Azaroaren 5ean egingo da Basque Cybersecurity Day, Euskadiko zibersegurtasunaren topagunea
Lehen aldiz egingo den ekitaldi honetan hizpide hartuko dira inpaktu sozialeko beste gai batzuk ere, esaterako hezkuntza edo ziberdelinkuentzia
Datorren azaroaren 5ean, Eusko Jaurlaritzak SPRI Taldearen bitartez Euskadiko Zibersegurtasun Zentroa martxan jarri zuenetik urtebetera, Basque Cybersecurity Day izeneko Euskadiko zibersegurtasunaren topagunea egingo da eta bertan parte hartuko dute sektoreko enpresek eta startupek, bereziki ETEek. Ekitaldia Bilboko Euskalduna Jauregian egingo da, Basque Cybersecurity Centre-k (BCSC) antolaturik.
Zibersegurtasunari buruzko egun horren lehen edizioan hizpide hartuko dira inpaktu sozialeko beste hainbat gai ere, esaterako hezkuntza edo ziberdelinkuentzia. Jardunaldiaren helburua da argi azaltzea pertsona guztiek, hasi gazteenetatik eta nagusienetaraino, modu seguru eta arduratsuan erabili behar dituztela Internet eta teknologia berriak.
Zibersegurtasuna guztiz transbertsala da, hau da, eragina du gizartearen arlo guztietan. Erabiltzaile partikularrek etengabe jasaten dituzte saretik datozen erasoak, esaterako, pishing-a eta era guztietako iruzurrak. Enpresen kasuan, ziberdelinkuenteak etengabe saiatzen dira beren sistemetan sartzen, zerbitzua ukatzen duten erasoak jasaten dituzte edo iruzur saiakeren biktima izaten dira (adibidez, zuzendari nagusiaren iruzurra). Gertakari horiek ondorio oso kaltegarriak izan ditzakete negozioen jarraipenean.
Enpresekiko eta hiritarrekiko erantzukizunari erantzunez sortu zuen Eusko Jaurlaritzak Euskadiko Zibersegurtasun Zentroa. Antolakuntza aldetik, SPRI Taldearen barruan txertatuta dagoen erakunde bat da, zeinak helburutzat baitu zibersegurtasun neurriak sustatzea industrian, ikusgarritasuna ematea Euskadin zibersegurtasunaren arloan egiten den guztiari eta zibersegurtasunaren kultura sortzea.
Basque Cybersecurity Day ekitaldiaren asmoa da zibersegurtasun sektorea dinamizatzea, horretarako beraizik handituz Euskadiko industria-ekosistemaren heldutasuna, seguruagoa izan dadin eta zibermehatxuetatik babestuago egon dadin. Ekitaldiaren asmoa da baita ere zibersegurtasuna balio diferentziala izan dadila, Euskadiko enpresen lehiakortasuna hobetzeko.
Jardunaldian hainbat gai landuko dira, hala nola ETEak ziberdelinkuenteen jomugan daudela hornikuntza-kateko begi ahulena direlako, CCleaner bezalako aplikazio ezagunetako troiarrek erakusten duten bezala.
Ekintzailetzak ere izango du bere txokoa ekitaldian, maila globaleko erronka baita. BCSCk komunitatearen zibersegurtasuna hobetzea helburu duten proiektuak bultzatzen ditu eta atzerriko enpresak edo kapitala erakartzen du, Euskadi zibersegurtasun arloko erreferente bihurtu dadin. Estrategia hori bat dator BIND 4.0 startup azeleragailuaren bitartez bultzatzen den estrategia publikoarekin. Gainera, BIND 4.0 azeleragailuaren bidez enpresa txikiek aukera dute 4.0 Industriako enpresa erreferenteenganaino iristeko.
Jardunaldiaren helburu nagusia da zibersegurtasunari merezi duen tokia ematea. XXI. mendeko mehatxu handienetako bati aurre egin nahi badiogu, gizarte kontzientziatu bat behar dugu eta erakunde eta enpresek prest egon behar dute kolaboratzeko eta esperientziak partekatzeko.
BCSC, eskualde mailako liderra Europan eta euskal erreferentea zibersegurtasunean
Euskadiko Zibersegurtasun Zentroak hainbat lorpen erdietsi ditu bere zortzi hilabete inguruko ibilbidean. Lortu du Euskadin industriako eta enpresa esparruko lider izatea zibersegurtasun arloan, eta European Cybersecurity Organisation (ECSO) erakundeak Javier Diéguez (Basque Cybersecurity Centre – Euskadiko Zibersegurtasun Zentroko zuzendaria) aukeratu du duela gutxi Europako Eskualdeen ordezkari izateko erakunde publiko-pribatu horren Lankidetza Batzordean (Partnership Board), berau baita ECSOren eta Europako Batzordearen arteko komunikazio kanal formala zibersegurtasun proiektuekin lotutako lan-programaren inguruan eztabaidatzeko. Hala, Euskadik bere posizioa sendotu du Europako erreferente izateko zibersegurtasun arloan.
Horixe da, hain zuzen, Eusko Jaurlaritzak SPRI Taldearen bitartez 2017ko urrian sortutako BCSCren bidez lortu nahi den helburuetako bat: Euskadi nazioarteko erreferente izan dadila zibersegurtasun-teknologiak fabrikazio aurreratuko industriari aplikatzeko orduan.
Euskadiko Zibersegurtasun Zentroa ECSO sareko eskubide osoko kide da aurtengo urtarriletik. ECSO Europako zibersegurtasun-sare handiena da, zeinetara biltzen baitira zibersegurtasunaren arloko administrazio publikoak, enpresak, ikerketa zentroak, elkarteak, eskualdeak eta askotariko organismoak.
Lankidetza Batzorde Publiko-pribatua (Partnership Board) da ECSOren eta Europako Batzordearen arteko komunikazio-kanal formala eta bertan eztabaidatuko da Horizontea 2020 ekimenaren barruan garatuko diren zibersegurtasun arloko proiektuen lan-programa eta I+G+B programa orokorrarekin erlazionatutako gaien inplementazioa eta, gainera, jarraipena egingo zaie lankidetza publiko-pribatuko konpromisoei.
Batzorde horren bitartez elkarrizketa ireki bat sortzen da ECSOko kideen artean, Europako Batzordearekin adostutako kontratuan aurreikusitako helburuak lortzeko.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin