Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Elkarrizketak 26 maiatza, 2022 Basque Trade & Investment Nazioartekotzea BasqueTrade & Investment

Goierri Valley: “Eskualdeko industria-eraldaketaren buru izan nahi dugu ezagutza eta berrikuntza partekatuz”

2017an sortu zen Gipuzkoako Goierri eskualdeko metalmekanika sektoreko 75 enpresa inguru biltzen dituen elkartea, eta “mundu mailako sektore estrategikoetan” egotea du helburu. Josean Guerra eta Iker Galparsoro elkarteko presidente eta zuzendari nagusiak “munduko industria-partner osoena”-ren helburuak eta ibilbidea azaldu dituzte.
Josean Guerra eta Iker Galparsoro, Goierri Valleyko presidentea eta zuzendari nagusia

“Munduko industria-partner konpletoena gara”, hala definitzen dute Josean Guerra, Goierri Valleyko presidenteak eta Iker Galparosorok, zuzendari nagusiak. 2017an sortu zen taldea. Metalmekanika sektoreko 33 enpresarekin hasi eta Goierriko 75 bazkide inguru ditu dagoeneko. “Eskualdeko eraldaketa industrialaren motorra izatea” du helburu, azaldu dutenez.

Bazkideen artean, Goierri Valleyk sektoreko hainbat enpresa lider industrial ditu: CAF, Irizar, AMPO, Orkli, Hine edo GH. Enpresa traktore hauentzako lanean ari diren enpresa txiki eta ertain industrialak ere. Beraz, “sektore horretako enplegu- eta jarduera-kontzentrazio handiaz ari gara, eta, horri esker, gure eskualdeak EAEko langabezia-indizerik txikienetako bat dauka” dio zuzendari nagusiak.

Bost urte hauetan, elkarteak enpresen parte-hartzea sustatzeko eta enpresa txiki eta ertainak indartzera bideratutako hainbat proiektu garatzeko lan egin du. “Enpresen estrategiak, pertsonen parte-hartzea, dibertsifikazioa, digitalizazioa, nazioartekotzea eta abar ezagutzera eta garatzera bideratutako proiektuak”, zehaztu du Galparsorok.

Goierri Valleyren beste helburuetako bat “industria-mailako harremana pertsonen arteko harremanera” eramatea da, Josean Guerrak azaltzen duenez. Eta hausnarketa estrategiko baten ondoren “formula arrakastatsua izan dela ikusita”, hurrengo urratsa kanporantz salto egitea dela ziurtatzen du. Ildo horretan, Goierri Valleyko presidentearen ustez, “Eskualde eta elkarte berritzailea izanik, mundu mailako sektore estrategikoen foro guztietan gure elkartearekiko lankidetza interesgarria ikusten duten erakunde pribatu edo publikoekin egoteko” unea da.

 

Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.

Lotutako albisteak

21 Azaroa, 2022 Basque Trade & Investment
Bunt Planet-ek Estatu Batuetara esportatu nahi du ur-sareetako ihesak saihesteko bere eredua   
Irakurri gehiago
3 Azaroa, 2022 Basque Trade & Investment
Iratxe de las Hayas: “Nazioartekotzean emakumeen presentzia bizkortzeko bitartekoak jarri behar ditugu”
Irakurri gehiago
26 urria, 2022 Basque Trade & Investment
Couth: “Adimen artifizialak eta eredu prediktiboek gure bezeroen produkzio-kostuak murriztea ahalbidetzen digute”
Irakurri gehiago
25 urria, 2022 Basque Trade & Investment
BOJ enpresak Latinoamerikan eta AEBetan zentratu du bere hazkundea
Irakurri gehiago
13 urria, 2022 Basque Trade & Investment
Grupo Tegor: “Gaur egun laborategi gutxik dute gure maniobra-gaitasuna”
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak