Deustuko Industria Digitaleko Katedrak apustua egin du talentuaren eta neurrira eginiko esperimentazioaren alde
Hogeita hamar bat ikaslek enpresa industrialen digitalizazioari buruzko prestakuntza jasotzen dute
Deustuko Unibertsitateko Industria Digitaleko Katedrak sei hilabete bete ditu oraintxe. Espezialitate desberdinetako hogeita hamar bat ikasle neurrira eginiko prestakuntza jasotzen hasi dira digitalizazioari eta 4.0 Industriaren paradigmei buruz: teknologia berriak, prestazio handiko elektronika, plataforma industrialak, algoritmika konplexua, adimen artifiziala, deep learning, programazioa nahiz bloke-kateak.
Deustuko Unibertsitateak Katedra hori bultzatzeko egin duen apustuak hiru zutabe ditu Pablo García Bringas zuzendariak laburbiltzen duen bezala:“Apustu egin nahi dugu talentuaren, neurrira eginiko esperimentazioaren eta dibulgazioaren alde. Profesional egokiak aurkitzea da enpresen erronka garrantzitsuenetako bat, hots, murgilduta gauden laugarren iraultza industrial honi erantzuteko gai direnak. Gero eta zailagoa da industria sektoreak eskatzen dituen gaitasun eta ezagutza berriei buruzko prestakuntza duen jendea aurkitzea. Ohartu gara teknologia oso azkar aldatzen ari dela, eta horrek neurrira eginiko prestakuntza eskatzen duela. Programazioari edo datu baseei buruzko ezagutzak dituzten mekanikoak behar ditugu, eta baita ere sektore oso konplexuetako (adibidez, makina-erreminta, neurri handi batean elektronikan oinarritzen dena) premiak ikasteko prest dauden ingeniari informatikoak. Premia transbertsal horiek normalean ez dira sartzen titulazio tradizionaletan. Gizartearen eskaera horiei erantzuteko sortu zen Katedra hau”.
Neurrira eginiko prestakuntza hori estuki lotuta dago enpresen errealitatearekin, eta ez da bakarrik jarduera akademiko bat, baizik eta jarduera dual bat. Horregatik, lehentasuntzat jo dugu baita ere esperimentazio egokitua, eta are gehiago gaur egungo testuinguruan, non teknologia berriak modu desordenatuan ari diren ugaritzen. Hainbeste aukera teknologiko dago –sarritan alderdi berdin asko dituztenak–, non enpresak behartuta baitaude teknologia bakoitzaren xehetasunak ezagutzera.“Jende askok eskatzen digu teknologiekin esperimentatu dezagula, jakiteko zein den onena. Horren adibide dira IIoT (Gauzen Internet Industriala) plataforma informatikoak. IoT Industrialean fabrikatzaile global asko daude, eta euskal industriarentzat erronka handia izango da plataforma horietara hurbiltzea eta beren eredu industrialetan eta negozioan txertatzea. Gauza garrantzitsua da jakitea zein egokitzen den ongien zure antolakundera, eta horrek eskatzen du esperimentazio-prozesua azkar egitea”, azpimarratu du Pablo García Bringasek.
Hedapenak eta dibulgazioak ere lotura estua dute katedrarekin eta 4.0 Industriaren paradigmarekin. Deustuko Industria Digitaleko Katedrako zuzendariak esan duenez, “enpresetako arduradunenganaino iritsi behar da, azken teknologiek eragina izaten baitute elkarrekin loturarik ez duten antolakundeko alderdi desberdinetan. Kontua ez da teknologia bat departamendu batean instalatzea, baizik eta enpresaren plan estrategikoan txertatutako ikuspegi global bat lortzea. Konpainiaren estrategiak zuzendu behar du eraldaketa -digitala nahiz ez-digitala-, eta ez teknologiak. Bestela, ez du arrakastarik izango”.
Bestalde, Katedraren helburua da ikasleak gai izan daitezela digitalizazio prozesuak detektatzeko eta halakoei aurre egiteko.“Negozioa ustiatzean garrantzitsuena ez da teknologia harrigarriak aplikatzea, baizik eta etengabeko ahalegina egitea hobekuntzak identifikatu eta bilatzeko norbere enpresaren errealitatean. Kontua da teknologiak egoki konbinatzea. Teknologia asko dagoeneko asmatuta daude, baina dagoen hori ongi erabiltzeak ekar ditzake jauzi kualitatiboak negozioan. Gaur inoiz baino gehiago, adituaren adimena da teknologiak orkestratzeko pieza garrantzitsuena”, azpimarratu du Deustuko Unibertsitateko irakasleak.
Gaur egun, Deustuko Industria Digitaleko Katedrako ikasleak ingeniaritza desberdinetatik iristen dira, hala nola Informatika, Elektronika, Automatika, Mekanika edo Telekomunikazioetatik. Edozein ikastetxetan ikas dezakete eta ez daukate zertan izan Deustuko ikasleak. Baldintza bakarra da teknologiarekin gozatzeko gogoa izatea. Baditu bigarren, hirugarren edo laugarren mailako ikasleak, eta Master eta Doktoretzetakoak ere bai. “Horrelako profil profesionaleko jendea oso kotizatua da. Enpresak hasiak dira ikasleekin harremanetan jartzen hauek karrera bukatu baino lehen, baita bitarteko ikasturteetan ere”, esan du García Bringasek. Etorkizunari begira, eta beti berrikuntzaren aldeko apustu zuzena eginez, Deustuko Unibertsitateak lanean jarraituko du lehiakortasun tresna berriak eraikiz, hala nola 4.0 Industriari buruzko Executive programa berria (lehen edizioa martxan dago) edo laster abiaraziko den Zibersegurtasunari buruzko programa berria.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra