Deustuk abian jarriko du bere Zibersegurtasun Programa
Parte-hartzaileek estrategiak diseinatuko dituzte zibersegurtasun arloko erasoak monitorizatu, detektatu, aztertu eta kontrolatzeko eta eraso horiei erantzuteko
Deustuko Unibertsitateko Zibersegurtasun Programaren helburuak bat datoz Eusko Jaurlaritzaren estrategiarekin, zeinaren xedea baita Euskadi erreferente bihurtzea zibersegurtasunaren arloan
Uste da datozen urteetan mundu osoko enpresa eta antolakundeek zibersegurtasun arloko milioi bat profesional inguru beharko dituztela. Nola dispositibo konektatu gehiago erabiliko ditugun enpresetan, hiri adimendunetan eta baita ere etxeetan, konponbideak beharko ditugu gero eta konplexuagoak diren zibererasoak geldiarazteko. Zibersegurtasun arloko profesionalek etengabeko ikaskuntza prozesu batean murgildu beharko dute enpresa eta industrien premiei erantzuteko.
Kontuan hartuz premia horiek eta bat etorriz Euskadi Europa hegoaldeko zibersegurtasun industrialaren arloko gune teknologiko garrantzitsuena bihurtzeko Eusko Jaurlaritzaren estrategiarekin, Deustuko Unibertsitateak bere Zibersegurtasun Programa abiaraziko du datozen asteetan. Programako parte-hartzaileek estrategiak diseinatuko dituzte zibersegurtasun arloko erasoak monitorizatu, detektatu, aztertu eta kontrolatzeko eta eraso horiei erantzuteko eta, era berean, behar diren teknologiak aplikatuko dituzte eraso horiek prebenituko dituen azpiegitura bat osatzeko.
Programaren barruan hizpide hartuko dira antolakuntzako alderdiak, esaterako, zibersegurtasunaren gobernantza antolakundeetan, eta baita ere alderdi teknikoak, hala nola: sare lokaleko eta perimetraleko segurtasun teknologiak aplikatzea, sistema eta sareen auditoretza, softwarearen segurtasuna, lanpostuko mehatxuak, analisi forentsea eta ingurune birtualizatuetako nahiz azpiegitura kritikoetako segurtasuna, besteak beste. Programak ikuspegi praktikoa izango du eta azken belaunaldiko teknologiak erabiliko ditu jarduerak eta proiektua garatzeko, adibidez, lanpostuko babes aurreratuak (Advanced Endpoint Protections), belaunaldi berriko suebakiak (Next Generation Firewalls), Lainorako sarbide babestuko kudeatzaileak (Cloud Access Security Broker, CASB), software bidez definitutako sareak (SDN), eta abar.
Zibersegurtasun programa hau beraizik zuzentzen zaie euren antolakundeetako eremu funtzionalen ardura duten eta zibersegurtasunari buruzko ezagutzak eguneratu nahi dituzten karguei –CIO (Chief Information Officer), CTO (Chief Technology Officer), eta CISO (Chief Information Security Officer)-, eta, oro har, bere antolakundean horrelako mehatxuak prebenitu nahi dituen edonori.
Deustuko Ingeniaritza Fakultateko Kanpo Harremanetako dekano-orde eta 4.0 Industriako Lidergo Programaren arduradun Pablo García Bringasen arabera, “zibersegurtasuna ez da bakarrik informatikako kontu bat. Zerikusia du arrisku korporatiboen kudeaketarekin, beraz, enpresa eta industrientzat oso garrantzitsua da zibersegurtasuna dagokion testuinguruan jartzea. Euskadin badauzkagu mundu osoan puntakoak diren zibersegurtasun enpresak eta talentu eta ezagutza asko kontzentratzen da hemengo zibersegurtasun arloko zerbitzuen inguruan. Profesional horietako batzuk euren esperientziak eta kasu arrakastatsuak azalduko dizkiete Deustuko Unibertsitatearen Zibersegurtasun Programako parte-hartzaileei”. “Bada Zibersegurtasun Programan matrikulatzeko beste arrazoi bat ere: profesional asko behar dira sektore horretan eta enpresek asko baloratzen dituzte zibersegurtasun arloko profesionalak, gainera, lan zirraragarria da, bokazio handia eskatzen duena” azpimarratu du Pablo García Bringasek.
Zibersegurtasun Programa honen bidez, Deustuko Unibertsitateak urrats bat gehiago eman du Euskadi sektoreko erreferente bihurtzeko mundu osoan, horretarako, profesionalen gaitasunak zabalduz eta profesional espezializatu berriak sortuz. Kontuan izan behar da zibersegurtasun arloko zerbitzuak eskaintzen dituzten 100dik gora antolakunde daudela ezarrita hiru probintzietan eta duela urtebete baino gehixeagotik martxan dela SPRIk bultzatutako Basque Cybersecurity Centre, zeina nazioarteko erreferente bilakatu baita 2018an. Hala, BCSCren helburuetako bat da enpresak kontzientziatzea zibersegurtasunaren inguruan eta etorkizuneko profesionalak prestatzea. Deustuko Unibertsitateak sustatu duen programa hau bat dator helburu horiekin.
Mila parte-hartzaile inguru bildu zituen Basque Cybersecurity Day ekitaldiak (SPRIk antolatua) eta iaz 102 euskal enpresak SPRIk abiarazitako Zibersegurtasun arloko Laguntzak jaso izanak argi erakusten dute zibersegurtasunak interesa pizten duela Euskadin.
Informazio gehiago Deustuko Unibertsitateko Zibersegurtasun Programari buruz
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin