BasqueTrade-k Euskadiren eta Australiaren arteko lotura komertzialak indartu ditu
Basque Trade & Investment (BasqueTrade) SPRI Taldeko euskal enpresak nazioartekotzeko agentziak Rosemary Morris-Castico, Australiak Espainian duen enbaxadorea, hartu zuen joan den astean. Bilera BasqueTrade-ren egoitzan izan zen, eta Euskadiren eta herrialde ozeanikoaren arteko merkataritza-harremanak aztertu ziren, bi eskualdeen arteko lotura ekonomikoak indartzeko eta enpresen arteko lankidetzarako aukerak nabarmentzeko.
Harreman komertzial horiek sendotzeko eta euskal enpresei Australian hedatzen laguntzeko, BasqueTrade-k bulego berri bat irekiko du Sydneyn, eta 2024ko laugarren hiruhilekoan martxan egotea espero da. Egoitza berri honek Australiako merkaturako sarbidea erraztuko du, euskal presentzia bere nazioartekotzerako estrategikoa den herrialde batean indartuz eta etorkizuneko negozio-aukeretarako laguntza puntu bat eskainiz.
Australiak ekonomia sendoa eta erregulazio-egonkortasuna ditu, eta Eusko Jaurlaritzaren 2021-2024 nazioartekotze-estrategian helmuga nabarmena da Munduko hamahirugarren ekonomiarik handiena da, 1,4 bilioi dolarreko BPG nominala du, eta merkatu sofistikatu eta lehiakorra eskaintzen du. Merkatua, urrun egon arren, oso erakargarria da nazioarteko ingurune seguru batean hedatu nahi duten euskal enpresentzat.
Gainera, Australiak funtsezko eskualdeekin (Estatu Batuak, Txina, Japonia eta Hego Korea, besteak beste) eta Europar Batasunarekin dituen merkataritza askeko hitzarmenen sare zabalak atzerriko inbertsioen fluxua errazten du, herrialdea Euskadirentzako bazkide estrategiko gisa kokatuz.
Gaur egun, 24 euskal enpresa daude Australian 28 establezimendurekin, eta funtsezko sektoreetan jarduten dute, hala nola fabrikazio aurreratuko teknologietan, energian eta itsas teknologietan.
Euskadirentzat interes handiena duten sektoreen artean, energia da nabarmenena. Energia berriztagarriak, bereziki, goraldian daude Australian, 2022an elektrizitate-sorkuntzaren % 32 iturri jasangarrietatik etorriz. Eguzki energia (%14), eolikoa (%11) eta hidroelektrikoa (%65) dira sektore honetako liderrak, eta 2029ra arte merkatuak urtero %9,08ko erritmoan gora egitea espero da. Gainera, hazkunde hori bermatuta dago herrialdean lur eta baliabide berriztagarri asko daudelako, eta horrek inbertitzaileak eta sustatzaileak erakarri ditu, energia garbien garapenarekin bat egin nahi duten euskal enpresentzat aukerak irekiz.
Energiarekin batera, beste sektore batzuek ere, hala nola gailu medikoek, makina-erremintek eta tren-makinek, aukera interesgarriak dituzte Euskadiko enpresentzat, hazkunde iraunkorrari eta azpiegituretan eta teknologian egindako inbertsioei esker.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.