Euskadiko Teknologi Parkeetako zuzendariak Inspira Steam proiektua nabarmendu du bokazio zientifikoa sustatzen duelako ikasleen artean
Euskadiko Teknologi Parkeen Sareko zuzendari Itziar Epalzak Inspira Steam proiektua nabarmendu du. Deustuko Unibertsitateak Euskadin abiarazia 2016an, Parkeen Sareak aktiboki kolaboratzen du proiektu horretan, bokazio zientifiko-teknologikoak sustatzen dituelako ikasleen artean. Epalzak Deustuko Unibertsitatean egin den Leaders in Tech hitzaldian parte hartu du, non hizpide hartu baitira adimen artifiziala, konputazio kuantikoa, Blockchain edo zibersegurtasuna bezalako teknologietan lortutako aurrerapenak.
Esan du Inspira STEAM proiektuak Teknologi Parkeen Sarearena bezalako ekosistema bat duela, ekintzailea eta talentuz eta ezagutzaz betea, eta gainera, “badu gure babesa, guztiz bat gatozelako bere helburuarekin, zeina jasota baitago gure Plan Estrategikoan: bokazio zientifiko-teknologikoa sustatzea emakumezko ikasleen artean”.
“Parkeen Sarean duela hainbat urtetatik ari gara ikusgarritasuna ematen arlo desberdinetako emakume profesionalei (egon badaudelako eta eredugarriak gainera) ispilu izan daitezen emakumezko ikasleentzat eta ikasketa edo gradu zientifiko-teknikoak aukeratu ditzaten. Euskadiko Teknologi Parkeen Sarea osatzen dugun guztion ia % 40 emakumeak gara”.
Konferentzia honetan orobat parte hartu du Ekonomi Garapen, Jasangarritasun eta Ingurumen sailburu Arantxa Tapiak, eta azpimarratu du euskal enpresek “ahalik eta azkarren sartu behar dutela” 4.0 industrian.
Sailburuak esan du ekonomia eta osasuna “txanponaren aurkia eta ifrentzua direla. Jarduera ekonomikoa mantendu behar dugu aldi berean pertsonen osasuna bermatuz”. Bestalde, nabarmendu du autogobernua beharrezkoa dela Eusko Jaurlaritzak pentsatuta dauzkan helburuetara iristeko: langabezia % 10etik behera jaistea, I+G-rako baliabideak % 6 handitzea urtero, berotegi efektua eragiten duten isurketak murriztea, energia berriztagarriak indartzea, eraldaketa digitalari ekitea eta klima aldaketari eta aldaketa sozial zein demografikoei aurre egitea. “Eta hori guztia lortu nahi dugu industria aurreratu batekin, zeinetan produkzioak lotura estua izango baitu adimen artifizialarekin eta Blockchainarekin. Gero eta murgilduago gaude 4.0 industrian”.
Aipatu ondoren “azkarrago sartu behar dugula 4.0 industrian”, sailburuak hizpide hartu du Eusko Jaurlaritzak martxan jarritako digitalizazio hub-a eta esan du “gure enpresen zerbitzura dagoela”. Euskadiko txoko guztietara iritsi behar dugu banda zabal ultra-azkar batekin”.
“Teknologia, berrikuntza eta jasangarritasuna”
Cristina Oyón, SPRI Taldeko Teknologia, Berrikuntza eta Jasangarritasuneko zuzendaria, industria adimenduneko estrategiaz mintzatu da. Esan du parte hartu duela Europar Batasunari etorkizuneko politika industrialaren inguruko aholkularitza eman dion aditu batzordean, eta aipatu du etorkizuneko politika industrialak “teknologian eta berrikuntzan oinarritu” behar duela “jasangarritasunarekin lerrokatuta”.
“RIS3 espezializazio adimenduneko estrategia lantzen dihardugu. Lau ildo estrategiko jorratzen ari gara 2014tik, eta 2020-2030 epealdi berrian oinarritzat hartuko ditugu teknologia, berrikuntza, jasangarritasuna eta talentua. Horrez gain, maiatzetik hona lan bat prestatzen ari gara emakumeek manufaktura industrian duten paperari buruz, uste dugulako aukera handia dagoela emakumeak jarduera industrialean sartzeko eta, horrela, lehiakortasuna hobetzeko. Ezin dugu alferrik galtzen utzi talentuaren % 50a”.
Zibersegurtasuneko Euskal Zentroko IKT azpiegituren arduradun Iratxe Martinen arabera, gure informazio guztia partekatzen dugu sakelako telefonoetan, “batzuetan modu nahiko axolagabean. Eta gauza bera egiten dugu beste gailu batzuekin, esaterako etxetresna elektrikoekin, telebistarekin, haurren jostailuekin eta beste hainbatekin”.
Martinen esanetan, antzeko zerbait gertatzen da enpresetan ere. “Pandemiaren ondorioz asko indartu da telelana, eta ezarpenak presaka egin beharrak berekin ekarri du zibersegurtasun arloko hainbat gauza kontuan ez hartzea. Gure Zentroan detektatu dugu % 15 hazi dela informazioa arriskuan jartzen duten zerbitzuen kopurua”.
Mezu baikor bat ere zabaldu du Martinek. “Teknologia aukera paregabea da aurrerapausoak emateko, eta hobetzeko aprobetxatu behar dugu”. Zibersegurtasuneko Euskal Zentroak bi zeregin nagusi ditu: gertakariei aurre egitea eta enpresen lehiakortasuna hobetzea. “Gabezia bat dugu zibersegurtasun arloko profesionalen arloan, eta ikasleak animatu nahi ditut horrelako ikasketak egitera, eskaera badagoelako”.
Gai horiei buruz egin den mahai-inguruan, Trustech enpresako negozio zuzendari Ana Ayerbek ziurtatu du ziber-gaizkileek adimen artifiziala eta konputazio kuantikoa erabiltzen dituztela kodeak deszifratzeko. “Defentsa mekanismoak jartzen diren neurrian, eurek horren arabera jokatzen dute. Eta berrikuntzagatiko lasterketan lehiatzen ari gara”.
Eurocybcar enpresako zuzendari nagusi Azucena Hernándezek aipatu du autoa gurpildun ordenagailu bat dela, eta posible dela handik datuak ostea edo gure segurtasuna arriskuan jartzea. “Autoa albo batera utzia izan da zibersegurtasunaren arloan”.
Eroski Taldeko informazioaren segurtasunaren arduradun Mari Luz Garinen arabera, “inposatu egin digute” zibersegurtasuna eta enpresetan “derrigorra da, baina ez luke hala izan behar. Norbere etxeko atea bezalakoa da: atea irekita uzten baduzu, edonork ostu ditzake zure gauzak”.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian