Pertsonen ahalduntzea, arrakastaren giltza industriako eraldaketa digitalerako
Enpresetan lan egiten duten pertsonen inplikazioa da industriaren digitalizazioan arrakasta izateko gakoetako bat. Horixe izan da eztabaidatu den ideia nagusietako bat SPRI Taldeak Enpresa Digitalaren bidez Bilbon antolatu duen jardunaldi batean, zeinetan aztertu den nola bultzatu informazio teknologia berriak konpainia industrialetan.
Eusko Jaurlaritzako Eraldaketa Digital eta Ekintzailetzako zuzendari Leyre Madariagak esan duenez, industriaren digitalizazioa “parerik gabeko aukera bat da gure produktibitatea sustatzeko”. Orobat esan du enpresen % 25 baino gehiagok esperientzia digitaletatik aterako dutela euren negozioa 2026rako.
Gehitu du “garapen ekonomikoaren adierazle bat” dela digitalizazioa, eta hizpide hartu du Euskadiren eraldaketa digitalerako estrategia, 2021ean onartu zena eta indarrean egongo dena 2025era arte. “Diseinatu dugun ibilbidea sentsibilizazioarekin hasten da eta proiektuen ezarpenarekin amaitzen da”. “Erabat digitala izan nahi duen gizarte batek lidergoa bultzatzen duen administrazio bat behar du”.
Tomas Iriondok, Gaia klusterreko zuzendari nagusiak, azpimarratu du digitalizazioa dela “enpresen kultura aldaketa handiena”. “Uste genuen nahikoa zela produktua smartizatzea, baina ohartu gara beste geruza batzuk eman behar dizkiogula, esaterako zibersegurtasuna edo adimen artifiziala. Datua da lehengaia, gure erregai eta aberastasun bihurtzen dena. Datua izango da gure antolakundeko elementu erabakigarria. Datua eraldatu behar da informazio esanguratsu bihurtzeko”.
Iriondok nabarmendu du teknologia asko integratu behar direla. “Orain arte informazio esanguratsua zuzendari nagusiari pasatzen genion; orain, ordea, modu egokituan iristen da antolakundeko pertsona guztiengana. Horrela ez bada, seinale zerbait gaizki egiten ari garela. Ezinbestekoa da eraldaketa digitala bideratzea antolakundeko pertsona guztiak ahalduntzeko”.
Zibersegurtasuna inbertsio bat da
Esan du zibersegurtasuna “inbertsio bat” dela, ez “gastu bat”. Antolakundearen erabaki estrategiko bat da. Inbertsio-partida handienetako bat izan behar da”. Eta berriro nabarmendu du “gure giza kapitalaren birziklapenean inbertitzeko beharra. Datu ekonomiaren industrialak izango gara. Datu-gune irekiak sortu behar ditugu, eta ikasi beharko dugu horiek monetizatzen”.
Teknologia irekiak behar direla azpimarratu du Olatz Molinosek, eraginkortasun energetikoan espezializatutako Carlo Gavazzi enpresako eraginkortasun energetikoko produktuetako eta eraikinen automatizazioko buruak. “Eraginkor izateko lehen urratsa da jakitun izatea zenbat kontsumitzen den”.
Patxi Rubinek, eraikin berezietarako metalezko inguratzaileetan liderra den IMAR Innometal enpresako zuzendari teknikoak, digitalizazioarekin izan duten esperientzia azaldu du, esanez 2020an ezarri zutela euren enpresan, denbora errealean monitorizatzeko produkzioa eta bere gorabeherak. “Eskaintzen konfiguratzaile aurreratu bat ezarri genuen, egunean 90-95 eskaintza ateratzen dituena. Eta orain denbora errealean jakin dezakegu zein den fabrikako instalazioen benetako egoera”. Proiektu berritzaileenetako bat makinen higadura neurtzeko digitalizazioa da. “Posible egiten digu arazoei aurrea hartzea higaduraren eboluzioari begiratuta”. Hala, makina bat lehen 15 egun egon behar zen geldirik eta orain hiru.
Javier Sordok, Bexreal konpainiako (errealitate aurreratua eta mistoa erabiltzen ditu industrian) negozioaren garapenerako zuzendariak, tamaina handiko xafla-estanpazioa egiten duen Sercame enpresarekin izandako esperientzia azaldu du. Dokumentazio komertzial interaktiboa, instalazio-, muntaia- eta mantenimendu-lanen optimizazioa eta diseinu prozesuen hobekuntza aplikatu dituzte biki digitalen bidez.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.