Neuromarketina: gure garunak nola funtzionatzen duen ulertzeko teknologiak
Azaroaren 14an, teknologia hauen potentzialtasunari buruzko jardunaldia egingo da Bilbon
Neurozientziak garunaren barruko informazioa nola igortzen den ikertzen du, eta neuromarketinak teknika horiek aplikatzen ditu, marka, produktu zein edukiei lotutako estimuluei nola erantzuten diegun ulertzeko. “Marketinean, focus groups, elkarrizketak eta galdetegiak dira normalean erabili ohi diren teknikak, baina frogatuta gelditu da erabakien % 85 baino gehiago modu inkontzientean hartzen ditugula, kontu emozionalek, kulturalek edo esperientzialek bultzatuta”, adierazi du Tecnaliako eServices Arloko proiektuak kudeatzen dituen Ana Moya ingeniari informatikoak: “neuromarketinaren oinarria zientifikoa da, izan ere, helburua ez da erabiltzailea liluratzea, baizik eta horren gustuak hobeto ulertu eta beraren beharretara ongien egokitzen diren produktuak edo zerbitzuak ematea”.
Azaroaren 14an, Spri Taldeak Bizkaia Enpresa Digitalaren bitartez koordinatutako Teknologia kognitiboak eta neuromarketina deritzon jardunaldia egingo da Bilboko Bizkaia Aretoan. Topaketa honetan, Ana Moyak bertatik bertara azalduko du nola erabiltzen diren teknologia hauek pertsonek kanpoko estimuluei emandako erantzunak ezagutzeko eta erabiltzailearen esperientziari buruzko informazioa biltzeko.
Informatika arloko adituak emozioak eta parametro kognitiboak modu subjektiboan neurtzeko erabiltzen diren teknologietako batzuk emango ditu ezagutzera. Intrusiorik gabeko gailu horien artean, 12 garun-seinale ere neur ditzaketen diademak, begien jarraipena egiteko tracking-betaurrekoak edota giharren jarduera detektatzen duten sistemak nabarmen daitezke. Teknologia hauei esker, arretarekin, memorizazioarekin zein pertsonaren eta estimuluaren arteko engagement edo konexioarekin lotutako metrikak jaso daitezke.
Tecnaliako IKT sailean, teknika hauen erabilera ez da marketin arlora mugatzen, baizik eta 4.0 Industria, osasuna zein kultur edukiak tarteko dituzten proiektuak ere abiarazi dituzte teknika horietaz baliatuta. “Zientzia hau pertsonek parte hartzen duten edozein eremutan aplika daiteke, pertsona horiek nola sentitzen diren jakiteko eta haien esperientzia hobetzeko”, adierazi du Ana Moyak. Egun, adibidez, pertsonek eta robotek lankidetzan diharduten ekoizpen-kateei zuzendutako proiektu bat lantzen ari dira. Teknologia hauei esker, langilearen estres edo konfiantza maila neurtu ahal da, interakzio horiek hobetzeko asmoz. Horrez gain, adineko pertsonekiko komunikazio telematikoa errazteko sistema batean lan egiten ari dira. “Pertsona ikuspuntu emozionaletik zein kognitibotik nola dagoen kontuan hartuta, harekin komunikatzeko modurik egokiena erabaki dezakegu”.
Teknologia kognitiboak eta neuromarketina jardunaldia esperientzien diseinuan zein UX edo HCD arloetan diharduten profesionalei, marketinaren arloko arduradunei eta diseinuaren eremuko profesionalei zuzenduta dago. Izen-ematea doakoa da eta webgune honen bitartez egin daiteke.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.