BIND programari esker, merkatura irten dira 6,5 milioi fakturatu dituzten 130 startup
Aitor Cobanerak SPRI Taldeko Enpresen Sustapeneko zuzendariak, hizpide hartu ditu BIND 4.0 programaren lorpenak, hots, industria adimenduneko berrikuntza irekiaren plataformarenak. Deustuko Unibertsitateak ekintzailetzari buruz antolatu duen jardunaldi batean esan du BIND 4.0 programari esker 130 startup irten direla merkatura azken bost urteetan, zeintzuek 6,5 milioi euro fakturatu baitituzte 200dik gora produktu edo zerbitzu berritzaileren bidez.
BIND 4.0 programa 4.0 Industriaren arloko ekimen publiko-pribatu bat da, Ekonomi Garapen, Jasangarritasun eta Ingurumen Sailak sortua SPRI Taldearen bitartez, eta nazioartean erreferente bihurtu dena 2016an martxan jarri zenetik. Plataformak munduko txoko guztietako startup teknologikoen interesa pizten du urtero. Bere helburua da startup horien merkaturako sarrera azkartzea erreferentziazko bezeroen bitartez eta, aldi berean, berrikuntza eta eraldaketa digitala sustatzea Euskadiko enpresetan, startup horiekin lan eginda.
Aitor Cobanerak azaldu du BIND 4.0 programa –non Euskadiko 65 enpresa trakziogile garrantzitsuenek parte hartzen baitute- martxan jarri zela “talentuagatik lehiatu nahi dugulako. Duela 6 urte hasi ginen, 4.0 industria garatuz funtsezko elementu bezala eta startupekiko interesa piztuz euskal enpresetan”.
Cobanerak adierazi du ekimen honen xedea dela enpresa handien eraldaketa digitala bultzatzea, startupen merkaturako sarbidea azkartzea enpresa handiekin kolaboratuz, eta nazioarteko talentua erakartzea, besteak beste. “Produktu edo zerbitzu amaitu bat duten startupak bilatzen ditugu”.
Programaren seigarren edizioan (deialdia duela gutxi itxi da) 65 enpresa trakziogilek parte hartu dute, “eta ia denek garatu dute proiektu bat startup batekin, lehenagotik zuten arazo bat konpontzeko”.
Cobanerak beste datu bat ere eman du BIND 4.0 programaren arrakastaren erakusgarri: kontratu bat lortu duten startupen % 98k euren jarduerari eutsi diote, eta hamarretik seik kontratu bat sinatu dute enpresa trakziogilearekin.
BEAZeko (Bizkaiko Foru Aldundiaren menpeko erakundea, 35 urte daramatza ekintzailetza sustatzen) zuzendari Olatz Goitiak, bestalde, hauxe esan du: “berrikuntza irekiarentzako ildo espezifiko bat daukagu duela 5 urtetik, eta oso ildo zabala da. Biok da programa horren izena, eta helburutzat du antolakundeetako berrikuntza-prozesuak azkartzea, konponbideak bilatuz erronka errealentzat eta hornitzaileak garatuz”. Neurri horrekin lortu da gaur egungo hainbat arazo arintzea, esaterako, mikrotxipen eskasia industrian.
Barnekintzailetza
Jokin Lopeteguik, CAFeko garapen korporatiboko eta negozio berrietako zuzendariak, esan du ekintzailetza heroientzako lana dela, eta barnekintzailetzatik bereizi du. “Ekintzailea enpresa denean askoz aukera gehiago dago negozio berritzaileak aurrera ateratzeko, bakarkako ekintzaile batek baino baliabide gehiago dituelako baina, batez ere, ikuspegi zabalagoa duelako”. Barnekintzailetzaren bidetik posible da “lantzean behin kutxa hori irekitzea, eta baliabideak jartzea arlo hori lantzeko”.
Garbiñe Henry, Deustuko Unibertsitateko Berrikuntza eta Ekintzailetzako zuzendariak azpimarratu du Deustuko Unibertsitatean hamarkada bat daramatela haztegietan lanean, eta 2019az geroztik badutela ekintzailetza-eredu propio bat. “Horrela, kultura ekintzailea sustatzen da, pertsonei laguntzen diegu proiektu ekintzaileak martxan jartzen eta proiektuetarako laguntza eta lankidetza sustatzen dira”.
Bilboko Udaleko Ekonomi Garapen, Merkataritza eta Enplegu zinegotzi Xabier Ochandianok hizpide hartu du Bilboko proiektu handia, Zorrozaurreko hirigintzako plana; “gune hori Abandoibarra baino ia bi aldiz handiagoa da (850.000 metro koadro guztira), eta bertan eraikiko dira 5.500 etxebizitza eta hiriko teknologi parke bat”.
Deustuko Unibertsitateko katedradun José Luis del Val-ek Smart By Design proiektua aurkeztu du, zeinaren xedea baita gaur egungo hiriaren erronkak identifikatzea, teknologiak aztertzea eta teknologia horiek hirian zertarako balio dezaketen jakitea.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.