Txilek eta Euskadik zibersegurtasun arloko lankidetza indartu dute
Txileko eta Euskadiko enpresa- eta erakunde-ordezkariak joan den astean bildu ziren Basque Trade & Investment-ek zibersegurtasunaren alorrean lankidetza bultzatzeko antolatu zuen “Ekosistemak Lotzen: Berrikuntza eta Zibersegurtasuneko Eskaria Txile eta Euskadiren artean” webinarrean parte hartzeko.
Segurtasun digitalaren erronka geroz eta handiagoen aurrean, berrikuntza eta nazioarteko lankidetza bultzatzeko ahalegin partekatuan kokatu zen topaketa. Saioan, parte-hartzaileek esperientziak partekatu, sinergiak identifikatu eta lankidetza-aukerak aztertu ahal izan zituzten.
Horretarako, Txileko eta Euskadiko zibersegurtasun-ekosistemen garapenari buruzko hitzaldiak emateaz gain, Txileko Zibersegurtasunaren Esparru Lege berriari, Zero Trust ereduei, gobernantza arautzaileari eta nortasun digitalaren kudeaketari buruzko hitzaldiak eskaini ziren. Gai horiek babes zibernetikoaren arloko interesen eta lehentasunen konbergentzia islatzen dute.
Webinarrak Txileko eta Euskadiko enpresa eta erakundeen arteko aliantzen bidez konfiantza eta erresilientzia zibernetikoa indartzeko beharra azpimarratu zuen, zibersegurtasunaren arloan lankidetzarako esparru sendo eta iraunkorra eraikitzen jarraitzeko funtsezko urratsa.
