Merytronicek aurrera egin du banaketa elektrikoen sareen digitalizazio eta monitorizazioan
Hain lehiakorra den sektore elektrikoan, Merytronicek bere esparrua lortu du hamarkada eskas batean. Erdi- eta behe-tentsioko banaketa-sareen digitalizazio, monitorizazio eta operazioetara bideratutako ekipo elektronikoen diseinu, garapen eta fabrikazioaren bidez lortu du. “Gure helburua eskaera elektrikoaren gorakadaren, energia berriztagarriak sarean sartzearen eta auto elektrikoa ezartzearen aurrean sareak modu ezin hobean kudeatzea eta bezeroei hornikuntza kalitate egokia bermatzea da”, azpimarratu du Iratxe Zuluaga Merytroniceko kudeatzaileak. Bere jarduera nagusia sektore elektrikoan zentratzen da, zehazki banaketa-sareetan, lurpeko sareak mantentzeko, digitalizatzeko eta monitorizatzeko, diseinatutako produktuen bidez.
Enpresa bizkaitarra Gorlan taldekoa da, eta osagaiak diseinatzen, fabrikatzen eta garatzen aritzen diren hainbat enpresek osatzen dute, batez ere sektore elektrikoan lan egiten dutenak. Aparailuak, koadro elektrikoak, etengailuak eta abar, egiten dituzte.
Behe-tentsioko sare elektrikoen mundua abiadura handian aldatu da eta sorkuntza berriztagarri banatua, ibilgailu elektrikoa, biltegiratze banatuko bateriak, mikro sareak edo neurgailu adimendunak agertu dira. Etengabeko aldaketa une honetan, enpresa euskaldunak Smart Grids teknologien bidez banaketa elektrikoko sarearen monitorizazioa ahalbidetzen du harpidedunek kontsumitzen duten energia elektrikoaren kalitatea bermatzeko.
Smart Grids edo sare adimendunen esparruan Merytronicek bi negozio-ildo desberdin garatu ditu, aldi berean elkarren osagarriak direnak. Alde batetik, behe-tentsioko banaketa-sareen monitorizazio– eta eragiketa-konponbide globala eskaintzen du Pronutec eta Ariadna Grid enpresekin batera. Eta, bestetik, banaketa-sare elektrikoak mantentzeko eta digitalizatzeko konponbide eramangarriak eskaintzen ditu.
Irtenbide horiei esker beharrezkoa den informazioa lor daiteke, hala nola, “transformazio-zentroak lanez gainezka dauden jakitea, sare elektrikoen plano eguneratuak izatea… Sareen kudeaketa eraginkorrari balioa ematen dioten aplikazioak”, dio kudeatzaileak.
Ekipo eramangarri eta finkoak
Amorebietako konpainiak eskaintzen duen ekipo eramangarrien gama osoari esker bezeroek hornidura-sarearen barruan zein lekuan konektatuta dauden jakin dezakete, lurpeko kableak nondik igarotzen diren jakin daiteke, eta manipulatu behar den kablea segurtasun osoz identifikatu daiteke. Eta gailu finkoen gamak behe tentsioko banaketa-sareen monitorizazioa errazten du. Iratxe Zuluagak aitortu du “konponbide sorta hori sareen digitalizazioarekin batera Smart Gridsentzako konponbideen baitan dago, eta elektrikoei banaketa-sareen kudeaketa eraginkorragoa egiten laguntzen dieten tresnak dira”.
Egindako identifikazioen fidagarritasun handiak euskal enpresaren produktuak bereizten ditu, “bai hornidura elektrikora lotzen den puntua identifikatzeko, zein kable elektrikoen manipulazioetan kable zuzena identifikatzeko”, zehaztu du kudeatzaileak.
Enpresa euskaldunak 12 milioi euro inguru fakturatzen ditu urtero, eta 35 langilek osatzen dute lantaldea. Langile kopurua handitzea aurreikusten da, “profil berrien bidez, hainbat motatako beharrak asetzeko”.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.