Zibersegurtasuneko Euskal Zentroa Zibersegurtasuneko Foro Nazionalean sartu da
- Hala, BCSC eta Euskadi zibersegurtasun-sektorearen garapenari buruz hartuko diren Estatuko erabaki guztien erdigunean kokatu dira
- Euskal zentroko zuzendari Javier Diéguez hautatua izan da “Industria eta I+G+B bultzatzeko” taldeko kide izateko
Zibersegurtasuneko Euskal Zentroa (BCSC) Zibersegurtasuneko Foro Nazionalean (FNCS) sartu da. FNCS-ren barruan daude, besteak beste, gizarte zibileko kideak, sektore pribatuko ordezkariak, aditu independenteak eta sektorearekin erlazionatutako hainbat elkarte eta organismo, eta bere helburua da ekimenak proposatzea Segurtasun Nazionaleko Kontseiluari eta sinergia publiko-pribatuak sortzea. Hala, BCSC eta Euskadiko zibersegurtasunaren ekosistema zibersegurtasun-sektorearen garapenari buruz hartuko diren Estatuko erabaki guztien erdigunean kokatu dira. Momentuz, BCSC da bere izenean parte hartuko duen autonomia mailako zibersegurtasun-zentro bakarra, eta bere ahotsak aukera abantailatsuak sortuko ditu sektoreko tokiko industriarentzat.
Zibersegurtasuneko Foro Nazionala joan den uztailean sortu zen, eta une hartan bertan luzatu zion gonbidapena Zibersegurtasuneko Euskal Zentroari eta, zehazkiago, Javier Diéguez zuzendariari, “Industria eta I+G+B bultzatzeko” lantaldean parte hartzeko. Lantalde horren helburuak dira zibersegurtasuneko zerbitzuen eskaintza eta eskaera handitzea, zibersegurtasuneko industriak nazioarteko merkatuetan duen papera indartzea, zibersegurtasuna sustatzea ETEetan eta autonomoen artean, eta sektore publiko eta pribatuen arteko lankidetza bultzatzea zibersegurtasuna hobetzeko.
Euskadik zibersegurtasun-sektorean duen irudia indartu egingo da, zeren Javier Diéguezek ez ezik, gure ekosistemako agente talde handi batek (hala nola, Tecnalia, Ikerlan, Vicomtech, Mondragon Unibertsitatea, Countercraft eta OpenCloud Factory) ere parte hartuko baitu “Industria eta I+G+B bultzatzeko” lantalde horretan.
Horrez gain, badaude beste bi lantalde FNCS-ren barruan: “Zibersegurtasunaren kultura”, zeinetan parte hartzen duen Ingecom euskal enpresak eta “Prestakuntza, Gaikuntza eta Talentua”, zeinetan parte hartzen duen Xabier Mitxelenak (CyBasque-ko presidenteak).
Euskadi, Estatuko erreferentzia zibersegurtasunaren garapenean
Euskadik, BCSCren eta Eusko Jaurlaritzako sail desberdinen eskutik, esperientzia aski frogatua du zibersegurtasun-sektorearen garapenean. Foroaren eta haren baitako lantaldeen sorkuntzarekin batera iritsi den aukera hau baliagarri izango da urtetan zehar metatutako ezagutza eta esperientzia balioan jartzeko, batik bat, BCSCren misioa ongien islatzen duen arloan, alegia, Industria eta I+G+B bultzatzeari dagokion esparruan.
Gainera, Eusko Jaurlaritzaren babes instituzionala aukera paregabea da tokiko enpresa eta erakundeek ordezkaritza bat izan dezaten, aukera gehiago egon dadin euren ahotsa entzunarazteko eta euren ekarpenak modu zuzenagoan babestu daitezen.
Estatuko Zibersegurtasun Estrategia Nazionala
2019ko apirilaren 30ean Estatuko Zibersegurtasun Estrategia Nazionala argitaratu zen (PCI/487/2019 Agindua) EAOn, Segurtasun Nazionaleko Kontseiluak onartu ondoren. Bertan adierazten da zein jarrera duen Espainiak zibersegurtasunaren kontzepzio berriaren inguruan Segurtasun Nazionaleko Politikaren esparruan. Estrategia hori 2013an sortu zen, ziberespazioaren desafioari aurre egiteko eta, era berean, zibersegurtasun nazionalaren gobernantza-eredua diseinatzeko. Hain da garrantzitsua, ezen Estatuko ziber sektoreko enpresa talde eta organismo publiko garrantzitsu guztiek baitute ordezkaritza Foro honetan.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian