Eraldaketa digitala
Albisteak 2 iraila, 2024

Hobetu zure enpresaren konektibitatea, eraldaketa digitala bultzatzeko

Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
-

Irailaren 3tik abenduaren 13ra egongo da irekita. Eskatu, aurrekontua agortu baino lehen!

Irailaren 3an, asteartean, 2024ko Euskal Enpresen Konektibitatea laguntza berriaren deialdia irekiko da. Euskadiko enpresen konektibitatea hobetzera bideratutako laguntza berria da. Aurreko «Enpresentzako Banda Zabal Ultralasterra» laguntzaren ordezkoa da honako hau. Teknologia aurreratuak eta abiadura handiko sareak eskuratzea errazten du, eraginkortasun operatiboa hobetzeko eta enpresak gero eta digitalizatuagoak diren merkatuetan lehiatu ahal izateko.

Gainera, enpresa guztiek digitalizazioaren aukerak aprobetxatu ahal izatea bermatzen du, dauden lekuan daudela. Bultzada hori funtsezkoa da euskal enpresen epe luzeko jasangarritasunerako eta hazkunderako.

Modernizatu zure azpiegitura teknologikoa, laguntza honekin

Laguntza hau eskatzen duten enpresek aukera izango dute haien azpiegitura teknologikoak modernizatzeko. Programa honek finantzaketa espezifikoa eskaintzen du konektibitatearekin lotutako proiektuetarako. Hala, sareak eguneratzeko, konexioen abiadura eta kalitatea hobetzeko eta zerbitzu digital aurreratuetarako sarbide egonkorra eta segurua bermatzeko aukera ematen die enpresei.

Programak bi laguntza-lerro nagusi ditu, eta bakoitzak bere ezaugarriak ditu:

1. LERROA – Abiadura handiko sare pribatuak instalatzea

Abiadura handiko komunikazio-sare elektroniko pribatuak (gutxienez 1Gbps-koak) instalatzea izango da lehenengo lerroaren xedea. Barne hartzen du sareko ekipoak, routerrak eta sarbide-puntuak instalatzea eta eguneratzea, enpresaren barruko konektibitate azkarra eta eraginkorra ziurtatzeko.

Konektibitate aurreratua giltzarria da eraldaketa digitalerako

Abiadura handiko sare pribatuek aukera ematen diete enpresei teknologia aurreratuak erabiltzeko, hala nola Gauzen Internet (IoT), Adimen Artifiziala (AA) eta datuen denbora errealeko analisia. Datuen transmisioa azkarra eta segurua izatea bermatzen dute sare horiek, eta hori funtsezkoa da askotariko soluzioak ezartzeko, hala nola prozesuen automatizazioa, baliabideen kudeaketa adimenduna eta enpresa arloko aplikazio kritikoen garapena. Abiadura handiko sarearekin, enpresek beren eragiketak optimiza ditzakete, erantzuteko denbora murriztu dezakete eta datu zehatz eta eguneratuetan oinarritutako erabakiak hartzeko gaitasuna hobetu dezakete.

Teknologia horiek eskura izateak nabarmen hobetzen du enpresaren produktuen eta zerbitzuen zorroa. Soluzio aurreratuak txertatuta, enpresek produktu aurreratuagoak eta pertsonalizatuagoak eskain ditzakete, eta hobeto egokitu daitezke bezeroen beharretara.

Laguntza-lerro hau euskal ETE-ei zuzenduta dago. Gehienez ere, gastu hautagarrien % 80 edo 100.000 euro estaltzen dituzte laguntzek.

2. LERROA – Banda zabal ultralasterreko sareetara sartzea

Estaldura baxuko eremuetan, hala nola landa eremuetan, banda zabal ultralasterreko sareak hedatzea da bigarren lerroaren helburua. Laguntza hau funtsezkoa da arrakala digitala murrizteko, eremu horietako konektibitatea hobetzearen bidez.

Banda zabal ultralasterreko konexioari esker (gutxienez 600 Mbps-koa), enpresek teknologia aurreratuak erabil ditzakete, hala nola hodeiko konputazioa, kalitate altuko bideokonferentziak eta denbora errealeko plataforma kolaboratiboak. Sare horiek eskaintzen dituzten abiadura eta egonkortasuna ezinbestekoak dira datuen bolumen handiak kudeatzeko eta komunikazio arina bermatzeko, etenik gabe. Horrek erraztu egiten du askotariko tresnak ezartzea, adibidez, enpresen kudeaketarako softwarea (ERP), e-commerce soluzioak eta sareko bezeroentzako arreta-zerbitzuak. Hala, enpresaren eraginkortasun operatiboa eta erantzuteko gaitasuna hobetzen dira.

Bigarren lerro hori euskal enpresa guztiei zuzenduta dago. Gastuen % 90 edo 30.000 euro jaso ditzakete gehienez.

Nola eskatu laguntza?

Eskaera-prozesua hasteko, enpresa interesdunek baldintza jakin batzuk bete behar dituzte; esaterako, Euskal Autonomia Erkidegoan jarduera-zentro bat izatea, eta proiektua zentro horretan garatzea. Eskaera-prozedura erraza da. Proiektuaren memoria tekniko bat baino ez duzu prestatu behar, zure enpresako konektibitatea hobetzeko beharra justifikatzen duena.

Eskatu Euskal Enpresen Konektibitaterako laguntza 2024ko abenduaren 13a baino lehen!

 

Lotutako albisteak

MIDE  Premium,  marketin  digitaleko  eta  analitikako  profesionalentzako  etengabeko  prestakuntza  eta  laguntza  programa

MIDE Premium, marketin digitaleko eta analitikako profesionalentzako etengabeko prestakuntza eta laguntza programa

Analitika digitaleko, marketineko eta teknologia osagarrietako gaitasunak sendotu eta berritu nahi dituzten negozio digitaleko profesionalentzako harpidetza-plataforma bat

BaM  Vision  Tech  ‘25ek  Euskadi  sendotu  du  automobilgintzako  berrikuntza-polo  gisa

BaM Vision Tech ‘25ek Euskadi sendotu du automobilgintzako berrikuntza-polo gisa

200 profesional baino gehiago elkartu dira Gasteizko EUNEIZ Unibertsitatean automobilgintzaren erronka handiak aztertzeko: elektrifikazioa, digitalizazioa, robotika eta adimen artifiziala.

‘CDL  Donostia-San  Sebastián  AI  for  Startups  2025’  deialdia,  irailaren  30era  arte  zabalik.
18/09/2025 Ekintzailetza

‘CDL Donostia-San Sebastián AI for Startups 2025’ deialdia, irailaren 30era arte zabalik.

Jarduerak berehala hasiko dira! Saio presentzialak Tandem - BIC Gipuzkoa eraikineko instalazioetan egingo dira.

Bilbok  Osasunaren  etorkizun  digitalari  buruzko  jardunaldia  jasoko  du  hilabete  honetan

Bilbok Osasunaren etorkizun digitalari buruzko jardunaldia jasoko du hilabete honetan

24an egingo da BAT dorrean

Wolco,  nazioartekotzearen  aldeko  apustua  egin  duen  ebaketa-erreminta  pertsonalizatuen  fabrikatzailea
28/08/2025 Nazioartekotzea

Wolco, nazioartekotzearen aldeko apustua egin duen ebaketa-erreminta pertsonalizatuen fabrikatzailea

Lemoako enpresak SPRI Taldearen Industria Digitala programaren dirulaguntza jaso du, eta bere negozioaren % 25 esportatzen du dagoeneko

Grunussek  energia  sortzeko,  transmititzeko  eta  biltegiratzeko  modua  eraldatzen  du
28/08/2025 Ekintzailetza

Grunussek energia sortzeko, transmititzeko eta biltegiratzeko modua eraldatzen du

Berrikuntzak bultzatutako ‘deeptech 'enpresa honek aurrerapen teknologiko eta ekologikoaren abangoardian kokatzen da

Gipuzkoak  teknologia  kuantikoetan  sakonduko  du  Creative  Destruction  Lab  ekimenaren  bultzadarekin,  BIC  Gipuzkoa  
eta  IESE  Business  School  erakundeekin  lankidetzan

Gipuzkoak teknologia kuantikoetan sakonduko du Creative Destruction Lab ekimenaren bultzadarekin, BIC Gipuzkoa 
eta IESE Business School erakundeekin lankidetzan

CDL-Donostia zentroak bat egingo du nazioarteko CDL Quantum programarekin, 
eta adimen artifizial (AA) kuantikorako eta hizkuntza naturalaren prozesamendurako CDL AA korronte bat jarriko du abian; alde batetik, IBMren System Two ordenagailu kuantiko iritsi berria osatzeko eta, bestetik, teknologia sakonak Europan merkaturatzeko nodo gisa Gipuzkoaren ekimena haziarazteko.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira GISLAN, Arabako Enpresen Foroa, Enpresa Digitala, Proiekzio demolinguistikoa eta Cyber Range laborategi.

Euskal  Encounterrek  sistema  robotikoei  aplikatutako  adimen  artifizialari  buruzko  tailerra  jasoko  duobóticos

Euskal Encounterrek sistema robotikoei aplikatutako adimen artifizialari buruzko tailerra jasoko duobóticos

Ostegunean egingo da mintegia eta SPRI Taldearen laguntza jasoko du

Jakin  nahi  al  duzu  zure  enpresa  zibereraso  baterako  prest  dagoen?  Jakin  ezazu  SPRIren  zibersegurtasuneko  simulakroen  zerbitzu  berriarekin

Jakin nahi al duzu zure enpresa zibereraso baterako prest dagoen? Jakin ezazu SPRIren zibersegurtasuneko simulakroen zerbitzu berriarekin

Jarri proban zure enpresaren erreakzio-gaitasuna ingurune seguru eta errealista batean. SPRIk zibersegurtasuneko simulakroen doako zerbitzua jarri du abian ahultasunak identifikatzeko eta eraginkortasunez jarduteko aukera izan dezazun. Eskatu ORAIN.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.