Dragon proiektuak haririk gabeko teknologiek 5G-aren aurrean dituzten mugak gainditzea espero du
5G haririk gabeko sareek interesa sortu dute industriaren, ikasketen eta operadoreen artean, teknologia horrek banda zabaleko haririk gabeko sarbidea emango baitu, bai eta edozein lekutan eta unetan konputatzeko gaitasuna ere. Hala ere, gaur egun dauden irismen ertaineko haririk gabeko azpiegiturek ez dute aukerarik ematen hori gertatzeko behar den errendimendura iristeko. Horri aurre egiteko sortu da Dragon proiektua, non 12 zentro teknologikok eta telekomunikazio-enpresak lanean diharduten. Horien artean dago CEIT, euskal teknologia-zentroa eta BRTA aliantzako kidea.
Proiektua Horizon 2020 programa europarraren barruan dago, eta honako helburu hau du: “frogatzea gainditu daitezkeela datuak garraiatzeko sareetan ahalmen handiko haririk gabeko teknologiek operadoreei ezartzen dizkieten mugak”, adierazi dute Ceitetik. Horretarako, irrati-maiztasuneko D bandara jauzi egitea proposatzen da, E bandako haririk gabeko itzulera-sarearen mugak gainditzeko.
D eta E bandak frekuentzia milimetrikoen tartea deritzonean aurkitzen dira. Horri esker, posible da gailu txikiagoak eraikitzea, baita antena direktiboagoak izatea ere, norabide bakar batean erradiatzea ahalbidetzen dutenak, guztietan beharrean. Gainera, beste frekuentzia baxuago batzuetan baino askoz ere saturazio txikiagoa duen espektro elektromagnetiko bat izatea ere ahalbidetzen du. “Zehazki, D bandak, aplikazio hauetarako, 130 eta 175 GHz arteko maiztasunak ditu; E bandak, 71 eta 86 GHz bitartekoak dituen bitartean. Hau da, D bandan banda-zabalera askoz handiagoa dago, eta horrek informazio gehiago sartzen uzten du, eta ondorioz, askoz erabiltzaile gehiagoren datuentzako edukiera izatea”, azaldu dute konpainiako ikertzaileek.
D bandara jauzi hori egiteko, proiektuan parte hartzen duten enpresek erdieroaleen nanoteknologia aurreratua lotuko dute sare gurutzatuetan oinarritutako eta etenik gabeko zuntz funtzioak dituen haririk gabeko azpiegitura batekin. Lotura horren bidez, “zirkuitu integratu berritzaileak, antenak, integrazio-soluzioak eta funtsezko gailuak diseinatuko dira operadoreek behar dituzten ekipamendu berrietan, irrati-maiztasuneko D bandak eskaintzen dituen abantailak ustiatzeko”, nabarmendu dute Donostiako zentro teknologikotik.
Abantaila horien artean, honako hauek aurki ditzakegu aldi berean: haririk gabeko 20Gbps konektibitatea eskaintzeko aukera, eta, horrela, datu mugikor azkarragoak izatekoa; milisegundo batetik beherako komunikazio-latentziak; eta km2 bakoitzeko milioi bat gailutik gorako konexio-dentsitateak, telekomunikazio-sare errentagarriak eta etenik gabeko zuntz-zerbitzua lortuko dutenak.
Dragon proiektuko bazkideak abenduaren 1ean hasiko dira lanean eta 2023ko azaroan amaitzea espero dute. Finlandiako VTT zentro teknologikoa da proiektuaren liderra, eta Ceitekin batera, egoitza Santanderren duen Estatuko beste enpresa bat (TTI Norte), Frantziako bi enpresa, Italiako bost, Austriako bat eta Finlandiako bat izango ditu lagun.
SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat