Cefaluxek Txagorritxu ospitaleko eraikin berriaren automatizazioan eta kontrolean parte hartu du
Cefalux Automation berrikuntzaren eta nazioartekotzearen aldeko apustua egin duen enpresa txiki baten adibidea da. Duela lau hamarkada baino gehiago koadro elektrikoen tailer gisa jaio zen. Baina erakutsi du nola den posible egokitzea, modernizatzea eta jauzi kualitatibo garrantzitsua ematea, elektrizitatearen munduko automatizazio-ingeniaritza bat bihurtu arte.
Gasteizko enpresak Gamarrako industrialdean dituen 27 langileetatik, % 70 ingeniariak dira. “Proiektuak bere osotasunean barne-hartzen ditugu: ingeniaritza, proiektuen kudeaketa eta programazioa, koadro elektrikoen fabrikazioa eta instalazioa”, azaldu du Federico Sanchez Cefaluxeko gerenteak.
Bilakaera horri esker, konpainiak bere ikuspegia zabaldu du. Ia esklusiboki makina-erremintaren sektorearentzat hasi zen lanean, gero industria-eremu zabalago batean sartu zen (automobilgintza, altzairugintza…) hirugarren sektorean ere automatizazioa lortu arte, eraikin eta azpiegituretan.
Asko dira bere lanen adibideak. Azkena, gauzatzen ari dena, Arabako Unibertsitate Ospitalean ikus daiteke, Txagorritxun. Bertan, egin den eraikin berriko instalazioen automatizazioan parte hartzen du, klimatizazio orokorretik ebakuntza-gelen kontroleraino – airea eta bereziki sentikorrak diren beste elementu batzuk berrituz –, argiterian eta baita instalazio guztiak kontrolatzen diren postu zentralean ere.
Era berean, dibertsifikazio-politikaren barruan, Cefaluxek uraren eta gainezkabideen kontrolarekin lotutako beste proiektu batzuetan lan egiten du orain, bai eta nekazaritzako elikagaien industrian ekoizpena kontrolatzeko sistema bat ezartzen ere.
Kentuckyn 2014tik
Cefaluxen ustez, berrikuntza “egunero” egiten den ariketa da. “Lan egiten dugun taldeek etengabe eboluzionatzen dute, eta teknologiek ere bai; beraz, etengabeko eta eguneroko inbertsioa egin behar dugu prestakuntzan eta garapenean”.
Modu naturalean, bai bezeroei laguntzeagatik, bai aukera berriak bilatzeagatik, Cefaluxek nazioartekotze-prozesu bat hasi zuen 2008an, eta 2014an filial bat ireki zuen Kentuckyn (Estatu Batuak), UL508A Industrial Control Panels estandar iparramerikarraren pean fabrikatzeko homologazioa lortu ondoren. Polonian eta Finlandian ere merkataritza hitzarmenak ditu eta “Europako herrialde askotan, Hego Amerikan eta Saudi Arabian” ere lan egin izan du. Beti, hori bai, produktuak Euskadiko egoitza nagusian fabrikatzeko premisarekin.
Halaber, integratzaile ziurtatu gisa automatizazioaren munduko marka nagusienekin lan egiten du: Schneider Electric, Siemens, Omron, Rockwell, Aveva, Beckhoff…
Zerbitzu osoago eta teknologikoago bat eskaintzeko kezkak Hipatia Control Inteligente izeneko eta 4.0 industriara bideratutako filial bat sortzea eragin du duela bi urte. 4.0 teknologia gaitzaileen aukera zabalaren barruan, “batzuk menderatzen ditugu eta ezagutza zabala dugu”, aitortu du Federico Sánchezek. Ekoizpena kudeatzeko sistemetarako softwarea, elkarlaneko robotika edo ikusmen artifizialari lotutako ‘deep learning‘ a dira Cefaluxen ‘spin-off’ honetatik aztertzen diren esparruak.
Lorpenetako bat eraikinen energia kudeatzeko software bat garatzea izan da, Energy Supervisor izenekoa. Dagoeneko erregistratuta dago eta enpresak arlo horretan izan duen esperientziari esker izan da sortua. Euskal sare publikoko hiru ospitaletan dago ezarrita, Basurtun eta Gurutzetan, besteak beste. “Eraikin batean energia aurreztera eta efizientzia energetikora bideratutako ekintzak ezarri aurretik, funtsezkoa da tresna bat txertatzea, zenbat, non eta nola kontsumitzen den ikusteko. Horri esker energia-efizientziaren estrategia egokia ezartzeko aukera izango da eta, ondoren, baita emaitzak egiaztatzekoa ere. Batez ere, eraikin handietan, non kontsumoa oso sakabanatua eta urtetik urtera handiagoa den”, ondorioztatu du Sanchezek. Hor, Cefaluxek aztertzen jarraituko duen ekintza-eremu interesgarri bat antzeman du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.