Ikastaro berriak hobeto ezagutzeko adimen artifizialak irudien analisian eta prozesu industrialen hobekuntzan dituen aplikazioak
Adimen artifizialeko teknologietan gertatzen ari den etengabeko eboluzioak aukera handiak irekitzen ditu arlo zientifiko-tekniko zein industrialetan. Ikusirik joera geldiezin hori, SPRI Taldeak bi ikastaro espezifiko programatu ditu Enpresa Digitalaren bitartez arlo horiei buruzko ezagutzak zabaltzeko. Prestakuntza praktikoa izango da, benetako konponbideak emateko ikerketa-inguruneetan zein produkzio industrialean sortzen diren arazoei. Bi ikastaroak presentzialak izango dira, plaza kopuru mugatuarekin, eta espazioak bereziki egokituko dira osasun arloko segurtasun arau guztiak betetzeko; halere, ikastaroak streaming bidez ere jarraitu ahal izango dira.
Produkzio-prozesuko akatsak detektatu ikaskuntza automatikoari esker
Lehen ikastaroaren izena da: Adimen Artifiziala Industrian: manufacturing arazoak detektatzea, eta datorren urriaren 28an hasi eta abenduaren 16an bukatuko da. Prestakuntza honetan datuen analisia aplikatuko da identifikatzeko zein puntutan egiten duen huts produkzio industrialak.
Praktikaren bidez, bertaratuek adimen artifizialeko tresnak erabiltzen ikasiko dute, manufaktura-prozesuan akatsik ba ote dagoen abisatzen duen eredu bat sortu ahal izateko. Prestakuntzaren helburua ez da izango teoria ikastea, baizik eta benetako arazo bati erantzuna emateko behar diren ezagutzak barneratzea. Horretarako, produkzio-prozesu baten dataset-ak erabiliko dira, eta pieza akastunak detektatzeko gai diren ereduak sortuko dira.
Programa 60 ikastordukoa izango da eta sarrera bat eskainiko die ikasleei datuetan oinarritutako metodologiei eta 4.0 digitalizazio-plataforma industrialei buruz. Hortik abiatuta, ikasleek datuak modelatzen eta aztertzen ikasiko dute, horrela predikzio-ereduak sortzeko, baliozkotzeko eta prozesu industrialetan integratzeko. Ikastaroa egiteko ezinbestekoa da programazioari buruzko oinarrizko ezagutzak izatea.
Irakasle-taldeko kideak Mondragon Unibertsitateko eta Ikerlan, Vicomtech nahiz Tecnalia zentroetako profesionalak izango dira, esperientzia handia dutenak adimen artifizialean, datu-plataformetan eta bistaratzean. Tailerra Arrasaten egingo da, Garaia Enpresa Digitala zentroko instalazioetan, 12 plaza presentzialekin eta streaming bidezko emisioarekin. Izena emateko epea zabalik egongo da urriaren 23ra arte.
Deep Learning-a Ikusmen Artifizialari aplikatuta
Datorren azaroaren 2an Ikusmen Artifiziala: oinarrizko kontzeptuak eta Deep Learning-ean oinarritutako joera berriak izeneko ikastaroa hasiko da Bizkaia Enpresa Digitala zentroan. Ikusmen artifizialeko teknologiak arlo askotan erabiltzen dira, hala nola biomedikuntzan, robotika industrialean zein produkzio prozesuetako kalitate-kontrolean. Adimen artifizialak egin dituen aurrerapenei esker teknologia horiek ere izugarrizko abiaduran aurreratzen ari dira. Horregatik, tailer honen helburua izango da ikusmen artifizialak arlo zientifiko eta industrialetan eskaintzen dituen aukera berriak erakustea.
Ikastaroak prestakuntza emango du ikusmen artifizialari buruzko oinarrizko teknikei eta teknika aurreratuei buruz, eta deep learning delakoa ere landuko du, beti ere ikuspegi teoriko-praktiko batetik abiatuta. 30 orduko prestakuntzaldian zehar, ikasleek ikasiko dute irudi industrial eta biomedikoak prozesatzen, kamerak eta iragazkiak kalibratzen, irudien eraldaketa bereziak egiten, eta deep learning-aren oinarrizko kontzeptuak aplikatzen.
Ikastaroan ariketa praktikoak egingo dira Matlab eta Python lengoaiekin, eta, beraz, prestakuntza jasotzeko ezinbestekoa da programazioari buruzko oinarrizko ezagutzak izatea bi horietako bati buruz. Programa hau bereziki zuzentzen zaie industria edo ikerketa sektoreetako profil teknikoak dituzten eta ikusmen artifizialeko teknikak aplikatzen ikasi nahi duten profesionalei.
Mondragon Unibertsitateko Nestor Arana-Arexolaleiba (aditua ikusmen artifizialean eta robotikan) eta Luka Eciolaza (machine learning eta deep learning arloetako aditua) irakasleek zuzenduko dute ikastaroa. Prestakuntza Bizkaiko Teknologi Parkean egingo da, Bizkaia Enpresa Digitala zentroko instalazioetan, eta izena emateko azken eguna urriaren 26a izango da. 12 lagunentzako lekua baino ez dago, baina online ere eskainiko da zuzenean.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra