Eusko Jaurlaritzak 435,9 m bideratuko ditu euskal enpresaren lehiakortasuna
Egungo eta etorkizuneko estrategiak bultzatzeko programa berriak
2,5 M euro PYMEetan berrikuntzarako
Renove 4.0 Plana. 4 M euro makineria industriala berritzeko
Autoetarako Renove Plana. 5M gutxiago kutsatzen duten autoak errepideratzeko
INDARTU gehikuntza. 12 M Ezkerraldea eta Oarsoaldea bezalako guneetan enplegua eta industria bultzatzeko
Sailak laguntza-plana osatu du, bere sozietate publikoek kudeatutako programen bidez. SPRIk 33,4 M-ko dirulaguntzak aurreikusten ditu eta EEEk 18,5 M-ko deialdia egingo du
Gobernu Kontseiluak, gaur, 2019rako Ekonomiaren Garapen eta Azpiegitura Sailaren Diru Laguntzen Plan Estrategikoa onartu du. 2019rako Ekonomiaren Garapen eta Azpiegitura Sailaren Diru Laguntzen Plan Estrategikoa 81 jardunbiderekin eta 384 milioi euro baino gehiagorekin abiatzen da (384.034.407 €):
-
- Teknologia-arloa: 9 jardunbide. 185.161.067 euro
- Industria-arloa: 4 jardunbide. 44.968.000 euro
- Nekazaritza-arloa: 48 jardunbide. 110.893.176 euro
- Garraio-arloa: 20 jardunbide. 43.012.164 euro
Sail honek diru-laguntzak emateko, Plan horretan finkatutakoa bete beharko da eta, edozein kasutan, une bakoitzean aurrekontuak uzten dizkion aukerak hartuko dira kontuan.
Plana Ekonomiaren Garapen eta Azpiegitura Sailaren politiken plangintza-tresna gisa konfiguratzen da, Euskadi 2020 Gobernu Programaren konpromisoen barruan. Plan hau lantzeko, programa horretan eta existitzen diren diruz lagundu daitezkeen programetan zehaztutako interes publikoak aztertu dira, eta Plana indarrean egon den epean eskuragarri zeuden baliabideekin alderatu da. Era horretan, eraginkortasun- eta efizientzia-mailak handitzea bermatzen da, baita jarduketetan gardentasuna indartzea ere.
Plan honetan, laburpen gisa, babestu beharreko programak gauzatzeko aurreikusitako kostuen datu globalak identifikatzen dira, Ekonomiaren Garapen eta Azpiegitura egituratzen den antolakuntza-unitateekin lotuta.
Azkenean Planean, programa bakoitzerako, fitxa bat egiten da. Fitxa horretan, programaren helburuak, ekintzak eta adierazleak —aurreikusitako denbora-egoerari loturik—, zein sektoreri zuzenduta dagoen, diru-laguntzak emateko prozedura, beharrezko aurrekontu-konpromisoak eta finantziazio publikoko ehunekoa biltzen dira.
2020ko lehen hiruhilekoan, Euskal Autonomia Erkidegoko Herriogasuntza Nagusiaren Antolarauei buruzko Legearen 49.8. artikuluaren arabera egiten den diruz lagundu daitezkeen programen ebaluazioaren esparruan, Planaren betetze-maila ebaluatuko da. Egindako balioespenak hurrengo diru-laguntzen plan estrategikoa egiteko oinarri gisa balio beharko du.
Planaren ardatz eta erronka estrategiko nagusiak:
- Hazkuntza sendoa, enplegu iraunkor gehiago eta hobearekin
- Europaren helburuekin bat datorren energia-estrategia bat
- Eskualde ahulak suspertzea
- Enpresa-nazioartekotzea
- Lehen sektore errentagarria, berritzailea eta lehiakorra
- Mugikortasun iraunkorra eta garraio publikoa
- Garapen iraunkorrerako azpiegiturak
Helburuak ezartzeko eta lortzeko, Planak ondorengo kategoria hauetan taldekatutako hainbat tresna ditu:
- Gaikuntza teknologikoa eta enpresaren arloko I+G sustatzea
- Enpresa-berrikuntzaren ekosistema babestea
- Gaitasunak bateratzea eta lankidetzaren arloan I+G+B sustatzea
- Gaitasun zientifiko-teknologikoak sortzea
- Zientzia-, teknologia- eta enpresa-arloetan talentua kudeatzea
- I+G+Bko sistema zabaltzea eta nazioartekotzea
SPRIk eta EEEk laguntza horiek beste 51,9 M gehiagorekin osatzen dituzte
Ekonomiaren Garapen eta Azpiegitura Sailak markatutako estrategiarekin bat etorriz, atxikitako sozietate publikoek industria eta efizientzia energetikoa hobetzeko eta berriztagarriak sustatzeko dirulaguntzak osatu dituzte.
Spri Taldeak 15 laguntza-programa aurreikusten ditu, 33,4 M-an, berrikuntza ez-teknologikorako, nazioartekotzerako, 4.0 industriarako, digitalizazioa eta zibersegurtasuna kontzeptu nagusi izanik, bai eta Renove Industrialdea eta Renove Makineria programak ere.
Bestalde, Energiaren Euskal Erakundea ere Sailari atxikita dago, eta 18,5 M euroko laguntzak deituko ditu, eraginkortasun energetikoko inbertsioetarako, berriztagarrien instalaziorako eta mugikortasun jasangarrirako laguntzetarako.
Lotutako albisteak
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez