Argentina Euskadiko industria-kasua eredu gisa hartu du
Arantxa Tapia Dante Sica Argentinako Ekoizpen ministroarekin batu da, Industria Eguna dela eta
Hogeita hamar bat euskal enpresa daude herrialde horretan; bertan, Euskadi, lizitazioen plataformaren bidez, lehiaketa publikoak eslei dakizkion lanean ari da
Arantxa Tapia Eusko Jaurlaritzako Ekonomiaren Garapeneko eta Azpiegituretako sailburuak hitzaldi berezia eman du 2.000 pertsonaren aurrean, Unión Industrial Argentinak antolatu duen “Nuevos enfoques para el futuro productivos” izeneko Argentinako 24. Industria Konferentzian. Mauricio Macri nazioko presidenteak itxi du ekitaldia.
Argentinako eragile publikoak eta pribatuak herrialdeak bizi duen egoera konplexua berbideratzeko zabaldu beharreko ekonomia- eta industria-politiken inguruko eztabaida sakonean murgilduta daude.
Testuinguru horretan, sailburuak Euskadin bai krisialdian bai oparoaldian eginiko industria-apustu bizia nabarmendu du, eta zera esan du: “apustu publiko-pribatua izan da, eta, bertan, beti parte hartu izan dute erakunde guztiek, gobernatzen dituzten alderdiak edozein direla ere”. Horretarako, sailburuak 80ko hamarkadatik Euskadiko industria-historiaren une nagusiak berrikusi ditu.
Argentinan enpresa-elkarteen eta erakunde-ordezkarien artean dagoen eztabaida gurutzatua dela eta, sailburuak argitu du industria-herrialde batek erakundeen eta enpresen eta horien eragile guztien –pertsona industrialak, langileak eta sindikatu-agenteak– inplikazioa behar duela, eta elkarrekiko gaitzespenak ez duela konfiantza sortzen laguntzen, kontrakoa baizik, konfiantza baita herrialde bateko egonkortasun ekonomikoari gehien eta hoberen lagunduko dion alderdietako bat.
Euskadik irmo jardun du politika-mota horren hedapenean eta, horretarako, estrategia ausartak aplikatu ditu, legegintzaldiz legegintzaldi, betiere industria-pisu handiagoa irabazteko eta nazioarteko merkatuetan produktu eta zerbitzuen lehiakortasuna hobetzeko.
Tapiak Industria, Zientzia, Teknologia eta Berrikuntzaren hasierako planak aipatu ditu, bai eta klusterren sorrera eta finkapena, estrategia energetikoa eta nazioartekotze-estrategia, 2020rako Agenda Digitala eta Basque Industry 4.0 Estrategia ere, zeinak prestakuntzari lotutako gaiak ere biltzen baititu.
Topaketa Dante Sica Ekoizpen ministroarekin
Euskal kasuari buruzko hitzaldi berezia sailburuak Dante Sica Ekoizpen ministroarekin izan duen bileraren ondoren izan da; aste honetan, Macrik erabaki duen gobernuaren berrantolamenduaren ondoren, ministroaren eginkizunak sendotu egin dira.
Bileran, bi ordezkariek jardun dute Argentinako egoera politiko-ekonomikoaren inguruko informazioari buruz.
Era berean, sailburuak ministroari erakutsi dio gobernuak azpiegitura berriak eraikitzeko esleituko dituen lizitazioetara jotzeko Eusko Jaurlaritzak eta euskal enpresek duten interesa; horretarako, Lizitazioen Plataforma du eta, horren bidez, Nazioartekotzeko Euskal Agentziak-BTIk merkatu horretan interesa izan dezaketen enpresa-taldeei ematen die laguntza.
Gogora ekar dezagun Euskadik Argentinako Industria Egunean duen protagonismoak, gonbidatu berezia den aldetik, pasa den martxoaren 12an Gugenheim Museoan eginiko hitzordua duela jatorria; bertan, Business 20 (B20) taldea batu zen, G20ko herrialdeei lotuta dagoena, zeina datorren azaroan batuko baita, Buenos Airesen.
Topaketa Biltzarreko Industria Batzordearekin
Bihar goizean, euskal kasua berriro aztertuko da, baina, oraingoan, Argentinako Diputatuen Ganberako Industria Batzordean; bertan, Tapia alderdi politiko guztietako ordezkariekin batuko da, eta saioa irekia izango da, nahi duenak joateko. Aurretik, Emilio Monzó Nazioko Kongresuko Diputatuen Ganberako presidenteak egingo dio harrera.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.