MYLk fresatzeko buru sorta bat diseinatu eta fabrikatu du Txinako sektore aeronautikorako
MYL duela 52 urte sortu zen, makina-erremintarako buruak diseinatu, fabrikatu eta konponduz. Gaur egun, Europako marka anitzeko buruen konpontzailerik handiena da. Gainera, azken aldian ingeniaritza indartu du, eta horri esker balio erantsi handiko proiektuak egin ditzake, kustomizatuak eta bezeroen beharretara egokituak.
Orain bi proiektutan murgilduta dago. Batek sektore aeronautikorako fresatzeko buru sorta bat fabrikatzea du helburu. “Txinako sektore aeronautikorako titaniozko piezak mekanizatzeko Samax Precision Inc enpresarentzat egiten dugu buru hau”, nabarmendu du Iñigo Mendoza MYLko gerenteak.
Bigarren proiektuaren ardatza artezketa-burua da, RAMean tornu bertikal bat sartzeko, sektore eolikoari eta Oil&Gas sektoreari zuzendua. “Tornu-fabrikatzaileentzako produktua da. Akabera-zehaztasun handiagoa lortzen dute zentro berean torneaketa- eta artezketa-prozesua egitean, horrela makina-pieza mugitzea eta haren doitasuna galtzea saihestuz”, argitu du gerenteak.
Bezeroari egokitzea
Euren produktu nagusia artezteko elektromandrinoa den arren, MYL bezeroen beharretara egokitzeko gai da, soluzio eraginkorrak eskaintzen baititu. “Hainbat aplikaziotarako buruak egin ditzakegu. Gure indargunea bezeroari aplikazio bakoitzerako produktu egokia identifikatzen eta diseinatzen laguntzea da. Gure ingeniaritzatik artezteko buruak, fresatzeko buruak, tornu-buruak, diamante-makinak eta abar garatu ditzakegu, eta balio erantsi handiko proiektu berezi pertsonalizatuetan bereizten gara. Marka anitzeko konpontzaileak izateak gauzak nola egin jakitea eragin du, eta, burua diseinatzerakoan, gaitasunaren onena hartzen saiatzen gara, prestazio handiko buru bat fabrikatzeko”, aitortu du.
Gaur egun, MYLk garatzen dituen buru berri gehienak zuzenean OEM (Original Equipment Manufacturer) enpresek eskatzen dituzte, eta euren salmentak Europa eta Asiara bideratzen dira, batez ere Txinara. Bertako bezeroen artean daude Ibarmia, mekanizazio sektorekoa, eta Danobat, artezketa sektorekoa.
Bestalde, konponketa-zerbitzuan, makina-erremintako OEM zerbitzuez gain, negozio-bolumen nagusia automobilgintzako eta aeronautikako OEM eta TEAR1 zerbitzuetatik dator.
Italiako merkatuan hasi
2019an, MYLk SMZ konpainia italiarra erosi zuen, une horretan Italiako enpresarik garrantzitsuena elektromandrinoen konponketa eta salmenta esparruan. “Italian sartzea oso positiboa izan zen eta oso know how garrantzitsua ekarri digu taldeari. Bi konpainien integrazio prozesua oso ona izan da, baina pandemiak gure hedapen planak moteldu ditu”, zehaztu du.
Mendaron 40 langile baino gehiago dituen enpresa honek ehun bezero baino gehiago ditu bost kontinenteetan banatuta. “Kantitatea baino gehiago, gure bezeroen kalitatea da garrantzitsuena. Exijentzia maila oso altuko bezeroekin lan egiten dugu: automobilgintzako eta aeronautikako OEM, makina-erremintako OEM …”, adierazi du Iñigo Mendozak.
Ildo horretan, MYLren nazioartekotzea funtsezkoa izan da haren hazkunderako, bai negozio-bolumenari dagokionez, bai produktuen kalitateari dagokionez. “Asko hobetu dugu gure bezeroen eskakizunei esker, gehienak punta-puntakoak euren sektorean. Eta duela urte batzuk pentsaezinak ziruditen erronka teknologikoei aurre egin diegu. MYL marka ezaguna da munduko merkatu nagusietan, jatorri baserritarra izan arren: Manolo eta Lorenzo”, gogorarazi du.
Aurten Txinan konponketa-zentro bat irekitzeko asmoa zuen enpresak, baina pandemiak dena geldiarazi du. “Bertan gertatzen dena adi jarraitzen dugu. Itxaropen handia dugu merkatu horretan, izan ere hamabost urte baino gehiago gaude hor”, gaineratu du.
4.0 industria, teknologia adimendunak eta material aurreratuak inplementatuz, SPRI Taldearen lehentasunetako bat da, eta hori lortzeko SPRIren aldetik lotura teknologiko bat bezala jarduten dugu, euskal enpresek 4.0 soluzioak eskura ditzaten, hala nola laguntzak eta prozesu osoan zehar arlo horretako profesionalen laguntza. Informazio gehiago hemen.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean