Europak Basque Digital Innovation Hub saritu du euskal ETEen eraldaketa digitala bultzatzeko egin duen lanagatik
- Tapiak sari-banaketa ekitaldian esan du Euskadi prest dagoela bere indarrak batzeko beste herrialde batzuekin eta “konfiantza digitala sortzeko Europako industria adimendunean”
- Arestian, BDIHk Europako Batzordeko presidente Ursula Von der Leyer-en aitortza jaso du, zeinak digitalizazio-politikaren eredutzat jarri baitu
Ekonomiaren Garapeneko, Jasangarritasuneko eta Ingurumeneko sailburu Arantxa Tapiak gaur adierazi du Euskadi prest dagoela bere indarrak batzeko beste herrialde batzuekin eta “konfiantza digitala sortzeko Europako industria adimendunean”. Tapiak telematikoki parte hartu du Europako Batzordeak antolatzen duen urteroko DIHs konferentziako DIHnet Champions Challenge sari-banaketa ekitaldian, non saritua izan baita Basque Digital Innovation Hub (BDIH), hots, Euskadiko I+G-ko teknologia- eta azpiegitura-eskaintza publiko-pribatua.
Digital Innovation Hubs DIHnet sare europarrak ematen duen sari horrek aitortza egiten die Europako ETEen eraldaketa digitala bultzatzeko eskualde mailako ekimenei.
Arestian, Europako Batzordeko presidente Ursula Von der Leyer-ek aitortu du Basque Digital Innovation Hub tresna egokia dela konponbide digital eta jasangarriak probatu eta baliozkotzeko, eta Eskualdeen Batzordearen azken osoko bilkuran aipamen berezia egin zion eraldaketa digitala bultzatzeko euskal ekimen honi. Von der Leyen-ek eredutzat jarri zuen Eusko Jaurlaritzak Basque Digital Innovation Hub (BDIH) proiektuaren bitartez garatzen duen digitalizazio-politika.
Arantxa Tapiak bere hitzaldian adierazi du “Basque Digital Innovation Hub proiektuaren xedea dela datu-espazio ziberseguruen garapen eta inplementazioan espezializatzea, horrela Adimen Artifizial seguru eta fidagarria garatu eta aplikatzeko Euskadiko eta Europako industrian”.
Zentzu horretan, gaineratu du Eusko Jaurlaritzaren helburua dela euskal industriari balio-kate digital globaletan sartzen laguntzea, horretarako datu-truke zibersegurua ziurtatuz, Euskadiko eta Europako enpresei behar duten azpiegitura eskaintzea euren konponbideak garatu eta probatu ditzaten, eta azpiegitura azkar eta seguru bat ematea Zibersegurtasunean eta Adimen Artifizialean espezializatutako Europako DIH zentroei, Euskadiko berrikuntzaren ekosistemari lotutako fabrikazio adimenduneko produktu eta zerbitzu berriak garatzeko.
Basque Digital Innovation Hub
Euskadiko Digital Innovation Hub Eusko Jaurlaritzaren apustu berritzaile bat da, zeinaren helburua baita behar den azpiegitura ezartzea euskal enpresen eraldaketa digital eta jasangarria ahalbidetzeko. BIDHk lau urte daramatza martxan eta lankidetza publiko-pribatuan oinarritzen da. Jaurlaritzak eskaintzaren katalizatzaile-lana egiten du, bere gain hartuz eskaintza hori konpainietara helarazteko konpromisoa.
Euskal ETEek aukera dute BDIH sareko 25etik gora kideen (teknologi zentroak, unibertsitatea, prestakuntza zentroak eta enpresetako I+G-ko zentroak) I+G-ko teknologia- eta azpiegitura-eskaintza baliatzeko Basque Digital Innovation Hub-en bitartez.
Eskaintza hori eskuragarri dago euskal enpresek SPRI Taldearen web orrian kontsultatu dezaketen aktiboen katalogoan. Aktibo horiekin lotutako zerbitzuak arlo hauetakoak dira: fabrikazio gehigarria, robotika malgua, makina adimendun eta konektatuak, zibersegurtasuna eta material aurreratuak. Bi arlo berri sortzen ari dira, bata, sare elektriko digitalei buruzkoa eta bestea, gailu mediko digitalei buruzkoa.
Azken 3 hilabeteetan, agente teknologiko espezializatuek laguntza pertsonalizatua eman diete 52 enpresari balizko konponbide digital eta jasangarriekin eginiko probetan.
BDIHk sari hau jaso du atzo eta gaur (urtarrilak 27) egin den eta Europako Batzordeak eta DIHnet sareak urtero antolatzen duten Digital Innovation Hub konferentzian, 2.600 parte-hartzaileren aurrean.
Konferentzia horretan, Cristina Oyónek (SPRI Taldeko Teknologia, Berrikuntza eta Jasangarritasuneko zuzendaria eta ekimen honen arduraduna) BDIHren jarduera aurkeztu du bi saiotan, hizpide hartu dituelarik Basque Digital ekimenak garatzen dituen zerbitzuak eta Europako antzeko beste ekimen batzuekin finkatu dituzten kolaborazioak.
Informazio gehiago Irekian: www.irekia.euskadi.eus/eu/news/66465
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.