Euskal Encounterrek sistema robotikoei aplikatutako adimen artifizialari buruzko tailerra jasoko duobóticos
Euskal Encounter teknologia berrietako zaletuei zuzenduta hilaren 24tik 27ra bitarte Barakaldoko BECen egingo den ekimena da eta sistema robotikoei aplikatutako adimen artifizialari buruzko tailerra jasoko du. Camp Tecnológicok SPRI Taldearekin elkarlanean antolatutako Mini Hackaton ekimena ostegunean, hilaren 24an, egingo da eta izen-emateak dagoeneko zabalik daude.
Tailerra teknologia aplikatzeko interesa duten pertsonei, irakasleei eta 18 urtez gorakoei zuzenduta dago. Parte-hartzaileek zuzenean aztertuko dute AAren ereduek nola ahalbidetzen dieten robotei datuen bidezko ikaskuntzaren bidez trebetasunak eskuratzea. Helburu nagusia da kontrol robotikorako AA ereduen entrenamendu-prozesua desmitifikatzea, plataforma irisgarri eta moldakorra erabilita.
Horretarako, SO-Arm 101 erabiliko da. Mahaigaineko robot-besoaren itxura duen hardware-plataforma da. Irekia da eta adimen artifizialeko algoritmoen ezarpenerako sarbidea errazten du.
SPRI Taldeak Euskal Encounterren beste tailer batzuk ere antolatuko ditu; sei, guztira. Tailerrak topaketako lehenengo hiru jardunaldietan egingo dira, eta parte hartzeko edukiera mugatua da. Izen-ematea doakoa da eta irekita dago dagoeneko
Horrela, hilaren 24an tailerrak egingo dira adimen artifizialaren algoritmoen inguruan eta AArekin istorioak kontatzeko aukerei buruz. 25ean, bi tailer egongo dira gai hauen inguruan: artea, kode irekia eta bideojokoentzat 3D edukiak sortzea. Uztailaren 26an hauei buruz ariko dira solasean: honeypot tresnak, eta arteari edo programazioari buruz ezagutza teknikoak izan gabe adimen artifizialarekin bideojoko osoak sortzea.
