Layde Steelek isuririk gabe modu berritzailean altzairua produzitzeko aukera sustatu du
Layde Steel SLU altzairua isuririk gabe produzitzeko proiektu berritzaile baten inguruan lanean ari den enpresa da. Fabrikak zibersegurtasun arloko ahalegin handia egin du datuen sistema fabrikatik kanpo jarrita, eta altzairuzko bobinak prozesatzeaz arduratzen da. Horretarako, enpresak SPRI Taldearen Kloud programaren laguntza, jaso du. Programa horrek zerbitzu, datu eta aplikazio informatiko guztiak Cloud eremuetara migratzen laguntzen die EAEko enpresei. SPRI Taldeak EAEko enpresei beren proiektuak ezagutarazteko aukera eskaintzen die “Zutaz mintzo gara” egitasmoaren bidez.
Enpresa 1941ean sortu zuten Durangoko hiru familiak. Ordu hartan, altzairuzko bobinak prozesatzen zituen fabrika eraiki zuten udalerriaren erdigunean. Mende erdialdera, gaur egun enpresa kokatuta dagoen tokira eraman zuten, udalerriaren kanpoaldera, Abadiñorekiko mugan.
1999an, Ingalaterrako British Steel multinazionalak erosi zuen, eta 2007an, aldiz, Indiako Tata multinazionalak xurgatu. Tata milioi bat langile eta zazpi sektoretan banatuta 98 enpresa dituen multinazionala da. “Gu altzairuaren dibisiokoak gara: Tata Steelekoak”, azaldu dute Fernando Espadak, Layde Steel SLUren gerenteak, eta María Luz Díazek, TI arloko zuzendariak.
Enpresak altzairuzko bobinak prozesatzen ditu bezeroen beharren arabera: ijezketa, mozketa zabaleretan edo beste era batzuetako zehaztapenak. “Enpresa batzuek kazolak edo zartaginak fabrikatzen dituzte gure altzairuekin; automobilgintzan, aldiz, batez ere txasisak eta esekidurak egiten ditugu. Gainera, soldatutako hodi konbentzionalak edo doitasunekoak, etxetresna elektrikoetarako eta labeetarako piezak, eta biltegi logistiko handietarako egitura metalikoak eskaintzen ditugu”.
Automobilgintza
Batez ere automobilgintzaren sektorerako egiten dute lan; hain zuzen ere, haien negozioaren % 75 biltzen du. Gaur egun, altzairuaren lerro berritzailean sartuta daude, zero isuriekin. “Enpresa deskarbonizazio-prozesuan sartuta dago CO2ren produkzioaren araberako tasak eskatzen dituen Europako araudia dela eta. Horrek lehiatzea eragozten du CO2rik isurtzen ez duen altzairua egin ezean”.
Aurreikuspenen arabera, isuririk gabeko altzairuaren eskaria handitu egingo da “eta Europan dagoeneko lasterketa abian da, nork egingo duen ikusteko, nahiz eta produktu garestiagoa izan”. Enpresa hasi da produktu mota hori isuri gutxirekin produzitzen. Orain, tona bat altzairuk bi tona CO2 sortzen ditu, eta “dagoeneko 200 kilo arteko jaitsierak ziurtatzea lortu dugu”.
Layde Steelek 145 langile ditu Durangoko lantegian eta haren urteko fakturazioa 200 milioi euro ingurukoa da. “Batez ere Espainian eta Portugalen saltzen dugu, baina baita Frantzian, Italian, Alemanian, Erresuma Batuan eta Hegoafrikan ere”.
SPRI Taldearen Kloud programaren laguntza fabrikatik kanpo segurtasun-kopia bat sortzera bideratu da, eta dagoeneko martxan dago. “Gure zentralak eraso zibernetikoen aurkako sistemak indartzearen aldeko apustua egin zuen duela bi urte eta, horrekin lotuta, Festung (gotorlekua, alemanez) izeneko proiektua sortu zuen. Urtebete baino gehiago eman dugu enpresako arlo guztiak biltzen dituen proiektu hau garatzen, eta puntuetako bat segurtasun-kopiak indartzea eta sekurizatzea izan da. Fabrikan dugun segurtasun-sistema bikoiztuta dugu, eta kanpoan beste kopia bat jarri dugu, segurtasun-neurri gehigarri gisa”.
Enpresaren ustez, sistema horien funtsezkoak dira “segurtasun handiagoa ematen digulako. Interneten bi motatako erabiltzaileak daudela ikusten dugu: datuak galdu dituztenak eta datuak galduko dituztenak. Horregatik, zibersegurtasuneko programa zorrotz bat dugu, fabrikatik kanpo kopia bat eta beste hiru kopia barruan dituena”.
Etorkizuneko erronkak Iberiar penintsulan Tata Steel taldearen buru gisa finkatzea eta “produktuaren teknologiari esker, isuririk gabeko altzairua barne, gure lehiakideengandik bereiztea izango da”.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.