Donostia Tech Week: marketin digitalaren tresna berriak zure negozioa indartzeko
SPRI Taldeko Teknologia eta Berrikuntzako zuzendari Aitor Cobanerak esan duenez, Eusko Jaurlaritzak bultzatutako Euskadiko Zibersegurtasun Zentro berriarekin erreferentziazko gune bat sortu nahi da Europan
Hispavistak SPRI Taldearen laguntzarekin antolatutako Donostia Tech Week ekitaldian marketin digitaleko tresna eta estrategiak aurkeztu dira, helburutzat harturik bertako ekosistema berritzaile eta teknologikoaren potentziala erakustea eta aukerak eskaintzea eraldaketa digitala azkartzeko eta negozioen hazkundea sustatzeko.
Aitor Cobanerak, SPRI Taldeko Teknologia eta Berrikuntzako zuzendariak, eman dio hasiera kongresuari, eta azpimarratu du bi direla funtsezko teknologia transbertsalak: zibersegurtasuna eta konektagarritasuna. “Horiek gabe ezin da teknologia berririk inplementatu industrian”. Zentzu horretan esan du Eusko Jaurlaritzak bultzatutako Euskadiko Zibersegurtasun Zentro berriarekin erreferentziazko gune bat sortu nahi dela Europan. Konektagarritasunari dagokionez, Jaurlaritzaren banda zabaleko planaz mintzatu da, zeinak 100 mega eraman nahi baititu industrialde guztietara 2020rako.
Cobanerak adierazi du Eusko Jaurlaritzak Datu Handietan oinarritutako sistema bat eskaini nahi duela “enpresei balio erantsia ematen dieten datuak bereizteko”. Horrez gain, Basque Digital Innovation Hub ekimena nabarmendu du, esanaz “edozein enpresak” jo dezakeela “Hub horretara 4.0 Industriarekin lotutako zerbait egin nahi badu”; eta hauxe esan du 4.0 industriaren arloko ekintzailetzari buruz: “Bind 4.0 programa daukagu Euskadiko startupak eta enpresa trakziogile handiak elkarrekin harremanetan jartzeko eta bien artean negozioak sortzeko”.
José Ignacio Simonsek, Hispavistako Network & Data arduradunak, hizpide hartu du marketing automation delakoa, eta aipatu du baliagarri dela marketineko ekintzak koordinatzeko, inpaktu handiagoa duela eta eskaintzak pertsonalizatzen dituela, erabiltzaileen profilak kontuan hartuta.
“Gure enplegu-atarian erabiltzen dugu, erabiltzaileek bisitatu dituzten eskaintza motak kontuan hartzeko. Posible da inpaktu handia lortzea erabiltzailearengan, ez bakarrik web orrien eta buletinen bidez, baita ere sakelakoaren bidez, eskaintza zehatzak aurkeztuz”.
GuraMarketing enpresako zuzendari nagusi Jon Elzok esan du gure erosketa-erabakien %85-%95 emozioetan oinarritzen direla. “Neuro-marketina garunean sartzen da zuzenean, jakiteko bezeroak zein erreakzio ez-kontziente dauzkan estimulu zehatz batekiko”. Baina esan du neuro-marketina beste marketin teknika batzuekin integratu behar dela.
Elzok erakustaldi praktiko bat egin du jardunaldira joandako entzule batekin, eta bere garuneko jarduera eta estimuluekiko erreakzioak neurtu dizkio. Esan du neuro-marketina erabiltzen dela turismoan, politikan –jakiteko zein mezuk duen eragina hiritarrengan-, kiroletan –talde batek sortzen duen emozioa neurtzeko- eta baita ere industrian –salmenta foiletoek nola funtzionatzen duten jakiteko.
Leticia Herrerok, Havas Group enpresako eraldaketa digitaleko zuzendariak, hizpide hartu ditu marketplace-ak, hau da, “saltzailez eta eroslez beteta dauden” salerosketa komertzialetarako plataformak. Herrerok adierazi du jendea online erosten hasi zela prezioak onak zirelako, baina orain beste faktore batzuk gailendu zaizkiola prezioari, adibidez, bidalketa.
Marketplace-en abantailak aipatu ditu eta esan du erakusleiho oso merkeak direla –“Amazon hilean 49 euro kostatzen da”-, ezin egokiagoak produktu batek duen eskaera egiaztatzeko, klik bakarrean irekitzen eta ixten den denda bat dela, eta baita ere ate ireki bat nazioarteko merkaturako. “Online erosten duten espainiarren %60k atzerrian erosten du”. Desabantailei dagokienez esan du lehiakideak erakusleiho berean egoten direla, eta komisioak oso altuak izan daitezkeela, %20tik gorakoak.
Euskalteleko marketin operatiboko zuzendari Isabel Canalesek kalitatea lehenetsi du kantitatearen gainetik. Bere ustez, “oso zaila” da denbora errealeko harremanak egitea eta etorkizunean kanal anitzeko ikuspegiarekin funtzionatu beharko dugu. “Zenbat eta komunikazio digital handiagoa, orduan eta hobeto, eta ez bakarrik kostuengatik. Bide luzea dago egiteko”.
Nabarmendu du etxea eta pertsonak digitalizatzeko (adibidez, arineketan egitean parametro desberdinak neurtzen dituzten eskumuturrekoak) tresnen merkatu berriek marketinerako informazio baliagarri asko ematen dutela erabilpenei eta kontsumo-ohiturei buruz.
Jardunaldia amaitzeko negozioen eraldaketa digitalari buruzko mahai-inguru bat egin da, non parte hartu baitute bi hizlarik (Leticia Herrerok eta Isabel Canalesek), Aitziber Larumbek (Eurogap enpresako bazkide zuzendariak) eta Laura Zorrillak (Indi & Cold enpresako marketin zuzendariak). Mahai-inguru horretan aipatu den arazoetako bat da enpresak ez direla mugitzen salmenta-eszenatoki berri honen aurrean, eta orobat esan da marketinaren sektorerako beharrezkoak direla pertsona dinamikoak.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua