‘Zayer enpresaren “Horus” plataforma makina-erreminta sektoreko mantenimendu prediktiborako
Enpresa arabarrak datuen analitika eta adimen artifiziala konbinatzen dituen plataforma bat garatu du bere produktuen funtzionamendua gainbegiratzeko
Fabrikazio aurreratuaren eta makina-erremintaren sektoreko Estatuko produkzioa 1.576,6 milioi eurokoa izan zen 2017an, aurreko urtekoa baino %5,3 handiagoa. Sektore horretako 200 bat enpresetatik askok dute egoitza Euskadin. Horietako bat da Zayer konpainia arabarra, 60 urte daramatzana fresagailuak eta mekanizatu-zentroak fabrikatzen.
Azken urteotan, konpainia horrek makina eredu berriak garatzen jarraitu du, baina orobat bideratu du bere I+G+B departamendua produktuen mantenimendua erraztuko duten sistemen garapenera, datu-bilketa eta datuen analitika erabiliz. Anjel Mujikak, Zayer enpresako Technical Services Manager-ak gogoratu du 2010ean hasi zirela lehen urratsak ematen norabide horretan, Tecnaliarekin eta sektoreko beste enpresa batzuekin batera. “Proiektu honi esker bezero zehatzen datu asko eskuratu genituen. Datu horietatik abiatuta, makinen gertakariei buruzko informazioa lortzen hasi ginen. Hori lagungarria gertatu zitzaigun mantenimendu prediktiboko sistema bat eskaintzeko. Ohartu ginenean nolako gaitasunak zituen sistema horrek, BeltzBox produktua aurkeztu genuen BIEMH 2016 azokan”.
“BeltzBox” hori gauza da datu kopuru handia bildu, transmititu eta aztertzeko, eta datu horiei esker enpresak informazio gehiago dauka eta erabaki egokiak har ditzake makinen errendimendu produktiboa hobetzeko. Denborarekin produktu horri beste modulu batzuk erantsi genizkion, datuen analitikan, adimen artifizialean, hodeiko biltegiratzean edo Gauzen Interneten (IoT) zentratuak. Eraldaketa horren ondorioz, “BeltzBox” zena “Horus” deitzen da orain. “4.0 Industria teknologia ugariz horniturik dago: datu handiak, adimen artifiziala, Gauzen Internet, zibersegurtasuna… Teknologia gehiegi enpresa bakar batek denak kontrolatzeko. Tecnalia zentroaren eta Spyro konpainiaren laguntzarekin, Horus garatu dugu arazo hori konpontzeko”, azpimarratu du Mujikak.
Datuak makinetan monitorizatzeko sistema bat martxan jartzerakoan Zayer enpresak eta Tecnaliak hainbat oztopo aurkitu zituzten. “Konektagarritasuna izan zen lehen arazoa. Denbora asko generaman gure makinetan kutxa beltzak inplementatu nahian. Makinak Internetera konektatzeko aukera izan genuenean lortu genuen arazoa konpontzea”, azaldu du Zayer enpresako arduradunak. “Beste arazoa izan zen informazioa biltzea. Kontrol numerikoak posible du datu horiek ematea, baina sentsoreak jarri behar genituen makinetan ere. Sentsoreek gero eta konektagarritasun handiagoa dute, eta oso azkar eboluzionatzen dute, baina arazoa ez da sentsore on bat izatea, baizik eta non ezarri. Hori da arazo handienetako bat. Guk makinaren sentsorizazio arrazionalaren aldeko apustua egin genuen. Datu asko bildu ditzakegu, baina, izatez, muntako datuak ez dira hainbeste. Gutxieneko sentsore batzuk jarriz eta kontrol numerikotik informazio asko jasoz, matxura batzuk eta bestelako arazo batzuk aurreikusi ditzakegu”.
Behin gainditu ondoren konektagarritasunaren eta datu bilketaren arazoak, Zayer enpresak bezeroei erakutsi behar die zeinen garrantzitsuak diren “Horus” bezalako plataformak. “Ez da erraza produktu hau saltzea, batez ere hodeian oinarritzen den datu-bilketa sistema. Mesfidantza dago, bezeroek uste dute datu-bilketak kalteak eragin ditzakeela enpresan eta konfidentzialtasun kontratuak eskatzen dituzte. Ziurgabetasun handia dago. Enpresa batzuek ez dute nahi inolako loturarik fabrikatzaileekin, eta zerbitzu berriengatik mantenimendu kuotak ordaintzea ere ez. Ez diote ikusten berehalako onurarik edo erraz kuantifikatzeko modukorik, nahiz eta badituen. Bezero batzuek argi dituzte gauzak, baina ez dira asko”, esan du Anjel Mujikak. Errezelo horren ondorioz Zayer enpresak hautazko aukera gisa eskaintzen ditu “Horus” eta antzeko plataformak.
Etorkizunera begira, enpresa arabarrak uste du Euskadi ongi kokatuta dagoela Europan 4.0 Industriarekin zerikusia duten arloetan, “eta horixe ikusten dute Alemaniak, Frantziak edo Italiak ere”. Halere, Zayer enpresako Technical Services Manager-aren iritziz: “Euskadiren potentzial handiena ez da hardwarea, baizik eta softwarea. Hardwarean guk baino bide luzeagoa egina dute italiarrek, frantsesek eta alemanek; softwarean, aldiz, ongi kokatuta gaude eta askoz hobeto egon gaitezke. Uste dut datuen analitikan edo software prediktiboaren sorkuntzan zentratu beharko genukeela”.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra