Duplostock industria-irtenbide pertsonalizatuen diseinatzaile eta fabrikatzaile bihurtu da
Pneumatika eta hidraulikako osagaien banaketan lau hamarkada baino gehiagoko ibilbidea duen Duplostockek norabide estrategikoa aldatu du azken hiru urteetan, jabetzan izandako aldaketaren ondoren. Hala, Irunen egoitza duen enpresak industria-automatizaziorako neurrira egindako soluzioen diseinu eta fabrikazioaren alde egin du. “Arlo honetan pertsonalizatutako soluzioek enpresei beraien prozesuak optimizatzen, energia-kontsumoa murrizten eta efizientzia operatiboa hobetzen laguntzen diete”, azaldu du Gari Zapirainek, enpresako zuzendari nagusiak.
Eraldaketa hori berrikuntzaren eta garapen teknologikoaren alde egindako apustuari esker posible izan da. Horrek sektore askotan kokatzeko aukera eman dio enpresari, hala nola automobilgintzan, elikagaien industrian, enbalajean edo logistikan, bai makina fabrikatzaileei bai manufaktura-enpresei zerbitzua emanez.
Etapa berri honetan, Duplostocken oinarri nagusietako bat energia-eraginkortasunarekiko konpromisoa da. Horrela, Iruneko enpresak aire konprimatuaren sektorizazio aurreratu bat garatu du, urrunetik energia-kontsumoa monitorizatu eta kontrolatzeko aukera ematen duena, zona inaktiboetan mozketa automatikoak programatuz eta ihesak zehaztasunez detektatuz. “Gure sistemak abantaila nabarmenak eskaintzen ditu, energia-aurrezpena onura nagusia izanik”, dio Zapirainek. Izan ere, instalazioaren arabera, aire galdua %35eraino murriz daiteke, eta horrek aurrezpen ekonomiko handia dakar enpresentzat.
Horrela, gaur egun enpresak eskaintzen dituen zerbitzuen artean armairu elektropneumatiko eta hidraulikoen diseinua eta fabrikazioa, aluminiozko profiletako egiturak, automatizazio eta robotika industrialerako soluzioak (hala nola paletizazio-cobot-ak eta manipulagailu linealak), eta sistema hidrauliko eta pneumatikoen mantentze-lanak nabarmentzen dira.
Une honetan, hamabost lagunek osatutako enpresak makina-erremintaren sektorean segurtasuna eta efizientzia hobetzeko proiektuak jarriko ditu abian, sistema pneumatiko digitalizatuen bidez.
Horretarako, 2022an, enpresak SPRI Taldearen Industria Digitala programan parte hartu zuen ERP baten ezarpenerako, eta horrek bultzada handia ekarri zuen bere eraldaketa digitalean. “Industria Digitala programan parte hartzeak prozesuak zentralizatzeko eta automatizatzeko —hala nola inbentarioen kudeaketa, ekoizpena, erosketa eta salmentak— gure efizientzia eta erabakitzeko gaitasuna hobetzen lagundu digu”, azaldu du zuzendari nagusiak.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Gainera, SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Abuelo Actual, bi hamarkada adinekoen etxeak oztoporik gabeko espazio bihurtzen
Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.
Moldes Ura enpresak berrikuntzaren alde egin du lehiakorra izaten jarraitzeko
Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Aracel proiektuak irtenbide berriak garatu ditu eraikuntzan energia-mendekotasuna murrizteko
Belako Lanak buru duela, karbono-aztarna baxuko mortero bat eta isolamendurako eko-panelak diseinatu ditu, SATE sistema batean integratzeko. SPRI Taldearen Hazitek laguntza-programaren babesa izan du.
Miramoon Pharmak zelulen heriotza geldiarazteko gai diren molekula taldea garatzen du
Biogipuzkoa Osasun Ikerketa Institutuaren eta Euskal Herriko Unibertsitatearen (UPV-EHU) spin-off-ak hiru patologia neurodegeneratibo mota desberdin tratatu nahi ditu.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Roman Orús: “Multiverse Computing-ek konputazio kuantikoa edo IA bezalako teknologia konplexuak ingurune errealetara eramaten jakin du”
Donostiako enpresak konputazio kuantikoa bultzatzen du Euskaditik, eta goi-mailako irtenbideak garatzen ditu, hala nola CompactifAI tresna, adimen artifizialeko ereduak konprimitzeko aukera ematen duena, zehaztasunari eutsiz.