Eusko Jaurlaritzak Euskadiko 21 ikertzaileren ikerketa-lana eta meritu zientifikoa eta teknologikoa aintzatetsi ditu
Bikaintasunean, espezializazioan eta merkatuarekiko hurbiltasunean eginiko lana aitortu da
Omenaldia Zientzia, Teknologia eta Berrikuntzaren Euskal Sarea berrantolatzeko testuinguruan sartzen da; berrantolaketa-prozesua laster amaituko da eta, prozesuaren amaieran, Euskal Zientzia eta Teknologia Partzuergoa sortuko da
Informazio gehiago Irekian: http://bit.ly/2Kq7qJN
Ikerketako 21 profesionalek, atzo, merezitako omenaldia jaso zuten. Eusko Jaurlaritzak, lehen aldiz, jendaurrean aintzatetsi zuen Zientzia, Teknologia eta Berrikuntzaren Euskal Sareko (ZTBES) ikertzaileek bikaintasunean, espezializazioan eta merkatuarekiko hurbiltasunean egin duten lana.
Ekonomiaren Garapen eta Azpiegitura Sailak sustatu zuen omenaldi-ekitaldiko buru izan zen Iñigo Urkullu Renteria Lehendakaria, eta, bertan, teknologia-zentroek eta IKZek (ikerketa korporatiboko zentroak) beraiek hautatu zituzten ikertzaileei beren lana aintzatesteko diploma banatu zitzaien.
Aintzatespena jaso zuten pertsona guztiek topaketa izan zuten Lehendakariarekin, Arantxa Tapia sailburuarekin eta Estibaliz Hernaez sailburuordearekin. Ekitaldian teknologia-zentro eta IKZetako presidente eta zuzendariak ere izan ziren, eta, bertan, bai sailburuak bai Lehendakariak eskerrak eman zizkieten ikertzaileei, ezagutza sortzen egiten duten lanagatik, hura zuzenean islatzen baita Euskadiko enpresa-egituraren lehiakortasunean.
Atzoko omenaldia ZTBES berrantolatzeko testuinguruan sartzen da; berrantolamendu horretarako ikerketa-zentroek ahalegin bizia egin behar izan dute. Berrantolaketa-prozesua laster amaituko da eta, prozesuaren amaieran, Euskal Zientzia eta Teknologia Partzuergoa sortuko da (Basque Research and Technology Alliance); 2019ko lehen hiruhilekoan eratuko da.
ZTBESren eragileek berezko lanbide-garapeneko ereduak dituzte, eta, horien bidez, ikertzaileen lanbide-karrerak zehazten dira, betiere talentua kudeatzeko beharrizan berezietara egokituta. Partzuergoaren bitartez, Europan maila homolagarriak bermatuko dira, eta talentua kudeatzea eta jardunbide egokiak identifikatu eta trukatzeko bide emango da; horrela, herrialde gisa, zientzia- eta teknologia-gaitasunak proiektatuko dira.
IKZk eta teknologia-zentroak ZTBESren elementu nuklearra dira. Sareak 3.500 profesional baino gehiago ditu; Euskadiko I+Gren gastu osoaren % 20 eragiten du eta 300 milioi euro inguruko diru-sarrerak eskuratu ditu.
Honako pertsona hauen lana aintzatetsi da:
| TZ / IKZ | Ikertzailea | TZ / IKZ | Ikertzailea | |
| Neiker | Carlos Garbisu | Tecnalia Research & Innovation | Yolanda R. de Miguel | |
| CIC Energigune | Oier Lakuntza | Ander Ramos | ||
| Abdessamad Faik | Joshué Manuel Pérez | |||
| Vicomtech | Marcos Nieto | Eider Robles | ||
| AZTI | Naiara Rodriguez | CIC biogune y Biomagune | Oscar Millet | |
| Angel Borja | Niels Reichardt | |||
| Cidetec | Hans-Jürgen Grande | CEIT | Isabel Gutierrez | |
| Ramón Tena | Francisco Castro | |||
| Tekniker | Amaia Igartua | Ikerlan | Igor Villarreal | |
| Lortek | Pedro Alvarez | Ideko | Jokin Muñoa | |
| Gaiker | Koldo Gondra | |||
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du