Modela, adimen artifiziala oinarri duen euskararako lehen itzultzailea
Aitzindaria da proiektua ikaskuntza neuronalaren erabileran
Erabilgarri dago jada Modela gaztelania-euskara itzultzaile automatikoa, Euskal Herriko lau teknologia-zentrok, EHUk eta itzulpen-enpresa batek sortua. Deep learningeko teknologiak ditu oinarri sistema berritzaile horrek, eta Eusko Jaurlaritzaren eta SPRI Taldearen laguntza jaso du, ikerketari laguntzeko Elkartek programaren bidez.
Aurrekaririk gabeko jauzi kualitatiboa da Modela euskararentzat hizkuntza-teknologiei dagokienez. Orain arte, oso mugatuak ziren itzulpen automatikoko sistemak, eta emaitzek ez zituzten behar bezala islatzen euskararen ezaugarri morfologikoak. Baina kalitate eta jariakortasun askoz handiagoko itzulpenak (euskara-gaztelania eta gaztelania-euskara) egiten ditu tresna berri horrek, ikaskuntza neuronalean oinarritzen diren teknologiak erabiliz. “Orain arte inoiz ikusi gabeko kalitateko itzulpenak egiten ditu euskarara, eta, lehenbizikoz, euskarazko itzultzaile automatiko baten erabilera praktikoaren ateak zabaldu ditu”, adierazi dute proiektuaren arduradunek.
Vicomtech, Elhuyar Fundazioa, EHUko Ixa Taldea, ISEA, Mondragon Lingua eta Ametzagaiñaren arteko lankidetza izan du sorburu Modelak. Ikerketa-taldeko kideek diote tresna berri horren helburua ez dela itzultzaile profesionalak ordezkatzea, baizik eta euskarazko eduki berri batzuen sorrera bultzatzea zenbait arlotan. “Oso lagungarria izango zaie euskaraz bizi nahi duten herritarrei eta erakundeei. Itzulpenen kalitateari esker, eguneroko bizimoduan euskaraz komunikatzeko aukera egongo da”.
Tresna xume hori erabilita, errazagoa izango da euskaraz jardutea eguneroko bizitzan; adibidez, enpresetako barne-mezuetan, sare sozialetan eta blogen argitalpenetan. Gainera, itzultzaile automatiko berri horrek aukera emango du euskarazko hizkuntza-teknologien garapena bizkortzeko eta beste alor batzuetan aplikatzeko; besteak beste, laguntzaile birtualetan eta datu-azterketan. Erabilgarri dago jada zerbitzua: doako bertsioak hitz-kopuru mugatu bat du hileko, eta ordainpekoak, berriz, tarifa eta pakete pertsonalizatuak eskaintzen dizkie enpresei eta profesionalei.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.