Marta Solaz (Iberdrola): “Adimen artifiziala eta Smart Grids konbinazioak aro berri bat ireki du energiaren kudeaketan”
Energia-sektorea eraldaketa digital betean dago, energia-iturri berriztagarriak integratzeko, eraginkortasuna bermatzeko eta azpiegituren segurtasuna handitzeko beharrak bultzatuta. Testuinguru honetan, zibersegurtasuna eta adimen artifiziala funtsezko oinarri bihurtu dira sektoreko enpresentzat.
Hala azaldu du elkarrizketa honetan Marta Solazek i-DE enpresako, Business Information Security Officer (BISO), Iberdrola Taldeko banatzaile elektrikoak, Tecnalia eta Spri Taldearen laguntzarekin antolatutako CyberIndustry Congress 2025 zibersegurtasun industrialari buruzko ekitaldian parte hartu ondoren.
Eraldaketa-testuinguru horretan, Solazek azpimarratu du sare adimendunek (Smart Grids) eta haiek adimen artifizialarekin duten integrazioa eredu energetiko berriaren oinarri gisa. “Smart Griden garaian bizi gara jada. Sare elektrikoaren biki digitala eraikitzen ari gara, eta horrek aukera ematen digu erabaki prediktiboak hartzeko eta banaketa optimizatzeko”, ziurtatu du. “Horrek ahalbidetuko digu bezeroentzako hornidura-kalitate handiagoko zero emisioko eredu eraginkorrago baterantz aurrera egitea”, gaineratu du.
Solazek onartu duenez, “zibersegurtasuna katearen katebegirik ahulena bezain indartsua da. Gure hornitzaileak ez badaude babestuta, gu ere ez gara egongo”. Gaur egungo arrisku nagusien artean, Solazek azpiegitura kritikoetarako eraso-teknika espezifikoak garatzen dituzten talde antolatuen zeregina nabarmentzen du, baita sektorearen digitalizazioak eragindako eraso-azalera gero eta handiagoa ere. “Langileen kontzientziazioa ere funtsezkoa da: zibererasoen % 90 baino gehiago phishing mezu batekin hasten dira”, dio. Horri profesional kualifikatuen falta gehitu behar zaio, prestakuntzan eta ziberentrenamenduan inbertsioa eskatzen duen erronka.
Adimen artifiziala, zibersegurtasunerako aliatu estrategikoa
Bestalde, Solazek sareen babesa indartzeko aliatu estrategiko gisa ikusten du adimen artifiziala, “ondo erabilita izugarri lagundu diezaguke”, aitortu du. “Gure Segurtasun Operazioen Zentroan, sormenezko adimen artifiziala erabiltzen dugu gorabeherak goiz detektatzeko, datu bolumen handiak aztertuz eta balizko mehatxuei aurrea hartuz”, azaldu du Solazek. “Segurtasun-eragiketak eraginkorragoak egiten ere laguntzen digu, eta horrek aukera ematen digu prebentzio-prozesuak automatizatzeko, hala nola adabakiak edo antibirusak aplikatzea, eta prestakuntza-eredu egokituak diseinatzeko”, ondorioztatu du.
Eusko Jaurlaritzak zibersegurtasuna bultzatzen du euskal enpresetan, gai horri buruzko ehun ekonomiko bat sortuz, SPRIk artikulatua.
