Eider Sánchez: “Minbizia duten gaixoen bizi-kalitatea hobetu nahi dugu adimen artifizialaren bidez”
Biomedikuntzaren arloan Big Data eta adimen artifizialeko sistemak erabiltzen dituen ETE gipuzkoarra da Neru Intelligence. Eider Sánchez eta Maider Alberich ingeniariek sortu zuten 2016an, eta Donostian dago. Bizitzak maila profesionalean batu zituen bi emakumeak, pertsona maite bati minbiziaren aurkako borrokan lagundu ondoren. Ia hamar urte beranduago, 20 pertsonako taldea osatzea lortu dute. Algoritmo adimendunak garatzen dituzte, minbizia eta gaixotasun kronikoak dituzten gaixoen bizi-kalitatea hobetzeko.
Adimen artifiziala eta biomedikuntza lotzen dituzue?
Bai. Naru sortu genuenetik, adimen artifizialaren bidez minbizia duten gaixoen bizi-kalitatea eta emaitza klinikoak hobetzea izan da gure helburua. Zehazki, oraingo eta etorkizuneko gaixoen emaitzak hobetu nahi ditugu, oraingo eta iraganeko gaixoei gertatu zaien guztia ikasteari esker. Tratamenduaren emaitzei buruz eta tratamenduan zehar izan dituzten konplikazioei buruz ikasten dugu. Horri esker, antzeko ezaugarriak dituzten gaixoei etorkizunean zer gertatuko zaien aurreratzea lortzen dugu, baita konplikazio larriak eta ospitaleratzeak murriztea eta gaixoen bizi-kalitatea hobetzea ere. Eta, aldi berean, ospitaleko talde klinikoei laguntzen diegu, gaixo bakoitzari hurbiltze terapeutiko pertsonalizatuagoa eskaintzeko, protokolo klinikoak hobetzearen eta erabaki klinikoak hartzeko protokoloak hobetzearen bidez.
Zer eskaintzen duzue, zehazki?
Batetik, gaixoari aplikazio bat eskaintzen diogu. Haren bidez, zer sintoma dituen, zer osasun-egoera duen eta nola sentitzen den komunikatu diezaioke edozein unetan ospitaleko lantaldeari. Bestetik, arriskuaren edo larritasunaren arabera gaixoak lehenesten laguntzen diogu ospitaleko lantaldeari, gaixo bakoitzari tratamenduaren une bakoitzean behar duen arreta eskaini ahal izateko. Kontuan izan behar da minbiziaren aurkako tratamenduak oso bortitzak direla eta gaixoak ondorio ugari izan ditzakeela etxean dagoen bitartean; ondorio horietako batzuk larriak dira. Gure sistemaren bidez, ospitalearen erantzun goiztiarra jasotzeko aukera du gaixoak, konplikazioa larriagotu aurretik. Bestetik, adimen artifizialeko algoritmo aurreratuetan oinarritutako tresnak eskaintzen dizkiogu ospitaleari. Gaixoen populazio handietatik ikastea ahalbidetzen dute tresna horiek eta, hala, ezagutza berriak eskuratzen laguntzen dute, etorkizuneko gaixoekin emaitzak hobetzeko.
Badira urte batzuk enpresa eratu zenutenetik. Gauzak asko aldatu al dira?
Maiderrek eta nik duela sei urte sortu genuen enpresa, eta dagoeneko 20 langile gara. Urte hauetan zehar teknologia garatu dugu, baliozkotze klinikoak egin ditugu ospitaleekin, Sendagaien Espainiako Agentziarekin ziurtatu dugu produktua Europa mailako arreta medikoan aplikatzea, gure lehen bezeroak izan ditugu eta, gaur egun, pazienteek gure tresnak erabiltzen dituzte ospitaleetan. Bide luzea izan da, baina gogobetegarria.
Zein da zuen merkatu hobia?
Gure bezeroak, batetik, ospitaleak eta osasun-sistemak dira. Gaixoen emaitzak klinikoak eta bizi-baldintzak hobetzeko helburua dute horiek. Eta, bestetik, industria farmazeutikoa. Hark ospitaleei eskaintzen die gure sistema, tratamendu berriak kaleratzean gaixoek eta hainbat profilek izango dituzten konplikazioak eta emaitzak neurtu ahal izateko.
Zer duzue orain esku artean?
Une honetan, gure sistema ahalik eta paziente gehienei iristea da gure helburu nagusia. Gure teknologian asko landu ditugu zibersegurtasuna eta datuen pribatutasuna, eta gaur egun eskaintzen dugun sistema berritzaileak aukera ematen du ospitaleek haien datuak partekatu beharrik ez izateko, egitasmo oso handietan parte hartu arren.
Eta etorkizunari begira?
Ospitaleen arteko egitasmo handiak jarri nahi ditugu martxan, batez ere Europa mailan, minbizia eta tratamenduen ondorioak eta konplikazioak ezagutzeko bidean aurrerapauso bat emateko.
Lotutako albisteak
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.