IKERLANek industriako zibersegurtasunean duen aitzindari posizioa indartu du TÜV Rheinlanden ziurtagiriarekin
Aitortza honekin indartzen da produktu elektroniko ziberserguruak garatzeko zentroak duen ahalmena, eta finkatzen du IKERLANek zibersegurtasun industrialaren aitzindari eta erreferente gisa duen posizioa
2012an, jada, Espainian segurtasun funtzionalaren ziurtagiria zuen lehen zentroa eta nazioartean lehenetariko bat izatera iritsi zen IKERLAN, orduan ere TÜV Rheinlandek ziurtatuta.
IKERLAN zentro teknologikoak TÜV Rheinlanden ziurtagiria eskuratu du zibersegurtasuna kudeatzeko duen sistemarako. Horrek egiaztatzen du IKERLANek produktu ziberseguruak garatu ditzakeela IEC 62443-4-1 araudiak ezarritako baldintza zorrotzak betez. Ziurtagiri berriak bermatzen du metodologia honen arabera egindako sistema elektronikoak garatzen dituzten pertsonen prozedurak, antolaketa egitura, kalitate sistema eta prestakuntza segurtasuneko estandarrik zorrotzenekin bat datozela.
Industriako zibersegurtasunean espezializatzea da IKERLANen apustu estrategikoetako bat, eta espezializazio horretan 6 milioi euro baino gehiago inbertitu ditu azken 4 urteetan, trebakuntza maila handiko ikertzaileak eta punta-puntako instalazioak edukitzeko eremu honetan.
Industriak duen erronkarik handienetako bati erantzuten dio zentroaren espezializazioak, izan ere, gero eta handiagoa da konetibitatearen eskaera eta, orokorrean, produktuen eta prozesuen digitalizazioaren eskaera ere, eta horrek ekarri du mehatxuek eta zaurgarritasunek ere gora egitea. Tren sektorearen bilakaera da digitalizazioa izaten ari den gorakadaren eta produktuak eta konexioak (trenbide pasaguneak, seinaleak, treneko sarbideak, potentzia eta abiadura kontrola, etab.) bermatzeak duen garrantziaren adibide bat. Sistema horiek guztiak gailu elektronikoen bidez kontrolatzen dira eta gailu horien zibersegurtasuna bermatzea oinarri-oinarrizkoa da.
Energiaren sektorea da beste kasu garrantzitsu bat. Sektore horretan, elektrizitatea banatzen duen konpainia batek horniduraren fidagarritasuna bermatu behar du, gure etxeetako argi kontsumoa urrutitik ezagutzeaz gain. Kontrol elementuetan edo kontagailu adimendunetan bidegabe sartzeak ondorio negatiboak izan litzake negozioan eta azken erabiltzailean. Horrenbestez, zibersegurtasuna faktore gakoa da produktu elektronikoak, konexioak eta informazio fluxua seguruak direla bermatzeko.
Industriako segurtasuneko eskaintza osoa
TÜV Rheilanden ziurtagiri berria 2012an IKERLANek lortu zuen segurtasun funtzionaleko ziurtagiriari (Safety) gehitu behar zaio, orduan ziurtagiri hori Europan zuen lehen erakundeetako bat eta Espainiako lehena izatera iritsi zen-eta. IKERLANek dauka, beraz, munduan esperientziarik handiena duen ziurtapen erakundeetako baten bermea pertsonen segurtasunari lotutako teknologiaren arloan eta orain sistemen zibersegurtasunari lotutakoan ere bai. Aitortza bikoitz horrek finkatu egiten du zentroak arlo honetan duen erreferente posizioa.
IKERLANeko zibersegurtasun arloko arduradun Salvador Trujilloren hitzetan, “ziurtagiri hau lortzea da urte askoan ondo egindako lanaren emaitza, eta Industriako Zibersegurtasunaren Champions League-an kokatzen gaitu. Gure ustez, aitortza honek IKERLANek eremu honetan duen posizionamendu garrantzitsua balioztatzen du eta segurtasun funtzionalean / safetyn dugun eskaintza diferentziala osatzen du, arlo horretan zentro ezaguna baikara eta industriek oso ondo baloratzen baikaituzte. Horrekin guztiarekin, espero dugu enpresetarako partner gakoa izaten jarraitzea, digitalizazioaren eta beren produktuen babes eta segurtasunaren alde egiten ari direnerako.”.
Segurtasun funtzionalean eta zibersegurtasunean dituen ahalmenak uztartuta, IKERLANek segurtasun osoaren kontzeptuarekin egin dezake lan industriako bezeroekin, pertsonen segurtasuna eta sistemen zibersegurtasuna aintzat hartuta. “Segurtasun funtzionalarekin gizakien akatsek edo diseinuko akatsek ekarritako edo estres operazionalak edo ingurumenekoak eragindako hutsegite posibleei erantzuteko diseinatutako produktuak garatu ditzakegu, eta horrela kalte pertsonala saihestu. Zibersegurtasunarekin geure sistemak babestu ditzakegu hirugarrenek nahita egindako ekintzetatik, sistemek gaizki funtzionatzea edo informazio delikatuan sartzea ekiditeko”, azaldu du Salvador Trujillok.
Urte batzuk dira IKERLAN euskal industrien sareko enpresarik garrantzitsuenekin elkarlanean ari dela aplikazio sentikorreetarako segurtasun handiko produktu eta sistema elektronikoak garatzen. Enpresa horietako batzuk dira CAF, ORONA eta FAGOR Taldea, besteak beste.
Baliabideak eta aliantzak
Gaur egun IKERLANek 42 ikertzaile ditu industriako zibersegurtasuneko bi espezializazio taldetan antolatuta, sistema elektroniko txertatuen eta IoT (Internet of Things) plataforma digitalerako duten konexioen garapenaren ikuspuntutik. Hainbat enpresarekiko transferentzia proiektuez gain, IKERLAN hainbat ikerketa proiektutan parte hartzen ari da Eusko Jaurlaritzaren ELKARTEK programan eta estatu mailako CERVERA programan.
Nazioartean, zentroa hamabi ikerketa proiektu europar baino gehiagotan parte hartzen ari da, H2020 programan. Proiektu horietan hainbat teknologia lantzen ditu, hala nola, gako publikoko azpiegituren bitartez (PKI) gailuetako identitatea kudeatzeko teknologiak, blockchain bitartez trazabilitatea kudeatzekoak, end-to-end zibersegurtasuna, produktua ziurtatzeko araudiak, etab.
IKERLANek zibersegurtasuna ebaluatzeko laborategi bat dauka punta-puntako ekipamenduarekin, zeinarekin test teknika bat baino gehiago konbinatu daitezkeen produktu baten zibersegurtasun baldintzak oso-osorik baliozkotzeko. Laborategia funtsezko aktiboa da IKERLANek produktu ziurtagarriak garatzeko duen ahalmena osatzeko; horrela erakundean bertan eduki ditzakegu-eta horretarako behar diren baliabide tekniko guztiak. BCSCk koordinatzen duen Basque Digital Innovation Hub (BDIH) erakundearen zibersegurtasuneko nodoaren zatia da laborategi hori, eta inguruko enpresen eskura dago, IKERLANekin modu aktiboan elkarlanean aritu zein ez.
Aliantza estrategikoei dagokienez, tokiko eremuan, zentroa Zibersegurtasuneko Euskal Zentroko kidea da bere sorreratik, eta sortu berri den CYBASQUE klusterrarekin eta INCIBErekin ere ari da elkarlanean, bai beste sektore batzuetako klusterrik garrantzitsuenekin batera ere, esaterako GAIArekin eta AFMrekin.
Nazioartean, IKERLAN erreferentziako zentroekin ari da elkarlanean, esaterako Radboudeko Unibertsitatearekin edo RISCURE enpresa holandarrarekin.
IKERLANi buruz
IKERLAN, BRTAko kidea, zentro liderra da teknologiaren transferentzian eta enpresari balio lehiakorra ematen, besteak beste bere ikertzaileen espezializazioagatik. Soluzio integralak eskaintzen ditu, hiru arlo nagusi hauetako hainbat eremu teknologiko uztartuz: Elektronika, Informazio eta Komunikazioko Teknologiak (EIKT); Energia eta Potentzia Elektronika, eta Fabrikazio Aurreratua. 2017an, IKERLANek AENORen egiaztagiria lortu zuen, bere kudeaketa sistema integralagatik (UNE-EN ISO 9001:2015 eta UNE 166002:2014), zeinarekin zentroak I+G+B alorrean duen bikaintasun maila aitortzen baita. Gaur egun, 350 pertsona inguruk osatzen dute langile taldea.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin