SPRIk berretsi du digitalizazioa enpresen premietara orientatu behar dela
Eusko Jaurlaritzak Euskadiko ETEen eraldaketa digitala bultzatzen du Enpresen Garapenerako Euskal Agentziaren bidez. Euskal enpresek eskura ditzaketen zerbitzu eta programei oihartzuna emateko testuinguruan, SPRIko Eraldaketa Digitaleko zuzendari Iñaki Suarezek mahai-inguru batean parte hartu zuen, zeinaren helburua izan baitzen ezagutzera ematea digitalizazioari aurre egiteko giltzarriak, bertatik bertara aurkeztea enpresek eskuratu ditzaketen baliabide publikoak eta gogoeta egitea ETEek prozesua hastean kontuan hartu behar dituzten aldaketei buruz. “El ABC de digitalizar tu negocio” mahai-inguruan gai horiek guztiak landu ziren, eta digitalizaziorako ibilbidean eman beharreko urratsak aztertu ziren.
Mahai-inguruan parte hartu zuten hizlari guztiak bat etorri ziren esatean azelerazio digitala 2020an abiatu zela, 2021ean aurrerapenak errotu zirela, eta aurtengo ekitaldirako helburuak izan behar direla gelditu, hausnartu eta prozesua egituratzea.
Enpresen Garapenerako Euskal Agentziaren ordezkari gisa, Suarezek azpimarratu zuen antolakunde bakoitzak kultura aldaketako prozesu bat barneratu behar duela bere estrategiaren barruan, eta erabakiak hartu behar dituela eraldaketa digitala finkatuko duten teknologia berriak bere baitan hartzeko. Prozesu horretan funtsezkoa da lehentasunak identifikatzea eta, batez ere, inplikatutako sail guztiak eta lantaldeak proiektuaren parte sentitzea.
Topaketan orobat eztabaidatu zen zein diren enpresa adimendun eta automatizatu bat lortzeko bidea oztopatzen duten barneko zein kanpoko hesiak.
Puntu horretan, SPRIren ordezkariak errepaso bat eman zien Euskal Administrazioak ETEei eskaintzen dizkien laguntzei, eta azaldu zuen eraldaketa digitaleranzko ibilbidean ia urrats guztietan eskuratu daitekeela laguntza publikoa.
Horrez gain, Suarezek zehaztu zuenez, “askotan oztopo nagusia ez dira izaten ez hornitzaileak ez finantzaketa, baizik eta enpresek aldaketak egiteko eta jendea prestatzeko erabili behar duten denbora. Digitalizazioari ez badiogu heltzen jarrera egokiarekin, prozesua erori egingo da”.
Bukatzeko, hizlariak bat etorri ziren esatean digitalizazioranzko jarrera proaktiboa landu behar dela, aurrea hartuz merkatuari eta sektorearen inertziei, eta alboratu beharra dagoela jarrera erreaktiboa, epe laburrean kaltegarri izango baita enpresen errentagarritasunerako.
Jardunaldi hau “Emprendedores” aldizkariak eta Kyocera enpresak antolatu dute, autonomiaz autonomia tokian tokiko estrategiak aztertzeko foroak egiten dituen ziklo baten barruan.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra