SPRI Taldeak eta Mexikoko Nuevo León estatuak elkarrekin lan egingo dute 4.0 Industria sustatzeko
Bi urterako lankidetza-hitzarmena sinatu dute
SPRI Taldeak, enpresa-garapenerako euskal agentziak, eta Mexikoko Nuevo León estatuak lankidetza-hitzarmen bat sinatu zuten astelehenean, Eusko Jaurlaritzaren Basque Industry 4.0 estrategia sustatzeko. Bi urte iraungo du hitzarmenak, eta ez du inolako finantza-konpromisorik hartzen barruan.
Ekimen honen helburua da estatu horri laguntzea eraldaketa digitala sustatzeko duen plana garatzen, 2025erako Ekonomia Adimendunaren erreferente bihurtu nahi baitu Amerikan (hain zuzen, estatu horretan dago Monterrey hiria, Mexikoko hiri nagusietako bat).
Hitzarmenari esker, 4.0 Industriaren ezagutzak eta praktika onenak irakatsiko dizkiete elkarri, bi herrialdeen arteko profesional-trukea egingo da eta ekintzailetza ere landuko da, Eusko Jaurlaritzaren Bind 4.0 programa arrakastatsua eredutzat hartuta.
Alex Arriola SPRI Taldearen zuzendari orokorrak eta Leopoldo Cedillo Nuevo Leon 4.0 Kontseiluaren presidenteak sinatu dute hitzarmena, bosgarren Basque Industry 4.0-The Meeting Point ekitaldian. Euskadin 4.0 Industriaren inguruan egiten den ekitaldia da hori, eta, gutxi gorabehera, 2.000 enpresa, industria, zentro teknologiko, cluster eta unibertsitatek parte hartzen dute.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.