Equilanek Kana marka merkaturatu du, neurrirako altzariaren eta serieko ekoizpenaren arteko fusioa
Equilanek duela 30 urte baino gehiago ireki zituen ateak, eta ordutik retail sektorerako neurrira egindako altzariak egiten ditu. Hala ere, pandemiak sektore horretan izan zuen eraginaren ondorioz, Hernaniko (Gipuzkoa) enpresa negozioa sortzeko modu berriak planteatzen hasi zen. Hausnarketa hori denboran bat etorri zen Javier Uriarte diseinatzaileak bere instalazioetara egindako bisitarekin, eta, horrela, enpresaren barruan bere diseinuren bat marka desberdin baten aterkipean sartzeko ideia sortu zen.
Horrela sortu zen Kana, kontract eta bulegoko altzarien sektorean indarrez sartu dena, erabiltzailearen eta espazioaren beharretara egokitzen diren apalategien, mahaien eta biltegiratze-unitateen sistemak eskainiz. Katalogo estandarizatua eta marka propioa duen produktua da, neurrira egindako altzariak eta serieko altzarien ekoizpena uztartzen dituena.
“Gure sistemarekin sortutako altzari bakoitza beste bat bihur daiteke piezak gehituz edo kenduz. Diseinu horiek beste batzuk gordetzen dituzte beren baitan, ikusten denaz haratago. Hori da bere balio bereizgarria: diseinua eta modularitatea“, nabarmendu du Iñaki Martínez Equilaneko zuzendari nagusiak. “Horrek, horiek fabrikatzeko erabiltzen diren materialekin eta teknologia iraunkorrarekin batera, kontsumo arduratsuan laguntzen duten denboraz kanpoko produktu iraunkor eta eraginkor bihurtzen ditu”, gehitu du.
Kanaren helburua “sartu garen sektore honen barruan alternatiba bihurtzea da”, esan du Martinezek, eta horretarako gakoa bere marka-filosofiari jarraitzea izango da. “Etorkizuna egiteko dago, baina Kanaren oinarriak ezarrita daude. Marka haztea eragiten duten hurrengo diseinuek markatutako bidea dute: diseinua eta funtzionaltasuna ematen duten produktuak, baina batez ere erabiltzaileak manipulatu ditzakeenak, haiekin elkarreragin dezaketenak, lekualdatu, desmuntatu, berriro konfiguratu…”, azaldu du zuzendari nagusiak.
Digitalizazioa, erronka berriei aurre egiteko gakoa
Marka berri bat sortzea bezalako erabaki esanguratsu batek erronka berriei heldu beharra dakar, sektorean lehiakorrak izateko. Errealitate berri horri aurre egiteko gakoa argia da Equilanentzat: teknologia digital berrietan inbertitzea. “Inbertsio handia egin dugu gure produkzio-prozesua digitalizatzeko, eta horrek aukera ematen digu ekoizpen eraginkorragoa izateko eta akaberen kalitatea handitzeko“.
Horretarako, Hernaniko enpresak Elkorren laguntza izan du, zuraren eta aluminioaren teknologian adituak. Elkarrekin, GRUNDNER biltegi adimendun bat jarri dute, biltegiratze-espazioaren kudeaketa eraginkorragoa egiteko. Era berean, zenbakizko kontrol berri bat gehitu dute, eta horrekin produktibitatean eraginkortasuna lortu dute piezen ebaketa eta mekanizazioaren integrazioarekin. Eta, azkenik, itzulerako kanteagailu berria instalatu dute, GANNOMAT zulatzeko makinarekin batera. Horrek guztiak akabera garbi, zehatz eta beharrezkoa bermatzeko aukera ematen dio Equilani, erronka berriei aurre egiteko.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak

Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.

Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.

ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da

Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko

BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.

Zinemaldia Startup Challenge 2025
Izen-ematea: apirilaren 15etik ekainaren 2ra arte

Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat

Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.

% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean

Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.