Juan Luis Elorriaga, robotika industrialaren aitzindaria Euskadin
Espainiako Robotika eta Automatizazio Elkarteko presidentearen aurreikuspenen arabera, makina-erremintaren sektorea goitik behera aldatuko da
Juan Luis Elorriagak, gaur egun J.K.E. Robotics elkarteko presidente eta Robotech Consulting enpresako kudeatzaile denak, ia 50 urte daramatza robotika industrialaren munduan lanean. Lehenengoetakoa izan zen (1973an) robot bat enpresa batean integratzen, ASEA S.L.-n (gaur egun ABB dena) hain zuzen. Berak eman zuen robotikari buruzko Estatuko lehen ikastaroetako bat 1979an. Ondoren, Gamesa taldeko Robotecsa enpresan eta Fanuc Robotics Ibérica enpresan lan egin zuen. 1993az geroztik, erantzukizunezko hainbat kargutan egon da Espainiako Robotika eta Automatizazio Elkartean, lehendakaria delarik 2009tik. Ondo ezagutzen ditu sektorea eta bere joerak, eta berarekin hitz egin dugu robotikak industrian duen etorkizunari buruz.
Zenbateko garrantzia du robotikak 4.0 Industriaren kontzeptuan?
Ongi bereizi behar dira robotika industriala eta zerbitzuen robotika. Robot industrialak funtzio anitzeko manipulatzaileak dira, automatikoki kontrolatzen direnak, hiru ardatz edo gehiagotan birprogramatu daitezkeenak, eta finkoak edo mugikorrak izan daitezke automatizazio industrialerako aplikazioen arabera. Gainerakoak zerbitzuetako robotak dira, eta osasun, aisialdi edo defentsa sektoreetara bideratuta egon daitezke. Robotika industrialak fabrika guztien produktibitatea hobetzen du, eta funtsezkoa da enpresen, batik bat, ETEen etorkizunerako. Industriak eraldatu egin behar du, eta robotika funtsezkoa da horretarako. 4.0 Industriaren bidez prozesuak automatizatu eta urrunetik kontrolatzen dira, eta robotika oinarrizkoa izango da langintza horretan.
Enpresa handiak kontzientziatuta daude digitalizazioaren eta prozesuen automatizazioaren garrantziaz, baina zer gertatzen da ETEetan?
ETEek eta Europako industria-ehun osoak arretaz begiratu behar diote Asian gertatzen ari denari. 2013tik Asia eta, bereziki, Txina, liderra da robot industrialen integrazioko rankinetan. Kalkulatzen da 2020an munduan instalatuko diren roboten %40 Txinan integratuko direla. Eta Txinaren atzetik datoz Japonia, Hego Korea eta Estatu Batuak. Robotikak produktibitatea, kostuak eta kalitatea hobetzen ditu. Europako ETEak atzeratuta gelditzen badira robotak integratzeko prozesuan, ezingo dira lehiatu herrialde horietako beste enpresekin eta desagertu egingo dira. Testuinguru honetan, funtsezkoa da erakunde publikoen laguntza ETEak erronka horien inguruan kontzientziatzeko eta funtsezkoa da baita ere laguntzak eman diezazkietela enpresei integrazio horri aurre egiteko. Azkenean, industriak ematen dio egonkortasuna gizarteari. Enpresak hobetzen baditugu, gizartearen egonkortasuna hobetuko dugu.
Zein aukera dauzka Euskadik robotikaren munduan?
Badaude ingeniaritza batzuk automatizazio-prozesuei buruzko aholkularitza eta laguntza ematen dietenak tamaina desberdinetako enpresei. Integrazioari dagokionez, Euskadin automozio sektore indartsua dugu, eta hain zuzen horixe da robotikaren erabilpenaren garrantziaz kontzientziatuen dagoen sektorea. Bestalde, Espainiako Robotika eta Automatizazio Elkartea (AER) bazkide kolaboratzaile gisa sartuko da Espainiako Makina-erreminta Fabrikatzaileen Elkartean (AFM), egiaztatu baitugu etorkizun hurbilean makina-erremintaren mundua zelula robotizatuak izango direla. Makina-erremintaren bezeroek eskatu dute robotek egin ditzatela makinek fabrikatzen dituzten piezak kargatzeko eta deskargatzeko zamalanak, eta ez langileek. Horrek esan nahi du azkenean makinak zelula robotizatu bihurtuko direla, non elkarrekin nahastuko baitira robotak, sentsorika eta beste osagai batzuk. AFM elkarteko bazkide asko Euskadikoak direnez, gu elkartean sartzeak eragin handia izan dezake gure inguruan. Bestalde, AER elkartean ikusi dugu Mexikoko gutxienez 90 enpresak harremanetan jarri nahi dutela robotikaren integrazioaren arloko Espainiako enpresekin. Mexikok 4 milioi auto fabrikatzen ditu urtero, eta Espainiak baino bi aldiz robot gehiago integratzen ditu bere fabriketan. Herrialdeen arteko lankidetza hori oso garrantzitsua izan daiteke, aukera bat izan daitekeelako sektoreko euskal enpresentzat.
Euskadik tradizio industrial handia du, eta robotak integratu izan ditu bere prozesuetan. Zergatik ez da sortu inoiz robot industrialak fabrikatzeko konpainia propio bat?
Danobat enpresak aztertu zuen aukera hori 80ko hamarkadan, baina oso zaila da produktu lehiakor bat garatzea. Gaur egun, mundu mailan, hamar bat enpresak biltzen dute merkatuko portzentaje handi bat. Gainera, gure inguruan badaude robotikarekin lotura estua duten bi teknologi zentro, Tecnalia eta IK4, eta horiek badituzte bere konponbide propioak.
Zer egiten duzue J.K.E. Robotics eta Robotech Consulting enpresetan?
J.K.E.n sistema robotizatuentzako produktuak merkaturatzen ditugu. Akordioak dauzkagu Estatu Batuetako, Italiako eta Belgikako hainbat multinazionalekin, hainbat osagai hornitzeko: erremintarako aldagailu automatikoak, talken aurkako sentsoreak, kolektore elektrikoak edo robotentzako babes-zorroak. Plentzian (Bizkaia) ari gara lanean 1999tik. Lau urte lehenago Robotech Consulting jarri nuen martxan, zeinak laguntza ematen baitie enpresei automatizazio industrialeko teknologiak eta robotika integratzeko.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean