Buber Sariek gizarte-baliorik handiena duten proiektu teknologikoak aitortu dituzteal
Galan, joera teknologikoei buruzko Datorrena 2020 topaketa ere antolatu zen
Guztira, zazpi euskal proiektu aitortu dituzte Buber Sarien azken edizioan. Urtero banatzen diren golardo hauek gizarteari baliorik handieneko ekarpena egin dioten webguneak, aplikazio mugikorrak eta ekimen teknologikoak nabarmentzea dute helburu. Proposamen irabazleak hainbat arlotakoak dira: gaixotasunak dituzten pertsonei laguntza ematea xede dutenak, genero-berdintasunaren aldeko borrokari atxikitakoak zein euskararen erabilera edo online lankidetza sustatzea helburu dutenak, besteak beste.
Sariak azaroaren 28an banatu ziren Bilboko Bizkaia Aretoan. 17. edizio honetan, sari banaketa Internet & Euskadi elkarteak antolatu du Bizkaiko Foru Aldundiaren babespean eta Bilboko Udalaren, Euskaltek Fundazioaren eta Eusko Jaurlaritzaren (Irekiaren bitartez) lankidetzaz.
Kultura eta Euskararen kategorian, irabazlea Wolf Hirschhorn Sindromearen Fundazioa izan da, gaixotasun arraro hau ezagutzera emateko bideratu dituen ekimenengatik. Software Askearen kategorian, Buber saria WikiEmakumeok proiektuarentzat izan da, Wikipedian emakumeei ikusgaitasun handiagoa emateko eta entziklopedia libre horretan dagoen emakumezko erreferenteei buruzko sarreren nahiz emakume editoreen eskasiari aurre egiteko egin duen lanagatik. Bestalde, InspiraSTEAM ekimenak Emakumea eta Teknologia delako saria jaso du. Proiektu honek bokazio zientifiko-teknologikoak sustatzen ditu nesken artean, eskoletan hainbat esparru zientifikotan trebatutako mentoreen laguntzaz antolatutako tailerrekin.
Gazteria arloko saria, PuntuEUS Fundazioak belaunaldi berrien artean euskarazko online edukien sorkuntza bultzatzeko abiarazi duen KaixoMundua proiektuak lortu du. Argia Ostomizatuak fundazioak Senior proiektuaren golardoa irabazi du, eta Enpresa eta Industriaren kategoriako Buber saria Only One Enpresa Likidoarentzat izan da. Azkenik, genero-berdintasuna sustatzea xede duen Doce Miradas kolektiboak Herritarren Partaidetzari dagokion saria eskuratu du.
Urtero bezalaxe, Buber Sarietan, ohorezko golardoa esleitu da; oraingo edizioan, Josu Aranberri UPV/EHUko Konputagailuen Arkitektura eta Teknologiako irakasleak jaso du. Aranberrik Zientzia eta Teknologiaren Euskal Sareari IKT arloko azpiegiturak eta zerbitzuak eskaintzen dizkien Eusko Jaurlaritzaren i2Basque programa koordinatzen du.
Datorrena 2020
Sariak banatu aurretik, Bizkaia Aretoan, datorren urtean inpakturik handiena izango duten teknologiei buruzko Datorrena 2020 deritzon hitzaldi-programa antolatu zen. Zuzenbide digitalean espezializatuta dagoen Maitane Valdecantos Audens-eko bazkideak edukien jabetza-eskubideei buruzko Europako zuzentarau berriaz hitz egin zuen. Iker Sagasti Irontec enpresaren sortzaile eta zuzendariak software irekiak zibersegurtasunaren bultzadan izango duen eginkizun garrantzitsua azaldu zuen. Azkenik, KAUA Junior Companyko Uxue Mancisidorrek Internet milennialen ikuspegitik aztertu zuen.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra