Xabet, modu berri bat enpresei beren digitalizazio prozesuetan laguntzeko
Donostiako startupak datu baliagarriak analizatzen ditu negozioari balioa emango dioten erabakiak hartzeko
Xabier Etxeberriak (Gamesa-ko 2.na izan zena) eta Alberto Conde Melladok (Nem Solutions enpresako zuzendari nagusi ohia) enpresa erronka berri bati ekitea erabaki zutenean eta Xabet konpainia abiarazi zutenean, pentsatu zuten teknologia berriak eta datuen analisia erabiltzea Osasun arloan, “pertsonak hobeto bizi daitezen”. Enpresa inauguratu eta handik bost hilabetera, industria sektoreak laguntza eskatu die, beren ezagutzaren bidez Industriako digitalizazio prozesu arrakastatsuak lortzeko.
“Xabet martxan jarri genuenean enpresekin hizketan hasi ginen, zer egiten genuen galdetzeko deitzen ziguten, eta orduan ohartu ginen laguntza behar zutela eraldaketa digitalarekin eta 4.0 Industriarekin lotutako benetako planak egiteko. Hala, proposamen bat garatu genuen industriarako, Osasunaren sektorera bideratutako hasierako helburua guztiz baztertu gabe, eta uste dugu industriako proposamen horrek harrera ona izan duela, gainera, dagoeneko lanean ari gara zenbait bezerorekin”, dio Alberto Condek, Xabet enpresako zuzendari nagusiak. “Digitalizazio prozesuetan, enpresek norbait behar dute segurtasuna emango diena, landu beharreko esparruei eta gaiei buruzko jakintza emango diena. Askotan ez dute gaitasunik digitalizazio prozesuak gauzatzeko, barruan ez baitaukate plan estrategiko hori garatzeko lantalde edo tresna egokirik. Ukigarritasun hori da gehien eskatzen digutena. Jende askok ezagutzen ditu tresna teknologikoak, baina gutxi dira hori guztia negozioari aplikatzen dakitenak”.
Conde eta Etxeberriaren proposamen berriak oinarrizko hiru elementu ditu: plan estrategikoen garapena, balioa emango duen datuen analisia (smart data), eta datu horietan oinarritutako negozio eredu berrien bultzada (serbitizazioa). “Lanean ari gara enpresa azkarragoak lortzeko, informazio eta datu argiagoak dituztenak, horrela erabaki adimentsuagoak hartu ahal izateko. Eskatzen diguten lehenengo gauza da enpresako negozioaren heldutasun digitalaren diagnostikoa, ez teknologiarena, baizik eta negozio-ereduarena. Estrategia, zuzendaritza, kultura eta teknologiaren arteko orekak laguntzen digu diagnostikatzen aztertzen ari garen enpresaren heldutasun digitala. Ondoren, zehaztu behar da enpresaren etorkizuneko road map-a, eta detektatu behar dira eskura duten informazioan oinarriturik prestatutako balizko zerbitzu digitalen eredu berriak. Eta ez da ahaztu behar datuak analizatu behar direla, hartzen diren erabakiak lagungarri izan daitezen enpresak lehiakorrago egiteko” azaldu du Xabet enpresako zuzendari nagusiak.
Alberto Condek dioen bezala, startup honen erronketako bat da bere bezeroei teknologia zehatz batzuen inguruko aholkularitza ematea zortzi langile baino ez dituen plantilla batekin: “Ez dakigu denetik; une honetan harremanak definitzen ari gara goi-mailako espezializaziodun enpresekin, gure partner-ak izan daitezen. Badauzkagu hainbat teknologiaren (adibidez errealitate birtuala edo areagotua) gaitasunak eta aplikazioak ezagutzen dituzten pertsonak, baina bazkidetu egin behar dugu gure osagarri izan daitezkeenekin, beren esperientzia eta ezagutzak aplikatzeko gure bezeroaren negozioan”.
Xabet enpresak badu filosofia berritzaile bat oinarri teknologikoko beste startup batzuekin alderatuta, zeren enpresei beren digitalizazio prozesuetan laguntzeaz gain, laguntza ematen baitie beren langileen prestakuntzarako. “Harreman berritzaileak dauzkagu enpresekin, eta lantalde mistoak definitzen ahalegintzen gara. Bezeroak bere ezagutza eta garapen teknologikoko beste gaitasun batzuk jartzen ditu plantillako hainbat langile sartuz lantalde horietan. Guk pertsona horien prestakuntza osatzen dugu, hemendik urte batzuetara transferitutako produktuarekin geratu daitezen eta gai izan daitezen produktu hori autonomoki eboluzionatzeko.
Industria sektoreari egindako ekarpenaz gain, Xabet enpresako zuzendari nagusiak ez du begi bistatik kentzen startuparen hasierako helburua eta ezta ere Osasun arloko erronkak, gizarteak etorkizun nahiko hurbilean gainditu beharko dituenak: “Denok izango ditugu Osasun arloko premiak, eta ez dira gaur egungoen berdinak izango, gaurko osasun sistema ez delako sostengarria. Bizi-itxaropena gero eta luzeagoa da, eta gaixo kronikoak ere gero eta ugariagoak dira. Administrazioek ez dute erronka horiei aurre egiteko behar adina baliabide ekonomiko. Negozio-eredu berritzaileak sortu beharko dira, eta teknologia berriek paper garrantzitsua izango dute negozio-eredu horietan. Osasun sektoreak eboluzionatu egin behar du. Industria sektorea helduagoa da, baina arazoaren zati handi bat berdina da: elkarrekin batu behar dira elkarri konektatu gabe dauden informazio siloak. Aztertu behar da zein informazio den baliagarria negozioari balioa emango dioten erabakiak hartzeko, eta hori transbertsala da Osasun zein Industria sektoreetan”.
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.