Weroi, enpresa industrialen negozioa handitzeko digitalizazioa erabiltzen duen ETE bizkaitarra
Enpresa bizkaitarra da Weroi, Bizkaiko Zientzia eta Teknologia Parkean kokatua. Digitalizazioa erabiltzen du enpresa industrialen negozioa handitzeko. Bezero berriak eta fakturazioa bilatzean datza haren arrakasta, batez ere, atzerriko merkatuetan. 54 merkatutan bezeroak aurkitzen lagundu du.
Informazio hau “Zutaz mintzo gara” ekimenaren bidez sortu da. SPRI Taldeak Euskadiko enpresei haien proiektuak beren plataforma bidez ezagutarazteko aukera eskaintzen die.
“36.000 langileko multinazional oso handi bateko sail komertzialean lan egitetik nentorren, eta negozioa erakartzeko modua atez-atekoa eta azokak ziren. Kostuak murrizteko digitalizazioa txertatzea erabaki zuten, eta Espainian proiektu haren burua izateko zortea izan nuen. Eta 2008an Weroi eratu nuen Unai Zorriqueta nire nagusi ohiaren laguntzarekin”, azaldu du Maitane Hernándezek, bazkide fundatzaile eta gerenteak.
Hasieran, ingurune digitalaren bidez negozio-aukerak erakartzen laguntzen zien Weroik enpresa industrialei. “Hasieran enpresekin hitz egitera joaten ginen, eta ez ziguten ulertzen, merkatua ez zegoelako batere prestatuta. Bakarrik hasi nintzen, eta lan handia zen ateak jo eta entzun ziezadaten lortzea”.
Bilakaera “oso geldoa” izan zen 2020 arte, pandemia iritsi zen arte. “Enpresek ezin zuten lan komertziala egin eta, urte eta erdi hartan, 14 pertsona izatetik 41 izatera pasatu ginen, beharrak eraginda”.
Bezero berriak erakartzen laguntzeko, hau da, prospekzio hotza deritzonerako, digitalizazioa erabiltzea da enpresak eskaintzen duen zerbitzua. “Ezin dituzu denak bisitatu; identifikatzea eta profila eratzea ahalbidetzen dizu zati digitalak. Ondoren, azkar iristen zara haiengana, eta interesa nork duen eta nork ez ikus dezakezu”.
Askotariko sektoreentzat lan egiten dute, betiere arlo industrialean. Esaterako, galdaragintza astun fina, aeronautika, fabrikazio aditiboa, oxiebaketa, automobilgintza, ekipo-ondasunak, oil and gas eta balbulak. “54 merkatutan bezeroak erakartzen laguntzen dugu, hala nola Alaskan, Tailandian, Hegoafrikan, Errusian, Txinan edo merkatu eskandinaviarretan”.
Arrakastaren adibideak
Haien arrakastaren adibide da ingeniaritza bat: “359 negozio-aukera sortu dizkiogu, 18 milioiko eskaintza egin dute eta bost eskari itxi dituzte”. Edo makina-erremintaren sektoreko AEBko enpresa bat: “29 negozio-aukera ireki dizkiogu, 11 milioiko eskaintzak eta 6,5 milioiko salmentak”.
Negozioa nola lortu duten adierazten duten datuak ere eskaintzen ditu Weroik. “Bestela, proiektuak hil egiten dira. Neurtzeko gai ez bagara, ez gara proiektuan sartzen”. Haien lanak ez ditu komertzial tradizionalak ordezkatzen. Aldiz, kontratazio gehiago izaten laguntzen du. “Normalean, sail komertzialak teknikoak izaten dira, eta ez dira prospekzioan espezialistak izaten. Gure lanak negozio-aukerak ekartzen dizkie, eta horretan onak dira”.
Enpresaren lanak ez du zerikusirik marketinarekin. “Sail komertziala gara. Sektore industrialaren, ekintza komertzialaren eta estrategia digitalen gainean dugun ezagutzan oinarritzen da gure negozioa”.
Orain 30 langile gara guztira eta urteko fakturazioa 1,5 milioi euro ingurukoa da. I+G giltzarria da, eta gure sail guztietan dago txertatuta. “% 10ek berrikuntzan lan egiten dute”. Haien lanaren zatirik handiena nazioarteko merkatuetan dago. “Gure bezeroen % 5ek bakarrik eskatzen digute Espainian bilatzeko. Merkatu naturala esportazioa da. Gure bezero batzuk kanpoan daude, baina hemendik kontratatzen gaituzte, eta beste herrialde batzuetan dituzten filialekin lan egiten dugu”.
Prospekzio komertzial tradizionalaren kostuen zati handi bat aurrezten du haien lanak. “Bidaia komertzial batean 5.000 euro gastatu ditzakezu astebetean; gure kostua askoz ere txikiagoa da”.
Erronken artean, “izandako hazkundea finkatzea” dago, asko hazi baita enpresa. Eta Euskadiko enpresa industrialetan eragile garrantzitsua izaten jarraitzea. “Baina maila nazionalean ere bai. Bezeroak ditugu Galizian, Valentziako Erkidegoan, Asturiasen, Madrilen, Katalunian edo Andaluzian. Merkatu horiek sendotu nahi ditugu, eta enpresa garrantzitsu bat izaten jarraitu”.
Giza lantaldea zaintzea da Weroiren beste oinarrizko elementuetako bat. “Astean hiru egunetan telelana egiten dugu”. Profil profesionala oso espezializatua da industriaren munduan, eta ezagutza espezifikoak dituzte merkatuen eta tresnen gainean. “Lantalde oso indartsua da, bezeroak dituen behar komertzialei erantzuteko”.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.