SPRIk programa bat diseinatu du enpresek euren profesionalen profil digitala hobetu dezaten
SPRIk milioi bat euro bideratu ditu “Gaitasun Digitalak” izeneko programa berria abiarazteko, programa horren bidez euskal ETEek euren profesionalen gaitasun digitalak optimizatu ditzaten eta lehiakorrago izan daitezen. Datorren uztailaren 27an argitaratuko den programa honek kanpoko aditu baten laguntza eskaintzen die enpresei lanpostuarekin erlazionatutako gaitasun digitalak identifikatu ditzaten, eta informazio hori lagungarri izango zaie profesionalei nahiz antolakundeei lehiakorrago eta errentagarriago izateko.
“Gaitasun Digitalak” laguntza hiru fasetan egituratzen da, hots, analisia, diagnostikoa eta ekintza-plana, eta enpresa bakoitzaren “neurrira” moldatzen da, edozein izanik ere bere tamaina edo sektorea.
SPRIk Eraldaketa Digitaleko Planaren esparruan euskal ETEen eskura jarri duen programa berritzaile honek dirulaguntzak ematen ditu SPRIk berak aldez aurretik eta lizitazio publiko bidez aukeratutako kanpoko aditu baten aholkularitza zerbitzuak jasotzeko. Aditu horrek enpresarekin batera lan egingo du profil digitala definitzeko prozesuan.
Digitalizazioan eta giza baliabideen kudeaketan espezializatutako aholkulari horrek eskura izango du Eusko Jaurlaritzak diseinatu eta probatutako Ikanos.eus tresna, analisia eta diagnostikoa egiteko. Ongi definitu ondoren programaren onuradun izango den ETEaren gaitasun digital errealak, SPRIren laguntzak hainbat gomendio proposatzen ditu enpresek euren prestakuntza-plana definitu dezaten, betiere beren premien arabera.
Laguntza-programa honetan parte hartu nahi duten enpresek aukera izango dute 8.100 eurorainoko dirulaguntzak eskuratzeko proiektuko. Dirulaguntza horrekin adituaren aholkularitza zerbitzuak ordainduko dituzte, enpresako lanpostu bakoitzaren gaitasun digitalen auto-analisia eta auto-diagnostikoa egin ditzan. Diagnostiko horren bidez jakingo da enpresako giza baliabideak zein puntutan dauden arlo digitalean, eta gaitasun digitalen profil berri bat emango dio enpresari, lanpostu bakoitzari eta jarduera-sektoreari lotuta dagoena.
Enpresek euren kolaboratzailea aukeratu ahal izango dute eraldaketa digitalean eta giza baliabideetan espezializatutako 14 aholkularitzaren artean. Aholkularia enpresa onuradunak berak aukeratuko du. “Gaitasun Digital Profesionalak” programari atxikitako proiektua gehienez sei hilabeteko epean ezarri beharko da.
Gaitasun Digitalak programa datorren uztailaren 27an argitaratuko da, milioi bat euro inguruko zuzkidurarekin. Edozein tamaina eta sektoretako enpresak izan daitezke programa honen onuradun, zeinak dirulaguntzak emango baititu SPRIk berak aldez aurretik eta lizitazio publiko bidez aukeratutako 14 konpainia espezializatutako adituen aholkularitza zerbitzuak jasotzeko. Aditu horiek Eusko Jaurlaritzak diseinatutako Ikanos tresna erabiliko dute, gaitasun digitalen eredu europarrean oinarritua dagoen metodologia.
IKANOS metodologia
IKANOS sistema etengabeko hobekuntzarako metodologia bat da, Europako Batzordeak definitutako DIGCOMP gaitasunetan oinarritua, eta 6 ardatz desberdinetan lan egiten da egoeraren ikuspegi globala izateko. Sistema honi esker, diagnostiko eta hobekuntza plan pertsonalizatua defini daiteke, erakundea osatzen duten pertsonen profil profesionalean eta enpresaren beraren produkzio-premietan oinarrituta. Horrela, pertsonek pertsonalki eta profesionalki aurrera egiteko behar dituzten tresnak eta ezagutzak eman nahi zaizkio enpresari, bere lan-produktibitatea eta enpresaren lehiakortasuna handitzeko.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.