Simune Atomistics-ek materialen ikerketa irtenbide digital erabilgarrien bidez eraldatzen du
Simune Atomistics, Donostian egoitza duen enpresa teknologikoa, azken hamarkadan erreferente internazional gisa bihurtu da materialen simulazioaren eta I+G prozesuen azelerazioaren arloan. 2014an sortua, konpainiak aholkularitza zientifikoko zerbitzuak eskaintzetik bere produktu propioa garatzera egin du jauzia. Plataforma hau, ASAP (Atomistic Simulation Advanced Platform) izenekoa, simulazio atomistikoa errazteko eta industria-eremura hurbiltzeko diseinatua dago.
“Simulazio atomistikoa laborategi birtual baten modukoa da; produktu kimikoak nahastu ordez, fisikaren legeetan oinarrituta software aurreratua erabiltzen dugu materialek nola jokatuko duten aurreikusteko. Horrela, materialak diseinatu edo, adibidez, haien eroankortasuna edo egonkortasuna aurreikusi ditzakegu benetako laborategira joan aurretik, denbora eta dirua aurreztuz”, azaldu du Mónica Garcíak, enpresako operazio zuzendari eta zuzendari zientifikoak.
Horretarako, kode konplexuak (hala nola SIESTA edo Quantum ESPRESSO) erabiltzen dira, eta horiek fisikan eta programazioan adituak diren profesionalak eskatzen dituzte. Hala, Simune Atomistics-en konpromisoa zorroztasun zientifikoaren eta irisgarritasun teknologikoaren aldeko apustuaren bidez oztopo tekniko hori haustea da, bere ASAP plataformari esker. “Gure helburua errendimendu handiko kodeen konplexutasuna irtenbide intuitiboetan itzultzea da, enpresei materialei buruzko emaitza prediktiboak azkar eta modu eraginkorrean lortzeko aukera emanez”, azaldu du Garcíak.
Horrela, enpresak Konputazio Kuantikoa eta ‘Machine Learning’ bezalako teknologia berriak bere tresnetan txertatzeko lan egiten du. Adibidez, urte amaierarako aurreikusita dagoen ASAP 2025.1 plataformaren bertsio berriak material berrien esplorazioa eta diseinua bizkortzea izango du helburu.
Garapen teknologikoaz gain, enpresak nazioarteko hedapen-estrategia sendoa du, I+G+b merkatu estrategikoetan (hala nola Indian eta Txinan) bere presentzia indartzeko asmoz. Proiekzio global hori tokiko I+G+b ekosistemarekin lankidetza estuaren osagarri da: Simune Atomistics-ek etengabeko harremana du Euskadiko berrikuntza-sarearekin, eta maiz parte hartzen du SPRI Taldearen programetan.
Adibidez, Bikaintek programan parte hartzeak enpresari aukera eman zion ASAP plataforman integratutako garraio elektronikoaren modulu bat garatzeko, produktuak gaitasun tekniko handiagoa izan zezan. Era berean, Gipuzkoa Quantum diru-laguntzei esker, CIC nanoGUNErekin lankidetzan aritzeko aukera izan du simulazio kuantiko aurreratuko proiektuetan. “Ekimen hauek funtsezkoak izan dira gure enpresaren eraldaketa teknologikoa bultzatzeko eta zientzia aplikatuaren abangoardian jarraitzeko”, nabarmendu du Garcíak.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
