BIND 4.0 eta Startup Village gunea: edizio handia prestatzen ari da BeDIGITAL, parte hartze eta eduki gehiagorekin
BeDIGITAL azoka handia ari da prestatzen 2022rako. Parte-hartzerik handieneko edizioa izango da, orain arte ehun erakusketarik baino gehiagok baieztatu baitute etorriko direla. Halaber, ekitaldiak eduki gehiago izango du, eta teknologia digital berriekin lotuko du industria.
BIND 4.0 azeleratzailearekin lortutako elkarlanerako akordioa izango du ekitaldiak. Hala, plataforma horretako enpresek erakusketa eremu berritzaile honetan parte hartuko dute aurten. Ia 30 startupek baieztatu dute orain arte Startup Village eremuan izango direla. Fabrikazio Aurreratuko teknologien arloko startupak izango dira, baina baita erabiltzaileen sektoreekin lotuta ere, hala nola Energia, Aeronautika edota Automobilgintzarekin.
Halaber, laugarren edizio honetako alderdi nabarmenen artean, aipatzekoa da GAIA Klusterrarekin (Euskadiko Jakintza eta Teknologia Industrien Elkartea) egingo den elkarlana. Akordio honek finkatu egin du azken urteetan GAIAren eta BECen artean izandako harremana, eta konpromiso sendoa ezarri du datozen edizioetarako. Azoka osatzen duten arloei haren know how-a eskaintzen jarraituko du klusterrak. Erakusketa eremuan parte hartuko du, eta Digital Talks elkarrizketetako Adituen Batzordean ere ordezkaritza izango du.
BeDIGITALek, batetik, erakusketa eremua eta produktuak eta zerbitzuak aurkezteko eremua izango du. Eta, bestetik, kongresuak egiteko eta networkingerako eremua. Arlo hauen bidez lotuko ditu bi horiek: Startup Village, erakusketa eremua eta Innovation Workshops.
Digital Talk direlakoak aukera ezin hobea izango dira industriari aplikatzen zaion eraldaketaren arloan azken 4.0 teknologiak ezagutzeko, eta eduki bereziki interesgarria izango da ekipo industrialak erabiltzen dituzten enpresentzat eta ekoizpen-prozesuak hobetu eta azkartu nahi dituztenentzat. Nazioarteko puntako enpresetako ordezkariek digitalizazioaren bilakaerari, ezarpenari eta erronka handiei buruz hitz egingo dute, haien esperientziatik abiatuta, eta lehen pertsonan azalduko dituzte arrakasta-kasuak. Saioetan hainbat gai landuko dituzte, hala nola adimen artifiziala, eraldaketa digitala edo zibersegurtasun industriala, baita makina-erreminta arloko berrikuntza ere.
Halaber, BeDIGITAL azokak Innovation Workshops-ak eskainiko ditu, 70 aurkezpen baino gehiagorekin. Espazio horretan, erakusketariek eta babesleek haien proposamen teknikoak eta berrikuntza-proposamenak erakutsiko dituzte azokak irauten duen bost egunetan zehar, Speaker’s Corner eremuko aurkezpen laburren bidez.
BeDIGITAL azokaren laugarren edizioa, aurten, BIEMH-Makina-Erremintaren Nazioarteko Biurtekoarekin batera egingo da, ekainaren 13tik 17ra. Gainera, espazio berean, Addit3D-Fabrikazio Aditiboari eta 3Dri buruzko Nazioarteko Azoka, IMIC-Industrial Maintenance Innovation Conference kongresua eta WORKinn-Talent Hub foroa egingo dituzte.
BeDIGITAL AFM-Advanced Manufacturing Technologies Cluster eta Bilbao Exhibition Centrek antolatzen dute eta GAIAren eta Eusko Jaurlaritza – SPRI Taldearen laguntza du. Gainera, aurten, nabarmentzekoa da dagozkien merkatuetan liderrak diren enpresen laguntza. Partner Instituzional gisa, Bizkaia-Beaz izango da bertan. Eta, Urrezko Babesle gisa, Logitek-Wonderware, Ekon, Lantek eta Weroi enpresek parte hartuko dute.
Lotutako albisteak

EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.

Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.

INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.

Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.

ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da

Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak

Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko

Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.