Sei enpresa sartu dira Deustuko Industria Digitaleko Katedran
Etxe-Tar, Idom, Telefónica, General Electric, Accenture eta BBK-k digitalizazio industrialari buruzko prestakuntza eta praktikak eskainiko dituzte
Kalkulatzen da datozen urteetan euskal enpresek digitalizazioko eta Fabrikazio Aurreratuko 40.000 profil profesional inguru beharko dituztela. Datu analistak eta zibersegurtasun, mekatronika, adimen artifizial edo bloke-kateetako adituak… gure konpainiek zailtasunak dituzte horrelako lanpostuak estaltzeko.
Deustuko Industria Digitaleko Katedra duela gutxi abiarazi da, helburutzat harturik talentu espezializatua garatzea ezagutza zuzenean aplikatzeko industria sektorean, horretarako beraizik antolatzen dituelarik industriaren digitalizazioko prestakuntza, dibulgazio eta ezagutzaren sorkuntza eta transferentziarako jarduerak. Behin detektatu ondoren zeintzuk diren prestakuntza arloko gabeziak eta enpresen premiak, katedrak “ikaslez, irakaslez eta enpresetako profesionalez osatutako” diziplina anitzeko 15 lantalde sortu ditu, eta “lantalde horietako bakoitzak gai zehatzak landuko ditu, hala nola, zibersegurtasun industriala, datuen analitika, prestazio handiko elektronika, plataforma industrialak, algoritmika konplexua, adimen artifiziala, deep learning edota programazioa” dio Pablo García Bringasek, katedrako zuzendariak.
Ikasleek (doktoretza eta masterretakoak, eta Informatika, Elektronika eta Automatika, Mekanika edota Telekomunikazioen ingeniaritza graduetako laugarren, hirugarren eta bigarren mailetakoak) beka bat eta prestakuntza duala jasotzen dute Deustuko Industria Digitaleko Patronatuko sei enpresa hauen eskutik: Etxe-Tar, Idom, Telefónica, General Electric, Accenture eta BBK. Espero da datozen hilabeteetan enpresa gehiago sartuko direla patronatu horretan.
“Badakigu ez dagoela goi-mailako kualifikaziodun profesional askorik, enpresek esaten digutelako. Horrelako profilak beharrezkoak dira lehiakortasun-baldintza onenak izateko. Bestalde, belaunaldi berriek argiago jakin behar dute zein den beren jardun profesionalaren zentzua. Katedraren bidez ikasleek eta enpresek hobeto ezagutuko dute elkar. Horrela ziurtatzen dugu ez dagoela desorekarik gure ikasleak lan merkatura sartzen direnean” azpimarratu du Pablo García Bringasek.
Deustuko Industria Digitalaren Katedra bat dator Deustuko Unibertsitateak martxan jarri dituen eta Fabrikazio Aurreratuan eta digitalizazioan zentratuta dauden beste ekimen batzuekin. 4.0 Industriari buruzko Executive Programak bere lehen edizioa bukatuko du aurten, eta “emaitzak onak” izan direla azpimarratu du unibertsitateak. “Profil altuko enpresetako arduradunen topagune bihurtu da, non aukera baitute beren arrakastak partekatzeko, digitalizazio prozesuen arloko liderrak direla erakusteko, eta baita ere talentua atzemateko” diote.
Bestalde, Deustuko Unibertsitateak Industria Digitalari buruzko gradu dual berri bat sustatu du Gasteizen, Egibide erakundearekin eta Arabako hogeita hamar bat enpresa eta industriarekin lankidetzan. Ekimen horretan ere garrantzi handia ematen zaio prestakuntza dualari eta ikasleen eta praktikak egiteko aukeratutako enpresen arteko harremanari. Deustuk laster abiaraziko du Zibersegurtasunari buruzko programa berri bat 4.0 Industriaren testuinguruan.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra