Elmubas Petfood Group, lantegi bakar batean maskotentzako pentsu produkzio handiena duen taldea Europan
Elmubas Petfood Group Azpeitian kokatutako enpresa bat da, maskotentzako elikagaia ekoitzi eta merkaturatzen duena eta 500dik gora bezero dituena bost kontinenteetan. Enpresa horrek SPRI Taldearen zibersegurtasun industrialeko programako laguntza bat jaso du. Duela hiru urtetik, SPRIk Basque Cybersecurity Centre (BCSC) zentroaren laguntza du zibersegurtasunaren euskal ekosistema bultzatzeko eta, ondorioz, baita ere laguntza ekonomikoak banatzen dituen programa honetarako.
Elmubas Petfood Group 1978an sortu zen Piensos Bastida izenarekin, abeltzaintzarako pentsuak eskaintzeko eta Azpeiti (Gipuzkoa) inguruko baserriei zerbitzu emateko. Nabe txiki batean hasi zen negozio hark hainbat pabilioi okupatzen ditu orain 28.000 metro koadroko azalera batean.
80ko hamarkada hasierarako, enpresak bazituen nabe industrial bat eta maskotentzako janari lehorra fabrikatu eta merkaturatzeko produkzio-linea espezifiko bat, horixe izango zelarik konpainiaren etorkizuneko negozioa. 2001ean, egun duen Elmubas Petfood Group marka formalizatu zuen. “2000 eta 2004 artean animalientzako pentsu-jarduera birbideratu genuen, eta 2004an abeltzaintzarako pentsuak ekoizteari utzi genion” dio Javier Cobok, konpainiako IT arduradunak.
2006 eta 2008 artean berriz handitu zen enpresa, eta 2011n banaketa kontratu bat sinatu zen azalera handi batekin lehenbizikoz. Elmubas Petfood Group-ek hazten jarraitu zuen 2012 eta 2016 artean ere, inbertsio berriak eginaz, plantilla ugarituz eta produkzio-linea berri bat abiaraziz.
Baina familia-enpresa hartan belaunaldi erreleboa gertatu zen, eta 2019an Portobello Capital inbertsio-funtsak erosi zuen enpresa, partaidetzaren gehiengoa bereganatuta.
2022 honen hasieran, Mondragon Korporaziotik iritsitako Patxi Lopez Urkiolak hartu zuen zuzendari nagusiaren kargua.
250.000 tona elikagai ekoizten ditu urtean
Estatuko zein nazioarteko hainbat bezero dituelarik banaketa-kanal desberdinetan (retail espezializatua, azalera handia eta produkzio sektorea), Elmubas Petfood Group-ek maskotentzako 250.000 tona elikagai ekoizten ditu urtean. Zakur eta katuentzako 4.000tik gora produktu-erreferentzia ditu, bereziki prestatuak arraza, tamaina eta osasun egoera desberdinen premiak asetzeko. “Liderrak gara Espainian, eta Europako produkzio-gaitasun handiena dugu lantegi bakar batean”.
Elmubas Petfood Group enpresak 230 langile ditu plantillan, eta 120 milioi euro inguruko fakturazioa. Bere irabazien % 10 I+G+B-ra bideratzen du. “Badugu baita ere IFS ziurtagiria, Europako elikadurako segurtasun arau nagusia”.
SPRI Taldearen zibersegurtasun industrialeko programatik jasotako laguntzarekin inbertsioak egin dituzte azpiegituretan eta sarearen segmentazioan, lantegiko segurtasun informatikoa handitzeko. “Zehazki, lantegi berrira bideratu dugu laguntza hori, zeina martxan baitago iaztik; dagoeneko ekoizten ari da, eta asmoa da egungo produkzio-gaitasuna bikoiztea”. Proiektua garatuta dago, eta helburua da, lantegia berria izaki, izan dadila hasieratik “zibersegurua”.
Elmubas Petfood Group enpresaren etorkizuneko erronketako bat da egungo produktu-portfolioa osatzea elikagai hezeen hainbat gamarekin eta snack edo mokaduen arloko produktuekin. Dagoeneko badago nazioarteko merkatuetan sartuta, baina presentzia handiagoa lortu nahi du. Helburua da egungo fakturazioa bikoiztea eta 50 lanpostu berri inguru sortzea datozen hiru urteetan.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean