeen) partida berria abiatuko du Emakume Nekazarien Estatutuari dagokion Ekintza Plana egikaritzeko eta 100.000 euro bideratzen ditu nekazal esplotazioen leku-aldaketa errazteko.
Era berean 60.000 euro izango dira Preven II Planerako, lehen sektorean lan segurtasuna bermatzeko garatuko den planerako.
22,2 MM arrantzarako eta Ondarroa eta Bermeoko lonjen lanetan aurrera egiteko
Arrantza sektorearekiko apustua argi geratzen da aurrekontuek arrantza egiturak hobetzeko jasotzen duten 7,3 Mko deialdiarekin eta Ondarroa eta Bermeoko lonjetako lanak egin ahal izateko aurrekontu igoerarekin, 5-7 miloirarte iritsiko delako zuzkidura. Bermeon proiektuaren erredakzioa abiatuko da.
Itsasoratu, belaunaldien erreleborako programa mantendu egingo da (100.000), Formazio programa (120.000) eta atunero izozkailuen Plan Estrategikoa ere bai (250.000), beste ekimen batzuen artean.
AHTren azken zatiak, garraio elektrikoa eta Eusko Trenen erosketa berriak
Material mugikorra
Trenbide azpiegiturak
ETSren inbertsio esanguratsuenak, guztira 73,7 MM euro
| INBERTSIOAK | 73.761.000 € |
| Lugaritz-Easo tren saihesbidearen lanak (Donostia) | 28.700.000 € |
| Ermuako geltoki berria eta banatzea | 5.940.000 € |
| Eibar – Azitain estalketa | 200.000 € |
| Línea 3 –Casco Viejoko frontoia berriz jartzea | 1.624.000 € |
| Gasteizko tranbiaren zabaltze lanak (Unibertsitatea, Salburua, eta geltokietan hobekuntzak) | 15.352.000 € |
| Bilboko tranbiaren zabaltze lanak (Atxuri-Bolueta) | 500.000 € |
| Txorierri, Hendaia, Deba eta Amorebietako estazioak berritzea | 5.221.000 € |
| Durango – Lebario urbanizazioa eta beste ekintza batzuk | 542.000 € |
| Trenbide-pasaguneak kendu eta trenbideak konpontzea | 2.632.000 € |
| Beste ekimen batzuk (proiektuak, dauden azpiegiturak hobetzea…) | 13.050.000 € |
Portuak
Portuetako inbertsioa 6,96 M euroraino iritsiko da, sakonerak mantentzeko dragatze lanak egiteko, eta lurreko azpiegituretan mantenu eta konponketa lanak egiteko.
| BIZKAIKO PORTUETAN LANAK | 2019 |
| Xixili moilaren berrikuntza Bermeon | 2.725.500 |
| Dike ezberdinak sendotzea | 200.000 |
| Armintzako Portuko erribera moilaren berrantolaketa | 115.000 |
| Bermeoko portuko harri ezponda | 30.000 |
| Lekeitioko Portuko moilaren zimendatzea | |
| Eraikuntzetan lanak | 100.000 |
| Lan eta likidazioetan inzidentziak | 200.000 |
| GIPUZKOAKO PORTUETAN LANAK | 2019 |
| Babes dikeetan sendotze lanak | 600.000 |
| Mutikuko kanpoko babes dikea | 200.000 |
| Orioko eskubi aldeko paseoa eta bideratze harri-lubeta | 200.000 |
| Orioko ezker aldea | 120.000 |
| Hondarribiko Portuko benta moila | 475.000 |
| Orioko herriko plazako moilaren handitzea | 963.086 |
| Eraikinetan lanak | 100.000 |
| Lanak eta likidazioak | 200.000 |
| BESTELAKO EKIMENAK | |
| Ezponden konponketa eta sendotze lanak | 50.000 |
| BIZKAIAKO PORTUETAN PROIEKTU ETA AZTERKETAK | 2019 |
| Babes dikeak sendotu | 100.000 |
| Proiektuen erredakzioa | 50.000 |
| Plentziako ibaiaren bideratzea | 150.000 |
| BESTE ZERBITZU BATZUK | |
| Bermeoko Xixili moilaren konponketa | 90.000 |
| GIPUZKOAKO PORTUETAN PROIEKTU ETA AZTERKETAK | |
| Babes dikeak sendotu | 200.000 |
| Mutikuko kofradia zaharra birgaitzea | 100.000 |
Garraio publikoaren elektrifikazioa
2019an 7,46M€ erabiliko dira Gasteizko BEIaren ezarpenerako. Aurrekontuek proeiktu konstruktiboa erredaktatzeko eta Donostian ere Autobus Adimendua (BEI) martxan jartzeko kompromisoa jasotzen du (500.000 euro).
Bide batez Bilboko Metroa, Leioa eta Unibertsitate Kanpusa lotuko dituen BEI sistema ezartzeko beharrezkoak diren kredituak ere jasotzen ditu (600.000 euro).
NRFPV eta Hego Sahiesbidea (kudeaketa kredituak)
Aurrekontu orokorra 13,5 jaisten da, bereziki euskal Yren aurrekontua 156,2M€tik (2018) 99,4M€ra jaisten delako. Jaitsiera hau ematen da Bergara eta Astigarraga arteko plataformaren ia zati guztiak (17) amaituta daudelako, Hernani-Astigarraga zatia izan ezik. Zati honen kontratua ebatzia izan da eta berriz lizitatuko da.
Hego Sahiesbidearen enkomendari dagokionez, aurrekontuak ere behera egiten du (5,1Mtik 3,9Mra) dagoeneko lehen fasearen, Serantes-Olabeaga arteko tunelaren azterketa informatiboa amaituta dagoelako eta 2019an Sustapen Ministerioak tramitatu egin behar duelako, ondoren eraikuntza proiektuen erredakzioarekin hasi ahal izateko. 2019an zehar bigarren fasearen Barakaldo-Basauri arteko zatiaren azterketa informatiboa egingo da.
Hemen aurki ditzakezu gure ekitaldiak, argitalpenak eta eduki guztiak.
