Fundiciones Gamarra: 150 urte galdaragintzan
Nahiz eta profil baxua eta proiekzio publiko apala duen, Fundiciones Gamarra enpresak ibilbide industrial paregabea dauka, 150 urte baitaramatza Gasteiztik bere jarduera garatzen siderurgiaren sektorean. Arabako enpresa zaharrenetakoa da, Lascaray eta Amurrio Ferrocarril y Equipos konpainiekin batera.
Gamarra familiak 1870ean sortua, duela pare bat urte sartu zen ETEetan espezializatutako Vergara inbertsio-kapital funtsean; 75-100 langile bitarteko plantilla dauka Gasteizen, eta bere produkzio osoaren % 95 esportatzen du. Enpresako zuzendari nagusi Asier Arocenak Made in Basque Country saioko mikrofonoetan kontatu digu zein den ehun urtetik gorako konpainia honen aktualitatea eta nolakoak diren normaltasun berriak ekarriko dituen etorkizuneko erronkak.
Zer egiten du zehazki Gamarra-k eta zein sektoretarako?
Altzairu moldeatua egiten duen galdaragintzako enpresa bat gara, eta goi-mailako erresistentziako piezak egiten ditugu, besteak beste, burdinbideen sektorerako. Zerbitzu integrala ematen diegu gure bezeroei, hala, gure produkzio-prozesuan sartzen ditugu ez bakarrik galdaketa, baizik eta baita ere mekanizazioa eta osagaien soldadura.
Nolako eragina izan du egungo krisiak zuen konpainian?
Pandemiak gogor kolpatu dituen sektoreentzat lan egiten dugu, bereziki automozio sektorearentzat. Beraz, ikusten ari gara eskaera-zorroa aurreko urtekoetakoa baino txikixeagoa dela. Nolanahi ere, kontuan izanik Gamarrak 150 urteko historia duela, nahiago dugu epe laburrera baino epe luzera begiratzea. Garrantzitsua da horrelako egoera larrietan halako egonkortasuna izatea finantza arloan, horrela ekaitzari aurre egiteko eta, batez ere, enpresa gisa hobetzen jarraitzeko. Horregatik, aurrera jarraituko dugu enpresaren digitalizazio eta inbertsio planekin, hobetzen jarraitzeko eta gure bezeroei zerbitzu gehiago eskaintzeko.
Duela pare bat urte sartu zineten Vergara arrisku kapitaleko funtsean, ikusi baitzuen Gamarra potentzial teknologiko handiko ETEa zela, negozio oinarri onak dituena… Non egon nahi zenukete datozen urteetan?
Vergara funtsean sartu ginenetik enpresa profesionalizatu egin da, eta eraginkortasunean eta ekipoetan egin ditugun inbertsioek aukera eman digute hazteko. Epe luzera, asmoa da konponbide-sorta zabalago bat eskaintzen jarraitzea, eta uste dugu horretarako teknologian inbertitu beharra dagoela. Denok dakigu 150 urteko historia izatea harro egoteko modukoa dela, baina horrek erantzukizuna ere eskatzen du, gauzak ondo egiten eta epe luzera pentsatzen jarraitu behar dugulako.
Enpresaren negozioaren zati bat dibertsifikazioan oinarritzen da, hori al da egun duzuen egoera onaren giltzarrietako bat?
Bai, zalantzarik gabe. Krisi honek baieztatu digu dibertsifikazioa oso puntu garrantzitsua dela gure estrategiaren barruan. Burdinbideetako salmentek pisu handia dute, baina beste merkatu batzuk ere atenditzen ditugu, eta horrek arnasa eman digu paralisi globala iritsi denean. Dibertsifikatuago bageunde are lasaiago egongo ginateke, beraz, lanean jarraituko dugu sektore eta industria berrietan sartzeko.
Galdaketako enpresa handien aldean tamaina ertaineko ETEa zaretenez, nola ikusten duzue sektorea etorkizunean? Gerta liteke enpresa handi eta txikien arteko aliantza gehiago sortzea?
Dagoeneko ikusi eta egiaztatu dugu ezin dugula bizi soilik pieza galdatuekin, iraganean bezala. Gure negozioaren marjinak oso txikiak dira, eta lehia gogorra daukagu kostu baxuko piezak egiten dituzten herrialdeekin. Horregatik, ezinbestekoa da balio erantsia ematea gure produktu guztiei. Iraganean, Gamarra-k galdatutako piezak bakarrik egiten zituen; orain, aldiz, galdaketaz gain, mekanizazio lanak egiten ditugu, eta gainera osagai batzuk soldatzen hasi gara zenbait bezerorentzat. Prozesu horien bidez konponbide gehiago eman diezazkiekegu bezeroei, eta bestalde, balio erantsia ematen diegu gure produktuei. Bezeroekin aliantza handiagoa sortzeko modu bat da.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.