Ludus VR enpresak industriara eraman du birtualizazioa
Errealitate birtuala, handitua eta mistoa aplikatzen ditu entrenamendu-lanetarako, mantenimendu prediktiborako eta produkzioa optimizatzeko
Errealitate birtualak, handituak eta mistoak gero eta protagonismo handiagoa dute ingurune industrialetan. Adituek aurreikusten dute horrelako teknologiak garatzen dituzten enpresek hazkunde-zifra handiak izango dituztela. Munduko enpresa garrantzitsuenetako batzuk (esaterako, Google, Microsoft, Facebook –Oculus enpresaren bitartez-, Samsung edo HTC) dagoeneko hasiak dira bisore eta gailu haptikoak (ukimenaren bidez erabiltzen direnak) ekoizten, horrelako teknologien murgiltze-esperientziez gozatzeko.
2016an Ludus VR euskal konpainiak joera horrekin bat egin zuen, eta orduan hasi zen ekoizten errealitate birtual, handitu eta mistoko produktuak, industriara eta larrialdietara espezifikoki bideratuak. Bere lehenengo garapenetako bat izan zen orgatila jasotzaileak erabiltzeko errealitate birtualeko simulagailu bat. Horri esker, langileek beren gaitasunak entrenatu ditzakete istripua izateko edo ibilgailua iraultzeko arriskurik gabe. Oso sinplea da, nahikoa baita errealitate birtualeko bisore bat jartzea, orgatilaren aginte mahai berbera duen kabina batean esertzea eta egoera desberdinak simulatzea. Hegazkinetako pilotu askok erabili izan dutenaren antzeko simulagailu bat da, baina gaur egun teknologia garatuago dago, eta kostuak askoz txikiagoak dira.
Enpresaren azken proiektuak Fall Protection VR du izena eta altuera handiko erorketen simulagailu bat da, eraikuntza sektorean edo lantegi industrialetan erabiltzeko. “Osalanek finantzatutako ekimen bat da, zeinaren bidez langileek birtualki ikasten baitute zein protokolo aplikatu altueran lanean ari direnean. Asaken prestakuntza-zentroak eman digu horretarako ezagutza espezifikoa, eta gidari-lana egin digu, simulagailuetan jarraitu beharreko protokoloak azalduz eta segurtasun prozesu guztiak baliozkotuz” dio Jon Iñaki Martínezek, Ludus VR enpresako zuzendari nagusiak eta teknologia zuzendariak.
Baina langileen prestakuntzaz eta entrenamenduaz harago, horrelako teknologiak dagoeneko hasi dira muturra sartzen beste esparru batzuetan, esaterako, denbora errealeko datuen bistaratzean edota makina desberdinen urruneko kontrolean. Jon Iñaki Martínezen arabera, “gero eta informazio- eta datu-sistema gehiago integratzen dira lantegietan; datu horiek bistaratzea izango da hurrengo urratsa. Oraindik ez dago argi errealitate birtualeko edo handituko teknologiak erabiliko ote diren horretarako. Uste dut biak bateragarriak direla, eta ahalegina egingo dela hardwarea (bisoreak edo betaurrekoak) bateratzeko, posible izan dadin datuak bi moduetan bistaratzea. Dagoeneko hainbat enpresa etorri zaizkigu denbora errealeko bistaratze sistemak eskatzera, eta badirudi hori dela joera nagusia”.
Konpainia bizkaitarrak baditu errealitate birtuala, handitua eta mistoa konbinatzen dituzten beste proiektu batzuk Sidenor eta Gas Natural enpresentzat eta automozioaren sektoreko hainbat konpainiarentzat. Ludus VR-k 24 langile ditu, eta duela gutxi bulego komertzial bat ireki du Madrilen.
Lotutako albisteak
IndeusBerri: Industria eta Euskararen plaza
Gaur albiste dira Adimen Artifiziala eta irudiak sortzea, ChatGPT ikastaroak, Bai Euskarari ziurtagiriak 25 urte eta Txartel adimendun.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.