Bavariako ordezkaritza bat Euskadira etorri da puntako estrategia industrialak ezagutzeko
Alemaniako hogei bat kargu publiko eta enpresetako zuzendaritza-kargu Euskadira etorri dira, bertatik bertara ezagutzeko Basque Industry estrategia edota Basque Cybersecurity Centre (BCSC), Euskadiko Zibersegurtasun Zentro berria
Bavariako (Alemania) ordezkaritza bat Euskadira etorri da bisitan, zuzenean ezagutzeko puntako estrategia industrialak, SPRI Taldean (enpresen garapenerako euskal agentzia) integratutako eta aurten sortutako Euskadiko Nazioartekotze Agentziaren eskutik (Basque Trade Investment).
Euskadiko Nazioartekotze Agentziako zuzendari Ainhoa Ondarzabalek harrera egin dio ostiral honetan Bilbon Alemaniatik iritsitako ordezkaritzari. Hogei bat lagun etorri dira ordezkaritza horretan, besteak beste, hauek: Bavariako gobernu federaleko eta länder hartako erakunde desberdinetako zuzendariak eta Alemaniako dozena bat enpresatako zuzendaritza-karguak. Ondarzabalek azalpenak eman dizkie Eusko Jaurlaritzak bultzatzen dituen ekimen garrantzitsuenei buruz, hizpide hartu dituelarik Basque Industry estrategia edo joan den irailetik martxan dagoen Basque Cybersecurity Centre (BCSC) zibersegurtasun zentro berria.
Jaurlaritzak Euskadiko esparru publiko eta pribatuetan zibersegurtasunaren kultura handitzeko daukan konpromisoaren emaitza da Basque Cybersecurity Centre, eta zentroko zuzendari Javier Diéguezek azaldu ditu zentroaren ildo garrantzitsuenak. BCSCk helburutzat du baita ere euskal enpresa eta industrientzako negozio-aukera berriak bilatzea, aukera horiek zibersegurtasun teknologiak 4.0 Industriara transferitzeko prozesuan oinarritzen direlarik.
Diéguezek Bavariako ordezkaritzaren aurrean eman duen hitzaldian azpimarratu du hezkuntza dela zibersegurtasunaren erronkari aurre egiteko “gakoetako bat”, eta adierazi du “lankidetza estuan” ari direla lanean Eusko Jaurlaritzako Hezkuntza Sailarekin. Orobat aipatu du Basque Cybersecurity Centre “epe luzeko proiektua” dela.
SPRI Taldeko Susana Larreak hizpide izan du Basque Industry 4.0 estrategia, hau da, industriaren digitalizazioaren (laugarren iraultza industriala) aldeko apustua. Estrategia honen oinarria da produktu berriak sortzen laguntzea, material berriak txertatzea eta fabrikazio prozesuak hobetzea espezializazio sektoreetan. Ostiral honetako jardunaldian alde biko topaketak ere egin dira, hau da, Euskadiko nahiz Bavariako enpresen eta erakundeen arteko bilerak.
Bavariako ordezkaritza martxoaren 14an iritsi zen Euskadira, eta lan-agenda betea izan du, bisitan izan delarik Gaia klusterrean, Tecnalia teknologi zentroan, Zornotzako Automotive Intelligence Center-en, Vicomtech enpresan eta, besteak beste, Mondragon Korporazioan.
Bisita honen aurrekariak Eusko Jaurlaritzak eta Bavariako gobernuak 2014an sinatutako lankidetza-akordioan kokatzen dira, harrezkero hainbat bilera egin direlarik Arantxa Tapia Ekonomi Garapen eta Azpiegitura sailburuaren eta Ilse Aigner Bavariako Ekonomia ministroaren artean. Joan den irailean egin zen Munichen Tapiaren eta Alemaniako ministroaren arteko azken bilera, euskal sailburua Bavariara joan baitzen Fagor Arrasate lantegiaren inauguraziora eta Kanpo Sarearen bulego berri baten irekiera ekitaldira (Munich).
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.