Proiektu bat metalezko osagaientzako prozesu hibridoen garapenean lanean dabil, fabrikazio adimenduna sustatzeko helburuarekin
Gaur egun, gero eta enpresa gehiagok jartzen dute arreta fabrikazio-teknologien bilakaeran, funtzio anitzeko osagai konplexuagoak eta propietate optimizatuak sortzeko aukera ematen baitute. Garapen horrek industria eraginkorragoa, iraunkorragoa eta lehiakorragoa lortzen laguntzen du. Fabrikazio-teknologia bakoitzak abantailak eta mugak dituzten propietate espezifikoak ditu, eta IMAGINE proiektuak muga horiek murriztea du helburu bezala.
Proiektu hau Azterlan Metalurgia Ikerketa Zentroak zuzentzen du eta Ceit, Lortek eta Tekniker zentro teknologikoek (denak BRTAko kideak), EIPC Research Centerrek, CIE I+D+i Fundazioak eta UPV/EHU eta Mondragon Unibertsitateak parte hartzen dute. Partzuergo honen helburua metalezko osagaietan oinarritutako soluzio teknologikoak garatzea da, eraldaketa-prozesuetan balio erantsia bilatuz. Horretarako, gutxienez bi eraldaketa-teknologia hibridatuko dira. Zehazki, hibridazio hori egingo den lau lan-ildotan zentratuko da proiektua, eta automobilgintza, aeronautika eta oil&gas sektoreetan erabiliko dira, besteak beste.
Lehenengo lan ildoa galdaketa-prozesua eta fabrikazio gehigarria (hari laserra eta WAAW) elkartzean datza, eta malgutasun handiagoa lortu nahi du dimentsio handiko piezak fabrikatzeko. Bigarrenak forjaketa-prozesua fabrikazio gehigarriarekin (LMD eta SLM) nahasten du, sektore aeronautikoko osagai kritikoetara bideratutako piezen diseinuen malgutasuna handitzeko helburuarekin. Hirugarrenak laser bidezko soldadura-prozesua (LBW) eta enbutizioa eta estanpazioa lotzen ditu, txapa lauen gainean T formako barruko edo kanpoko nerbioekin pieza ultra-arinak egiteko. Eta azkena hidrosolidifikazio-prozesua, galdaketa-prozesu berritzailea, eta forjaketa-prozesua elkartzean datza, forjatutako segurtasun-pieza batean beharrezkoak diren propietateak lortzeko.
Azterlaneko ikertzaile eta proiektuaren koordinatzaile den Isabel Fernándezek adierazi duenez, “fabrikatu beharreko osagaiaren funtzio-aniztasuna nabarmen hobetzea, prozesuaren malgutasuna hobetzea eta kostuak eta/edo materialen erabilera aurreztea bilatzen dugu proiektu honekin. Teknologia horiek heldutasun teknologiko handia dute, eta arrakastataz gehitu zaie fabrikazio gehigarria, hainbat modutan”.
IMAGINE, Manufacturing for Intelligent Industry proiektuak bi urteko iraupena izango du eta SPRIren Elkartek programaren bidez finantzazioa lortu du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.